Subject: Re: NkaujnagTshia Lub Chaw Seev Lus Mon Nov 24, 2014 8:54 am
Yajceebtshiab wrote:
Nagtshia tus daisiab, koj hais tseeb los hais cuav naj yuam...lod yog koj ntxias kom kuv txawj ua npausuav...Tsam kuv thov teem caij zias tej yas kev...thaum ntsib dheev tsis yog tus koj ntshaw..koj yuav ua cuav tsab zias tsis lees paub kuv npe...kuv nim ua ntuj liab teb dub tuaj hais teev zias caij nyoog tim khawv los koj nim tsab zoj tias yog yuam lawm xwb koj tsis tau nrog leej twg sib teem tseg...Ntshai kuv yuav chim siab tuag nthi tsis xav ua neej nyob vim kev tshua koj ces kuv yuav ua ib siab nrauj ncua lub neej tsis leg...Kuv tusiab nro coj lub zoo meej xeeb txiv neej siab zoo mus zov qab choj ua neej tsis muaj vam/tsis muaj tsev.
Nagtshia, puas yog koj dag nrab neeg kom sov siab...tsam wb teem caij zias tej nrab kiab..ntsib dheev kuv tseem zoo tsis ntxim koj siab ces koj yuav fee dujdas tsis xav ntsia...kuv nim twv ntuj twv teb hais muaj paus xaus muaj ntsis ua zaj ua ntxeev qhia los koj tseem hais txwv zias tias koj yeej tsis tau teem nrog leej twg kiag es cia txhob hais ntau tsam koj tau kev txaj muag...Kuv nim xav zoj los chim siab xeev nto plaws los tu plawv...Kuv cia li pos muag nti nrauj hlo lub me meej mom txiv nraug nrab tsis khuv xim...tseg hlo tiam neej no tsis tshaw ua..kuv txoj sia kiag los yeej tsis xav yuav ces ua ib siab sau kuv tiam me neej no mus ua qab ke luag naj yuam leej muam tus txawj hais lus tshua.
Kheev lam kuv yog tus koj tsis tau koj tsis xav mus nrog simzeej twg kib cuab, kuv twb zoo zoo siab nyob tsheb mus taw los yeej luag tej swb suab. Kuv txawm tsis tau koj los kuv zoo siab hlo mus pes ua tsaug ntuj thiab ua tsaug pe lua thov rau kuv tej me poj koob yawg suab-tias txhua tus muab tau txoj hmoo zoo pub kuv los txhawb tau Nagtshia lub siab zoo ua rau koj muaj lub suab luag.
Kheev lam muaj tseeb uas koj tsis tau kuv ces koj tsis xav mus tab simzeej twg lub me teejyig, kuv twb zoo zoo siab ncig yeev nraum zoov lhauv tsev luag ntxhawv ntxhi. Kuv tsis muaj txoj hmoo tau koj lo kuv yeej zoo siab hlo mus thov ua tsaug pes tswv ntuj thiab ua tsaug pe-pua lua thov rau kuv tej pog suab yawm tis-tias txhua tus muab txoj hmoo zoo kuv los daws tau Nagtshia lub siab chi ua rau koj nyob nyab xeeb lug nrog lub siab luag ntxhi.
Yog kuv seev tsis phim koj los xam tseg ua kev sib fim...Txoj hmoo muaj wb kom yees tau sib cuag mam li pauj koj ib khob me cawv ntsim.
me leej nus nagtshia sij hawm tag lawm es mam rov tuaj teb nws nawb mog siab ntev tos nagtshia os me leej nus siab zoo......"
