Subject: Re: Nkauj Mos Ab tau thaub laus tsw lwj Mon Feb 09, 2015 6:21 am
Nkaujhnubqub.....
Kuv xav tias yuav muab liam tsis tau rau txoj hmoo tag nrho thiab. Qhov tseeb tiag txheej nim no cov ntxhais hluas pheej tau cov thaub laus tuaj ua neej lwj siab ntsuav mas nws yog vim 2 yam ntxiv txoj hmoo xws li:
(1). Txoj kev txom nyem yeej xum swb txoj kev tau zoo. (2). Txoj kev ntshaw nyiaj muab yus me ntxhais yuam mus ua luag liaj.
Vim txoj kev txom nyem txawm tias yus lub me cev nkauj xwb uas mos mos thiab muaj tej tub hluas ntshaw ntawd thiaj xum poob mus rau tus neeg laus. Qhov no yog qhov xav pom lub teb chaws vam meej thiab xav tau txoj kev tau zoo, tab sis thaum tau mus nyob ua ke lawm mam hnov tus ntxhiab uas tsis xis yus ces twb lig dhau lawm.
Peb hmoob tej laus txoj kev ntshaw nyiaj, txawm yog yus yuav muaj ib tug ntxhais zoo thiab tej tub hluas xav los ua yus vauv los tsis kam ho xum muab yuam rau yawg thaub laus kom tau nyiaj los tsim vaj kho tsev. Thaum kawg yus me ntxhais thiaj poob mus ciaj thaub laus qhev, muab xav li no txawm kuv yog txiv neej los kuv yeej ntxub Hmoob txoj cai quab yuam thiab zij poj niam hos......
Subject: Re: Nkauj Mos Ab tau thaub laus tsw lwj Mon Feb 09, 2015 4:16 pm
Ntsuj_Plig,
Koj daim clip zij poj niam mas yog kev cai qub nyob rau yav ntuj qub qab xwb hos yog koj tham txog cov ntxhais mos mos yuav peb cov thaub laus mas nws yog nws ib lub zeem muag tshiab es yuav tsum yog tus ntxhais siab zoo thiaj li ua taus neej nrog yawm thaub laus vim ib nrab ntxhais siab zoo mas lawv tsis khwv yuav ntxeev ntuj es ntxias thaub laus nce thab lauj taw ntaiv ne vim qhov tus ntxhais siab zoo mas nws yeej paub txog nws lub zeem muag hais tias thaum nws yuav ib tug thaub laus lawm nws yuav txaus siab zov yawm thaub laus kom txog hnub kawg mas nws mam ntau siab yuav mus tsim dua ib lub neej tshiab vim ib tug neeg yuav tuaj rais ua lub poj luag sev nyob rau txawv teb chaws mas yuav siv li tsib xyoo tus ntxhais mos mos ntawm mam li tau npav ntsuab ces kaum xyoo rov saum thaum tus ntxhais tuaj yoog tau luag lub teb chaws thiab paub luag lus lawm mas tus ntxhais mam li mus ciaj ua luag neeg yog xam xaj ces thaum ntawm yawm thaub twb yuav mus lawm ntuj ceeb tsheej ces thaum tag yawm thaub tiam lawm luag mam li seev txog qhov yuav mus tsim dua ib lub neej tshiab mas cov ntxhais ces cov ntxhais xav li ntawm thiaj li yog cov xav yuav peb cov thaub laus.
Muaj ib co ntxhais mas lawv ntxias thaub laus nce thab lauj taw ntaiv xwb ces thaum lawv tuaj txog rau lub teb chaws vam meej lawm ces lawv pom peb cov tub hluas thiab ntxhais hluas mas haib los haib hos zoo nraug ntxiag ces tus ntxhais mos mos txawm hnov thaub laus tsw kauv thiab tsis xis neeg li lawm ces tus ntxhais cia li ua phem kom plam yawm thaub laus ces qhov ntawm mas tsis zoo yuav poj niam kev deb li os.
Lub neej nim nov luag cov ntxhais txawv lwm cov teb chaws uas luag kawm ntawv qib siab tag mas lawv yeej ua npau suav toog xav tau cov thaub laus vim luag xum zov yawm thaub laus es mam khaws yawm thaub laus lub neej rau yav thaum laus xwb thiaj li paub tab hos qhov yuav ib hmos twg peb plaub zaug mas pw kaj ntug mas luag tsis hais li vim luag yeej cia thaub laus kwv tau li cas los ua li ntawm xwb los laug yeej txaus siab hlo ne.
Hahahahahaha.....nov yog kuv cov lus tham pem xwb es yog yam twg sau tau tshaj lawm los thov nej cov tuaj nyeem peb cov lus ho ua siab ntev mog.
Subject: Re: Nkauj Mos Ab tau thaub laus tsw lwj Tue Feb 17, 2015 10:08 am
8tos8nco......,
Tos tej ntxhais mos pheej tau thaub laus thiab los yeej tsis yog tim cov niam cov txiv xwb, tab sis cov ntxhais txheej nim no los pheej thab thab plaub li koj zaj nkauj no thiab ces kav liam cia lawv mam hnia thaub laus tsw lwj xwb los mas....hahaha.
Subject: Re: Nkauj Mos Ab tau thaub laus tsw lwj Tue Feb 17, 2015 2:03 pm
Ntsuj_Plig,
Hahahahahahaha......tej zaum cov ntxhais mos yeej paub qhov tseeb hais tias lawv yog cov yeej cov thaub laus ntau xwb ces lawv thiaj li nyiam cov thaub laus hos cov hluas mas ntshe lawv tsis nyiam. Tab sis, raws li cov neeg thaub laus mus nplog teb mas lawv kuj yuav tsis yog cov neeg laus rau caum tsib xyoo li cas ces lawv yeej tseem yog laus nraug xwb.
Kuv xav tau lawm hais tias lub teb chaws Nplog yeej muaj kev zoo siab ntau yam rau peb cov neeg laus rov mus saib qub teb qub chaw thiab ho tau hais lo puav lus mos lus muag nrog cov ntxhais mos los thiaj li tsim nyog rov mus saib lub teb chaws Nplog uas sawv daws tseem tshua tshua ces txawm zoo li cas los cov laus yeej txaus siab pub nyiaj rau lawv siv thaum mus nrog cov ntxhais mos nyob nco lub teb chaws Nplog.
Cov hluas yug los nyob rooj teb no yuav tsis muaj kev cov nyom txog tej laus lub neej laus vim cov hluas tseem tshuav lub neej ntev heev nyob rau yav neej pem suab ces cov hluas yuav tsis muaj lub sij hawm khwv nyiaj txiag mus siv vacation rau kev deb kev ncua ntev vim peb tseem tshuav cov ntxhais mos mos nyob rooj teb no tsis muaj tus hlub thiab ne.