Subject: TsisMuajLwmTiamLawm Fri Aug 09, 2013 12:01 am
Tus neeg kuv hlub tshua. Zaum no ces plam li plhua wb 1 tiam hlubTsis tau koj ua kuv luag,Tsis tau kuv yog koj khub,Plam lawm tiag uas wb
tsis tau tuav tes li yeev kwv 1 lub kaus roos hnub,Wb tsis tau ncig li yeev 1 ncua kev tshav ntuj kub. Zaum no ces tag lawm,Plam plhua wb tsis muaj
hmoo yog txwj yog nkawm. Lwm tiam ces yuav tsis muaj tiag.Tiam no tsis tau ces.Cia wb mam rov los thawj ua me kooj zaug kooj ziag.Koj li xiv deev
kuv lub siab.Kuv li xi sov koj lub ntiag quaj qheb lub ntuj tshiab.Wb yuav tsis muaj lwm tiam rov los thawj neeg tshiab.Tej lus saub lus seev tsis txhob ntseeg.
Lwm tiam ces yog niam thiab txiv tej dab neeg.Mam cia seb puas muaj tiag lwm tiam.cia koj yug los yog kooj zaug kuv li yug los yog kab ziag.wb li los seev yuj
yees nyob tos me cua moj lwg kom sib ntxhiag.Wb yuav tau lub me xeem kooj zaug kab ziag lawm tiag. Sib ntsib dua tus kuv hlub tshua,nco koj oshmoob
Subject: Re: TsisMuajLwmTiamLawm Sun Aug 11, 2013 6:14 pm
Cas zoo li koj pheej seev tu siab ua luaj yog seev rau leej twg na? Kuv tseem nyob ntawm no tos ntsoov koj tsis mus qhov twg xav tias muaj ib hnub yuav tau ntsib koj xwb tsis txhob seev lawm os mog cev tes los kuv so koj lub kua muag cia kuv puag koj rau hauv xub ntiag wb nyob ua ke ib pliag seb lub siab puas yuav kaj os mog...
Subject: Re: TsisMuajLwmTiamLawm Tue Aug 13, 2013 3:09 am
Kho siab lam seev xwb os NtsujPlig Tsis seev rau leej twg os nyob kho siab es lam seev kom lub siab dim pa es seb lub plawv ncus puas xoob me me xwb Ua tsaug koj los saib nagtshia nawb hmoob tus hlub
Subject: Re: TsisMuajLwmTiamLawm Tue Mar 11, 2014 6:25 pm
Leej muam, kev seev yog ib yam uas zoo tshuaj, ua peb hmoob muaj los tau ntau tiam neeg, yog peb tej qub tes qub txeeg uas zoo tshuaj los kho lub siab, kom peb xav yam tshiab los coj lub neej, kom peb xyaum pheej kom tau txoj kev zoo, seb puas muaj hnub peb tau txais koobhmoov kev hlub uas peb ntshaw, kom los ntxaws tau pev txoj me kev qhuav siab, kom peb xav tias muaj mus thawj thiab, ua lub neej tshiab nyob rau lwm tiam, qhov tseeb tiag ces yog neeg txoj me kev khosiab thiab kev xav xwb mog, Yog muaj tseeb tiag ces sib sib hlub rau tiam no kom txaus nkaus es txog hnub mus los zoo siab hlo mus xwb os mog. Xav seb puas yog?