Subject: Qhia Seb Koj Xav Li Cas Thu Dec 10, 2015 8:17 pm
Yog tias muaj ib tug neeg cia li hu xov tuaj nrog koj tham es nws paub koj lub npe thiab koj tus hlub npe zoo zoo heev tias nws yog koj tus hlub tus hluas nkauj/hluas nraug thiab nkawv twb sib tham los lawm ntev xyoo vim nkawv sib nyiam heev lawm. Thaum nws tham li no qhia rau koj tas ne ua li koj yuav quaj qw nrov nrov los koj yuav cem cem nws kom koj lub zog tag kiag rau nws los yog koj xyum muab xov tooj khwb kiag?
Teb qhia kuv seb koj yuav ua li cas yog thaum zoo li ntawm lawm mas kuv hais right in this movement ua nws tham tag kiag li no rau koj xwb ov.
Thaum nej teb nej cov tag lawm ces kuv mam qhia kuv li rau nej nawb.....hahahahaha
Subject: Re: Qhia Seb Koj Xav Li Cas Thu Dec 10, 2015 10:01 pm
Yog muaj tej yam zoo li ntawm tshwm sim ntshe yuav hlub tus nws chim chim tshaj li os vim tus ntawm thiaj li yog tus nws ncawg yus thiab yuav qhia rau yus lub siab tau hais tias kuv hlub koj ib leeg xwb vim tsis xav kom ib tug neeg yus hlub hlub cia li lam nyob tau tus me ntsej muag nros ntshis li nplooj siab ua kua muag teev yees mas ntshe lub siab tsis kheev li ho.
Last edited by 8tos8nco on Sun Jan 31, 2016 3:54 pm; edited 5 times in total
Subject: Re: Qhia Seb Koj Xav Li Cas Wed Jan 13, 2016 6:05 pm
8tos8nco cas koj yuav teb raug kiag li kuv lub siab qhov kuv teb kawg li os. Zoo li tsis muaj neeg tuaj teb ces cia kuv muaj caij tso kuv mam tuaj teb li kuv li rau nej os.
Subject: Re: Qhia Seb Koj Xav Li Cas Sun Jan 31, 2016 2:32 pm
Kua Muag Niam Hlob
8tos8nco,
Cas kuv lub sijhawm tsis txaus rau kuv tuaj piav li es ntse yuav tag li no lawm pob? Cia kuv mam piav me me rau nej.
Muaj ib hnub kuv tab tom lawv haujlwm ces muaj ib tug pojniam txawm hu xov tooj tuaj rau kuv nws tias, kuv puas yog Nkauj Dala. kuv teb tias kuv yog ma. Nws tias koj puas paub kuv yog leej twg? Kuv teb nws tias. kuv tsis paub. Nws tias koj tsis paub kuv tiag tiag li lov?. Kuv teb tias. kuv tsis paub li os. Nws nug hais tias, koj puas yog niam Koob Xyooj. Kuv teb tias kuv yog ma. Ces kuv teb nws tias, koj yog leej twg cas koj paub wb ib niam txiv zoo ua luaj. Nws tias kuv twb yog koj tus txiv tus hluas nkauj ne. Koj tus txiv tuaj tham kuv ntev ua luaj es koj tsis paub li lov? Kuv teb tias, kuv tsis paub li os. Es neb twb sib tham tau ntev npaum li cas lawm ma? Nws tias wb twb sib tham ntev lawm ho. Nws twb yuav tuaj coj kuv los nrog neb nyob laiv. es kuv thiaj hu rau koj kom koj paub ua ntej xwb.
Lub sijhawm no, kuv lub siab kuj mob ib teg ces ua rau kuv nres kiag ib pliag. Kuv mam rov teb nws tias, Oh lov neb twb sib teem li ntawv lawm lov? Tsuav yog neb ob leeg txaus siab lawm xwb ma. Ua li ntse koj xav nrog nws tham pob? Nws tias kuv nrog koj tham xwb os. Es kuv twb tsis muaj dab tsi nrog koj tham es. Koj hu nws tus xov tooj es nrog nws tham xwb ma. Nws teb tias es koj tsis chim rau kuv li lov? Lub weekend tag los no nws twb coj kuv mus noj mov tom lab es koj tsis paub li lov? Kuv teb nws tias, ntse koj hu yuam kev tus neeg lawm pob? nws tias tsis yuam kev li os. Yog koj yog niam Koob Xyooj na. Kuv teb tias, kuv yog niam Koob Xyooj ma. Tab sis lub weekend tag los no, kuv tus hlub wb nyob ua ke sib pab ntxhua khaub ncaws ua ke na.
Lub sijhawm no tus pog nos ma luag luag tsis tau. Zaum no kuv paub tias nws yog leej twg lawm. Nws yog kuv ib tug zoo phoojywg xwb. Tab sis nws paub hais lus ntau lub suab ces kuv nco tsis tau nws yog leej twg lawm xwb. Nws mam tias me koj niam koj lub zoo siab npaum ntev tau npaum li lov no lov? Kuv xav tias zaum no kuv yuav tau mloog koj cem kuv seb thaum koj npau taws thiab chim koj cem neeg zoo li cas na......
Kuv teb nws tias, Kuv tsis lam cem ib tug neeg ua kuv tsis paub qhov tseeb na. Txawm kuv paub qhov tseeb kiag los kuv tsis lam cem tus pojniam ntawv li vim tsis tim tus pojniam ntawv tim yus tus txiv xwb ces yog yuav cem ces cem yus tus txiv xwb os.
Qhov story tag li no lawn. Lam nqa tuaj tham pen laug sijhawm xwb.