1/. Meej mom yog lub hwj chim uas koj yuav tau hwm koj tus kheej ua ntej lwm tus yuav hwm koj. 2/. Meej mom yog tus cwj pwm los yog tus yam ntxwv ntawm koj txoj kev coj zoo thiab phem
Vim li ntawd ib tug neeg twg yuav muaj lub meej mom siab thiab raug lwm tus hwm nws, nws yuav tsum tau paub hwm nws tus kheej ua ntej. Muab piv li ib tsob zaub tsob uas nws pheej yuav tos tus tswv ywg dej txhua hnub nws mam loj xwb tsob ntawd txhais tau tias nws tsis paub pab nws tus kheej muaj ib hnub tus tswv yuav muab de mus noj. Tab sis tsob zaub uas koj tsis ywg dej los nws yeej txawj nqus dej pab nws tus kheej, tsob ntawd tus tswv yeej yuav tseg nws ua noob xwb tiag.
Nyobzoo os, Ntsuj Plig,
Zoo siab tau ntsib koj hauv no thiab.
Uatsaug ntau rau koj ob nqe lus tshab txhais txog lolus, "Meej Mom" no mog.
Yeej yog li koj hais, yus yuavtsum fwm yus tus kheej thiab coj tus yamntxwv/cwjpwm kom haum lwm leej lwm tus mas yus lub meej mom thiaj yuav nyob tau ntev.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: ~MEEJ MOM~ Tue Aug 03, 2010 1:23 pm
Nujqiam wrote:
Nyob zoo Npauj Npaim, Ntsuj Plig, thiab Deegsiab.
Raws li kuv mus mloog ib tug ntxhais seev ib zaj nkauj mas zoo li kuv twb tso nws daim video rau hauv nov lawm mas. Tab sis, kuv tsis paub tias yog nyob rau lub topic twg lawm.......hahahahahahaahaha.
Meej Mom, yog muab xav rau ib tug neeg muaj hwj chim, nplua nuj, thiab kawm ntawv qib siab ces 3 yam nov yuav ua rau tus neeg muaj meej mom yom. Tab sis, tshuav kev hlub xwb vim kev hlub yog ib yam txij nkawm sib sau ua neej ces yog ob leeg sib fwm ces yuav tau txo hwj chim es ob leeg thiaj li taug taus ib txoj kev tam kuv xav xwb.
Nyobzoo os, Nujqiam,
Zoosiab tau ntsib koj hauv no thiab. Kuv twb xav tias ntshe tsis muaj neeg nyiam nrog kuv tham txog meej mom no es kuv thiaj tsis tuaj lawm, tabsis hnub no kuv rovqab tuaj pom nej tham txog meejmom mas rovqab ua rau kuv nquag zog tuaj lawm thiab laiv, haahahaa,
Zoo siab tshaj li os, kuv xav tias peb nyias muaj nyias kev xav tabsis qhov tseeb tiag ces peb txhua tug yeej xav kom muaj lub zoo meejmom xwb. Yog thaum nyias paub tsav nyias lub meejmom lawm ces kev sib haum xeeb thiab kev ncaj ncees yeej yuav muaj ntau thiab yuav yeej kev phem xwb.
Hais txog lolus, "Meej Mom" no mas yog yuav muab txhais los ces muaj ntau yam heev li. Vim muaj nyob rau hauv txij nkawm lub neej, nyob rau tej kwvtij neejtsa, kev nom kev tswv, kev ua noj ua haus, kev kawm txawj kawm ntse, kev phooj kev ywg, thiab ntau yam uas tus neeg zoo yuavtsum tau ua. Txawm licas los kuv xav tias peb nyias tsuas tuaj tham raws rau qhov yus tus kheej nyiam, pom, thiab xav tau xwb es txawm tias kuv hais tsis haum koj siab los ho thov zam txim xwb tiag.
Cas peb yuav tham txog lo, "Meej Mom" tau zoo ua luaj li es zoo siab tias ib leeg pauv ib yam tswv yim seb peb puas yuav paub txog Npauj Npaim ob lo lus nov txog rau qhov twg tiag mas zoo kawg li.
Ntsuj Plig mas tshaj lij kawg li vim nws muab tau cov tswv yim qhia tau tob heev li os. Kuv xav tias yuav yog li Ntsuj Plig hais lawm vim luag neeg Meskas mas yog luag tau siv luag cov tub rog mus ua rog lawm ces luag yuav tsum tsim kom tau lub memory los hwm los tuav kom mus tsis paub ploj rau luag cov neeg uas tau muab txoj sia mus pauv kev thaj yeej rau luag haiv neeg. Hais txog peb Hmoob mas kuv tsuas hnov qho leej hluas nkauj pheej seev tias yus meej mom qis qis tsis zoo li luag lwm tus. Kuv xav tias tej tus hluas nkauj hais li ntawm mas nws twb ua kom yus xav txog nws tag li xwb los tseem hais tau tej lo me lus tu siab ua luaj li......hahahahahahahahaha. Mloog zaj nkauj nov yav nram qab yuav kawg nws thiaj tham txog lo meej mom xwb.
Nej pau tham kawg li lawm os....kuv ces twb tsis paub tias Meej Mom yog dab tsi thiab. Tab sis tuaj pom nej cov tswm yim tas kuj yog ib qho zoo thiab ov...