ywjsuab tus neeg uas sawvlig ib txwm hlub,
kheev ntuj pub... qhib kev hlub rau zaum ob
muaj koj nyob... nraim kuv ib sab
yam paj hmab...paj ntoo rov hlav
ntuj yuav tshav...twb tsis los nag
twb tsis tag...ib sim nkauj nraug
uas wb taug...los tau ntau xyoo
lub moo nroo...wb twb tso tseg
lub neej ntseg...ntshe wb twb muaj
twb tsis tuaj...quaj rau tej no
caij ntuj no...kheev lam muaj koj
nrog kuv noj...koom ib tais mov
ntshe yuav sov...tag kuv nploojsiab
ntuj yuav tshiab...cuag ntuj ceeb tsheej
vim kuv yeej...hlub koj los ntev
xav sawv kev...mus dai txoj hlua
kom txhob ua...rau koj nyuaj siab
thawj dua thiab...mam rov los nrhiav
yam tsob qiav...mam rov cog dua
yuav tsis ncua...ncaim ntawm koj mus
kuv tej lus...koj puas nco lawm
hais tsis tawm...rau leejtwg paub
koj diam ntaub...kuv tseem khaws cia
yug txoj sia...los txog tav nov
koj puas hnov...kuv tej lus hu
txoj kev tu...kuv caum tsis cuag
ua neeg tuag...tsis tu txoj sia
thiaj seev qhia....rau ywjsuab paub os
Home 
Calendar
