puas muaj ntxiv lawm?

Subject: puas muaj ntxiv lawm? Fri Feb 05, 2016 11:01 pm

First topic message reminder :

Vivyaj thiab Nkauj Khamla lub qub zos ob leeg ib txwm nyob ua ke cas ib sij huam xwb ob leeg txawm cia li nyias ploj nyias mus tag lawm.

Tom qab Vivyaj tus nkauj Khamla twb mus ua ob tom neej dhau lawm nws thiaj li txiav txim siab los nrhiav tau nws tus hlub hauv lub neej rau tam sim nov thiab nkawv twb muaj me nyuam quaj ij aj los hu nkawv ua niam thiab txiv lawm ces Vivyaj thiaj li ua ib siab tsis nco nws tus Nkauj Khamla ntxiv lawm.

Subject: Re: puas muaj ntxiv lawm? Tue Dec 20, 2016 8:21 pm

Nciibsim, koj ua tau duab lawm tiag ces av tsij tuaj nrog Ntsuj_Plig sau dab neeg lom zem, sau lus tauv pem, thiab sau lus dab tsi los sau ces yog koj tuaj ua txhua yam rau koj tus kheej ces yog rag txuj lawm ces zoo kawg li ov.

Nej lub zos nov ntxim nyob tau yav thaum sawv ntxov pom huab tav roob khiav ua tswv zws, tej me lau qaib cog qua zom pes zaws, nooj daj ya saum tej ceg ntoo ncig ntug zos, hnov hluas nkauj Hmoob sawv los tuav cos nrov doog diam, hnov tej niam tsev sawv los pub npua quaj zib seb, dhaum ntawm yuav pom tej yim tuav me nyuam yaus tes thiab ev kawm yuav mus ua teb mas yeej ntxim kho siab kawg li thiab nawb.

Lub tsev cenment me me ntawm ib sab vaj ntshe yuav yog yim neeg nram lub tsev mus tawm rooj lawm nta lau cas ho tsis pom xov fais fab cab mus rau hauv lub tsev es ntshe thaum kawg lub qhov rooj lawm ces sab hauv yuav tsaus nyos lawm xwb pob.

Subject: Re: puas muaj ntxiv lawm? Thu Dec 22, 2016 10:39 am

Nyob zoo nej sawv daws,

Txawm hnub no Vivyaj thiab Nkauj khamla nkawv txoj kev hluas yuav tig tsis tau rov qab lawm los tseem tshuav nkawv tej qub tse rau Ncoibsim niaj hnub mus ncig thiab nkawv yeej tsim tau yam puav tseg ua puav pheej lawm.

Vivyaj thiab nkauj Khamla nkawv zaj dab neeg no muaj pib xwb cia li tsis muaj xaus li lawm vim tig tsis tau lub caij nyoog rov qab lawm ces Ncoibsim ua tau ib lub siab xav txawm yuav yog muab nws txoj sia coj mus pauv lub sij hawm xwb los nws tuaj yeem tag nrho tsuav nkawv ob leeg rov hluas li qub dua ces txawm nws txoj sia ho tu lawm los zoo siab qi lub qhov muag lawm os.

Subject: Re: puas muaj ntxiv lawm? Thu Dec 22, 2016 7:52 pm

Ncoibsim, av tsij tuaj piav tej koj tseem tsis tau piav thiab seb lub sij hawm no me nkauj Khamla ho ua neej li cas lawm es nws puas muaj neej zoo ib yam li koj thiab yog koj nco nws tiag ces rov mus yees duab neb lub zos mus rau puag tim tej roob thiab ho yees duab puag tim tej roob los rau hauv neb lub zos rau peb tau saib os.

Qhov hais tias vim li cas koj zaj dab neeg muaj pib xwb tsis muaj xaus mas raws li saib koj lub zos ces tseem pom ib sab roob xwb es yog thaum twg koj lub zos pom tag nrho txhua lub roob thiab txhua lub hav los xaus rau ntawm koj lub zos lawm ces thaum ntawm thiaj li yog koj zaj dab neeg xaus ces qhov neb tseem ua neej nyob ces yog ua neej ua tsav thiab ua me kab me noog ya tuaj mus sib ntsib rau yas kev yas ncua lawm xwb.

Subject: Re: puas muaj ntxiv lawm? Fri Dec 23, 2016 8:49 am

Wb zaj me dab neeg ces yuav tsis zoo li zaj Movie es txog thaum kawg es yuav muaj tias Phab ej thiab Na ej nkawv yuav los sib tau rau yav laus dua, lub me cev ntaj ntsug laus zuj zus rov sib pom cav tsis paub lawm thiab vim kuv los twb muaj poj sev nyob ntawm ib sab thaum twg mus txog tsev ces me nyuam quaj ij aj twb tsis muaj sij hawm nco txog nws li lawm hos nws los twb mus ua 2 zaug neej los lawm ces nws twb tsis kam ntsib kuv li lawm os tsuas tshuav tej me qub kev thiab qub chaw rau wb tau saib lawm xwb.

Subject: Re: puas muaj ntxiv lawm? Fri Dec 23, 2016 9:16 am

Koj cov lub muaj tseeb thiab koj hais tau yog kawg li lawm vim nyob rau koj sab ntuj mas yog ib khub phab ej thiab nas ej lawm ces zaj dab neeg yuav tsum siv cov neeg zoo zoo nkauj thiab zoo zoo nraug los ua movie li koj hais xwb hos nyob rau peb sab ntuj mas tib neeg vam meej dhau lawm thiab cev los zoo txaus lawm ces luag ua dab neeg tsuas yog ua zaj dab neeg kom mus raws txoj hmoo xwb ces txawm yuav yog thaum kawg tus phab ej thiab nas ej sib plam es ib tug kua muag txawm yuav ntws sib daub los yog zaj dab neeg xaus lawm ces daim duab cia li nres ces pom cov ntawm luag sau tias zaj dab neeg xaus li ntawm lawm xwb vim peb lub teb chaws luag ua dab neeg mas tus phab ej thiab nas ej txawm zoo nraug thiab tsis zoo nraug los yeej yog phab ej thiab nas ej tib si vim luag tsuas ua zaj movie kom mus raws tus phab ej thiab nas ej lub neej xwb.

Koj yuav tau mus yees duab koj lub zos thiab koj poj niam tub se tuaj rau peb saib es kom koj zaj dab neeg thiaj li tsis muaj qhov nco nco koj tus me qub hluas nkauj lawm vim thaum koj muaj ib co me nyuam quaj ij aj ntxim ntxim hlub los rau koj puag thiab koj tu lawm ces tus hlub ntawm koj xub ntiag thiaj li yog koj tus nas ej lawm xwb hos tus koj tsis tau ces tsuas yog ib tus hlub ib vuag dhau lawm xwb.