Thaj chaw no muaj kev hlub tshwjxeeb vim nws yog ib txojkev hlub muaj tseeb los ntawm ib nkawm zoo neeg txoj kev sib ntsib lub neej nkawv tseem muaj sia nyob yajceeb. Nkawv lub neej los sib hlub zoo li yog ib zaj npausuav nyob nruabyeeb thiab nkawv sib swm los ntawm tej lus sib tawb sib nqee. Ib tug ntawm nkawv 2 leeg thiaj khaws cia txojkev hlub ua keebkwm zwm tseg rau nws lub neej. Txij thaum tau sib ncaim mus lawm , nkawv cov lus zoo li muaj ntxhiab sawv tau ua xyw, thaum lub caij pw ib tug ntawv thiaj hnov nws tus hlub lub suab lus thiab txojpa tsw ntawm hauv ncoo. Nws ua zoo tig ntsej mloog ntuj teb tag hmo ntsiag li to tsis muaj leej twg lub suab nroo. Nws ntseeg tias tsis yog dab tsis yog ntxoog, tabsis yog txojkev tshua uas tseem nco tej lus zoo tau zwmtseg nruabsiab nyob nrog nraim lub niaj thawm lub xyoo.
Thaj chaw no nws zoo li koj tus neev tes suav hnub suav nyoog nphob, thiab koj tus lw ua hnub ua hli yuav ploj. Kuv tseem tos koj li thaum ub koj tos kuv, thiab kuv tseem ntoj thiab tseem thuv wb tej lw li tus xyw tseem nco ntsoov lub cev ntajntsug tus yeebyam - yamntxwv. Koj mus nyob rau qhovtwg cas thiaj zais roj muag neev kuv tsis pom koj lw. Koj puas paub tias koj tej lus ua rau kuv nco thiab saib koj daimduab ua rau kuv ob lub qhov muag txhawv dej ntws. Nws zoo li yog muaj xyw tshoov kuv lub plawv kom mob thiab tshoj yuj kuv lub siab kom nco txog koj tsis muaj caij ploj. Tiam no kuv muaj kev nco vim kuv tsis tau koj, thiab kuv yuav nco ib tug neeg kuv hlub rau ntiajteb ciaj ib tug xyw hlub tseg hem neeg ntiajteb mus ntau txheej tshoj saib puas muaj ib hnub lossis ib tiam twg tau hem koj.
Last edited by Yajceebtshiab on Fri Apr 08, 2016 11:09 pm; edited 2 times in total
Subject: Re: Tus Xyw Hlub Fri Aug 14, 2015 8:19 am
Yajceebtshiab, koj hais yog kawg li. Yog li ntawv kuv ntseeg hais tias koj twb nrhiav tau tu xyw hlub lawm puas yog? kuv los yeej pom muaj li koj hais thiab tiag. Tab sis cov tsis muaj yam ua yus muaj ces paub tsis tau li os. Ua tsaug
Subject: Re: Tus Xyw Hlub Fri Aug 14, 2015 8:32 am
Me nkaujnagtshia txog txog tav li nov es kon tseem npuab rawv tu xyw hlub tsis tso li lov? Yog tus neeg yus hlub ces yeej nco ntsoov cia rau yus txoj ke xav lub hlwb tuav rawv nws txoj kev zoo txhua lub sij hawm mas mog vim muaj qhov qhia rau koj hais tias yog tus yus hlub thiab yus twb pom paub tseeb tias yog tus tseeb lawm ces tsis sib tau los txoj kev hlub yeej nyob ua ke tsis sib nrug li mog.
Koj nco nws mob koj npaum li cas los nws yeej mob npaum li koj thiab ov ces neb ob leeg thiaj li txhais hais tias nyob nrug cev tsis nrug siab thaum koj mob ces mws nyuab siab hos thaum nws mob los koj mob nyob tsis zoo li thiab ces ua lub siab loj ua siab dav..Ib hnub twg txog yus hmoov ces ntuj yeej muab nws kiag tau rau yus xwb vim yog txoj niag kev hlub loj sib npaug muaj nuj nqis tib yam yog yus tus tseeb ces nyob qhov twg los nws yeej yog yus tus xwb es xav hais tias niam nkaujhnub thuab txiv nraug hli yeej nyob mus li nkawv txoj kev sib ntsib tsawg kawg li vim nkawv txoj kev hlub yog ua cawm lub ntiaj teb tsis muaj hnub sib ncaim li.