Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Tau kawg, yog koj xav paub txog Yim Laj thiab Paj Huab lub neej xwb cia kuv mam tuaj sau rau peb tau kawm thiab qhia rau tej me tub me nyuam kom thiaj paub tias ib lub neej uas pib ntawm "0" tuaj yuav zoo li cas thiab txoj kev uas ob leeg sib pab nroos yeej yuav muaj peev xwm tshem tau txhua yam kev phem tawm ntawm lub neej mus.
Hnub no tseem yuav mus funeral lawm cia muaj caij mam tuaj sau nawb.
Ntsuj_Plig, zoo kawg li tias koj tseem yuav tuaj sau Paj Huab thiab Yim Laj lub neej ntxiv mus os vim hais tias lub neej tiag tiag ces Yim Laj thiab Paj Huab nkawv thiaj li yog Phab Ej thiab Nas Ej xwb hos Nkauj Ntxoo ces nws zaj dab neeg tu ncab tu ncua yog pib txij puag thaum nws tseem ua hluas nkauj thiab nws lub neej twb mus xaus rau lub yeej thoj nam tawg rog Vinai lawm ces nws zaj dab neeg yuav kawg li ntawm lawm xwb vim nws muaj nws ib txoj kev taug ces nws zaj dab neeg mas tsuas tshuav qhov seb Nkauj Ntxoo puas tseem rov los ua poj ntxoog los nrhiav Yim Laj rau yav thaum laus lawm xwb.........hahahahahahaha.
8tos8nco aw, kuv muab xav lawm tias zaj dab neeg no thaum pib yog Nkauj Ntxoo thiab Yim Laj nkawv ua tus qhib ces mam li muaj Paj Huab los cuam tshuam tom qab Nkauj Ntxoo twb mus muaj cuab muaj yig lawm mas kuv xav lawm tias yuav tsum muaj Part #02 los yog tseem tshuav tiam #02 rau Yim Laj thiab Nkauj Ntxoo nkawv xwb thiaj tag Vim Nkauj Ntxoo ib leeg thiaj yog Yim Laj thawj tug hlub ne nej hais puas yog?
Viyang, yog yuav hais zaj dab neeg tias thaum pib yog Yim Laj thiab Nkauj Ntxoo nkawv ua hluas nkauj thiab hluas nraug xwb ces ntshe zaj dab neeg yuav xaus rau thaum Yim Laj thiab Paj Huab nkawv noj tshoob lawm xwb. Tab sis cas zaj dab neeg ho yog Yim Laj thiab Paj Huab nkawv thiaj li yog ob tug tau sib ua txij ua nkawm los txog rau lub neej tam sim no thiab nkawv tau tsim muaj tub muaj ntxhais yog nkawv puav pheej los rau ntiaj teb nyob puv vaj puv tsev lawm ces tsis paub hais tias zaj dab neeg yuav xaus mus rau tiam twg los yog Nkauj Ntxoo tseem yuav ua ib nthwv cua tuaj rub Yim Laj rov mus ua nws tus hlub mas qhov ntawm xyov puas muaj tiam ob lawm......hahahahahahaha.
Lam yog muja hnub es Yim Laj rov mus saib lub yeej thoj nam tawg rog es nws rov ntsib nkauj ntxoog los hem nws ntshe yuav thiaj li yuav paub hais tias yog tim dab tsi ua thiab nws rov mus rau sab Meskas lawm los nkauj ntxoog yeej caum rawv Yim Laj lawm xwb mas ntshe yuav ntshai tag li os.......hahahahaha.
Xyoo 1980 tom qab kob rog cob fab nyob roob Phus Npiab tau swb rau nplog liab thiab nyab laj qaum teb, ib tsoom hmoob nyob ib cheeb tsab ntawm taw roob Phus Npiab (Phou Bia) sab hnub tuaj thiaj tau los thawj nyab laj. Tom qab los ua ib cim qoob loo sau tag rau nruab txhab thiaj tau los npaj noj cim peb caug xyoo 1980. Hnub xiab 3 ntawm lub peb caug xyoo no yog Yim Laj thiab Paj Huab nkawd txoj kev uas tau sib ntsib thawj zaug.
Hnub ntawd thaum sawv ntxov tsees huab zig niab no ntxiag tej hluas nkauj hluas nraug pib tuaj pov pob zom aws. Yim Laj thiaj tau tuaj pom Paj Huab nkawd txawm tau pov pob thiab sib tham, Yim Laj saib Paj Huab zoo tam li lub paj uas nyuam qhuav tawg tsis tau muaj ib tug muv los ntsauv hos Paj Huab los ntsia Yim Laj zoo tam li lub txiv nyuam qhuav txi tsis tau muaj ib tug kab los noj. Yim Laj xav tias kheev lam Paj Huab yog paj ntshe yuav muab de nrho coj mus hnia seb yuav tsw qab npaum li cas, hos Paj Huab los kuj xav tias kheev lam Yim Laj zoo li lub txiv ntshe yuav muab de nrho coj mus noj seb qab zib npaum li twg.
Txij ntawd los ua rau Yim Laj nkawd txoj kev sib hlub sib nco suav hnub suav loj hlob zuj zus, Ntuj teb tag hmo hav zoo nuj txeeg tsaus nti los Yim Laj tseem maub mus nrog Paj Huab tham tsis nco ntshai dab ntshai tso li. Hos Paj Huab los ntuj teb tag hmo me kooj saub ntsuag qees los tseem hnov lub suab ncas thiab lub suab ntxhi nro sib txuam daws tsis tsaug zog, Vim Paj Huab xav tias hav zoov nuj txeeg li no yog Paj Huab tsaug zog lawm ntshe Yim Laj yuav tsis tau luag.
Hmoov tsis muaj tom qab muab cim peb caug no noj tas tsoom hmoob tau tawm khiav mus nrhiav dua liaj dua teb rau yav toj siab thiaj ua rau Yim Laj thiab Paj Huab nkawd yuav tsum tau sib plam mus ib ntus. Lub caij noj peb caug tas lub 2 hlis ntuj xiab tej neeg zej zog nyias mus nrhiav nyias teb luaj, txij ntawd los ua rau Yim Laj tsis ntsib Paj Huab li lawm hos Paj Huab los nug tsis tau Yim Laj moo li lawm thiab. Lub sij hawm ntawd Yim Laj lawv tau mus luaj teb rau sab Tsua Xyuam Yaj lawm hos Paj Huab lawv los kuj tau mus luaj teb rau sab Roob Cuam Kau lawm. Ntawm Tsua Xyuam Yaj mus rau Roob Cuam Kau yuav tsum tau mus ib hnub tsaus ntuj ntais thiaj txog, thiab lub sij hawm ntawd hav zoov nuj txeeg xwb tsis muaj kev yuav mus los yooj yim.
Zaj ncas no yog Paj Huab tshuab
Mam sau ntxiv.......
Last edited by Ntsuj_Plig on Wed Jan 27, 2016 9:42 am; edited 1 time in total
Home 
Calendar
Cov phooj ywg,
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
8tos8nco...,
