Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
tij laug ntsuj_plig thiab 8tos8nco, kuv kuj tsi paub zoo thiab hais txog kev nkauj nraug tab si raws li saib movie thiab hnov luag hais mas kuv xav tia yog txawj sib hlub npaum nkauj ntxoo thiab Yim laj nkawv zaj dab neeg no lawm ces yeej yuav tau mus raws li Nkauj ntxoo txoj kev no xwb vim sib hlub tsi sib tau ces xum tuag ua ib pawg av zov yeej thoj nam tawg rog vinai ntshe yuav zoo dua qhov saib yus tus me ntsuag kub lawv sib hlub thiab xum muab yus txoj sia tuag tam rau txoj kev hlub qhia rau tib neeg ntiaj teb tias Nkauj ntxoo txoj kev hlub uas tau muab rau Yim laj nws loj thiab muaj nuj nqi npaum li cas?????????????????
Xav li ko los kuj yog thiab mas tab sis kuv ho xav tias tos hnub no Nkauj ntxoo cia li muab nws lub me cev ntaj ntsug tuag tam nws txoj kev hlub los yeeb vim yog Yim laj ib leeg thiaj yog tus neeg nws hlub thiab nyiam tuaj nruab siab ces txawm Nkauj Ntxoo yuav mus ua neej pes tsawg niaj los yeej tsis muaj ib yam dab tsi los ntxuav kom tau Yim Laj lub ntsej muag luag ntxhi thiab tus me xyw hlub hauv Nkauj ntxoo lub siab tawm vim kev lag kev luam yeej zoo thaum thawj ntsug xwb.
Hais txog ntawm Yim Laj mas ntshe yuav tau ua ib me siab tseg tsis txhob nco thiab txhob seev txog Nkauj ntxoo lawm ntshe yuav zoo dua es txawm kev hlub yav ntuj qub qab zoo npaum twg los yuav ua tsis tau li cas lawm vim luag muaj luag tswv lawm vim Nkauj ntxoo tus txiv tau tuaj pe lub ntuj thiab daim av lav npaum ub npaum no saum lub rooj noj rooj haus rau tej niam tej txiv thiab pe luag ncej dab ncej qhua tag lawm tias txij hnub ntawm mus txawm ciaj los yog luag neeg tuag los yog nws dab lawm xwb hos hais txog paj huab mas yuav tau nrhiav neeb nrhiav yaig li neb hais los kho Yim Laj nawb.
Hahahahaha......tej laus pheej dag tej hluas hais tias, "Lag luam zoo thawj ntsug tib neeg txoj kev hlub ces zoo thawj tug" ntshe tsis muaj tseeb li ntawm ho vim tias peb cov nraug nrab thiab nkauj nrab rov mus Los teb lawm coob leej coob tus lawv twb tsis nroo ib yam dab tsi qhia leej twg hais tias kev hlub yog li tej laus hais hos peb cov ntxhais mos mos tim Nplog teb los lawv twb tsis seev li Nkauj Ntxoo zaj dab neeg li mas kuv xav hais tias thaum leeg twg yog tus yus hlub ces tus ntawm txawm yog yus thawj ntsug lag luam lawm xwb vim lub ntiaj teb no yog leej twg lag luaj zoo rau yav mus kawm txuj kawm ci xaus es mam li pib nrhiav txij nrhiav nkawm los hlub los plwg ces tus ntawm lub neej thiaj li kav mus txog yav laus.......hahahahahahahaha.
Lub neej no yog leej twg sib hlub thaum mos mos ces khwv noj khwv haus tsis txaus ces niam txiv los yuav nej hnub sib ntaus es cia ua li Viyang hais tias Nkauj Ntxoo twb mus ciaj luag dab lawm ces thim tsis tau rov qab los ua nws leej niam thiab leej txiv tus me Nkauj xwb qas yeev nyob tos Yim Laj lawm ces ua ib siab muab txoj niag kev hlub tso cia.
Yog yuav hais li mas yeej muaj tseeb vim cov nrab nraug tau mus teb chaw los tsuas es tos lawv tsis nroo hlo li los vim lawv mus pom tag nkauj mog tus cev yiag ces nim zoo lawv lub ntsws cuag tau plhi dua tshiab nim yuav ua rau lawv zoo mus lub laj xeeb. tab sis peb tsis tau nug lawv xwb saws daws yeej muaj ib zaj dab neeg uas tuag tsis qhia dab nyob tsis qhia neej tias yus xeeb plees nkauj zoo npaum li cas os lawv aw...