Subject: Re: NkaujnagTshia Lub Chaw Seev Lus Tue Dec 02, 2014 11:11 am
Nyob zoo os Me leej nus hmong tus qab zib tshaj piaam thaj"Tsis hlub txhob daj tsis xav noj los txhob saj tsam ua hauv tshuaj iab mus lom plaw"Nim tsav hais zoo luaj ko ces qhia koj tsev muab lawm koj chaw"Nkaujnagtshia yuav ntim su zias mus nrog koj nyob sov siab koom ncoo los sov plaw"Me leej nus hmong tus me qab zib tau ntxim ntxim siab"Kev hlub yog tshuaj iab tsis zoo zaj tsis zoo yom"Tsam 1 hnub twg kuv nkaujnagtshia qaug hlub ces quaj los koj tsis hnov see los koj yuav tsis pom mog"Koj nim tsav seev deeg daws kuv nkaujnagtshia tej hlab siab ntxhee yees kuv nkaujnagtshia tej hlab po"Tsis muaj siab txhob daj ua chaw ntsoos deev los ua 1 lub chaw nco "Ab me leej nus hmong tus tswv yim loj "Nim tsav hais zoo ua luaj li no diam ces cia wb teem caij li nroos tuav tes li yeev wb mus ua loj leeb loj le lawm pem suav tshoj os yom "Eb yuam hmong me txiv nraug hlub tus tswv yim dav tsav hais zoo ua luaj li no ce cia wb teem caij li nroo tuav tes sis yeev mus ncig lawm niaj mab niag suav tuam tshoj nrag"Cia kuv ua koj ntej lawm 1ncua"Koj lawv kuv qab kawv kaus roos kuv li yeev wb mus ua qhua seb puas pom me sab hnub ci paj hnub tawg lawm 1 ntsua os nawb "Me nraug hmoob es kuv ces tsis keej ntshe yuav seev tsis phim koj los lam khaws kuv tej lus seev mus saib ua dab muag"Mam thov ywm saub kom lwm tiam wb rov los sib cuag wb mam kwv kaus li yeev rov los sib yua os mog..NkaujNatshia li qaug cev li yees rau lawm koj puag...
Last edited by Nkaujnagtshia on Mon May 02, 2016 10:43 pm; edited 1 time in total
Subject: Re: NkaujnagTshia Lub Chaw Seev Lus Tue Dec 02, 2014 1:04 pm
Nkauj Nagtshia tus me nkauj hmoob txawj npliag, koj tej me lus hais puas yog tawm plaws puag hauv koj lub me qab plawv tiag. Kuv nyeem koj tej me lus nim ua rau kuv lub me siab vwm qaug pes lias zoo tam ntua leej tib neeg muab tshuaj lom me ntses nuj ntses nia. Yog tias koj tsuas hais ntxias ces tseg twj ywm tsam kuv tuav kev tawv tuaj lawm no lub me ntiajteb tawg kub cuag roob hluav taws koj tsis nrog lees, tabsis ntshai koj yuav xuas kev khiav kom dim txoj sia.
Koj tej me lus cas nim hais cuag li koj twb yeem hlub kuv lawm, koj puas yuav noj nyog sawm taus nrog hmoob simzeej tus koj tsis paub chaw/tsis paub txog no ua ib zaug me txwj-nkawm tuav tes rawv mus ncig lawm tuam tshoj li hmoob tej keeb kwm qub teb qub chaw.....mus koom tau ib rab diav noj hno tsau/koom haus ib lub khob cawv qaug thiab koom ib lub chaw pw tsaug.
Tiam neej no kuv yuav zoo siab hlo kwv kaus li yeej roos koj cev zoo nkauj-cia koj ua ntev li yeev kuv saib koj lub zeejtxhiaj thiab tseem tuaj yees cia yog tus neeg koj txib ywj siab siv khaiv ywj ntsws-tsaus ntuj puag tsis pub koj ntshai- nruab hnub koj tshaib los yeej zoo siab hlo pub mov koj noj kom txaus-taug kev nce taoj nqis taug, koj sab ces yuav cug kiag qaum ris koj mus nce txhua plas toj mas nkauj hmoob tus me neeg hais lus txhawb zog lus qab rog.
Nagtshia tus me txawj hais lus tawb-yog kuv seev tsis phim koj los cia ua kev swm kev ncawg-muaj hnub ntsib kiag mam pauj koj ib khob me cawv xaws mog nawb.
Subject: Re: NkaujnagTshia Lub Chaw Seev Lus Mon May 02, 2016 10:37 pm
YajCeebTshiab ntev lawm uas nagtshia tsis khoom rov tuaj xauj nagtshia lu tsev seev lusno lawm Twb tuaj ntxhuab tag lawm os me leej nus .NagTshia ua tsaug nws me lus qab zibthiab lus sau cia.Txawm yuav yog tsawg xyoo tsawg tiam los nagtshia yeej tseem yuav rov tuaj khaws los seev qhia. Cas yuav hais lus qab zib ua luaj.Cas nim nyeem nws me lus qab zibzoo siab zoo plawv tham nagtshia tau 1 hwm zoo tshuaj os me leej nus hmoob.
Thov kom muaj tseeb nco tiag xwb nagtshia zoo siab lawm na lov.