Subject: Re: TSEG TXOJ KEV TXWV TUB NTXHAIS Fri Feb 26, 2016 3:10 pm
Tsis xav pom peb cov me tub ntxhais hluas Hmoob zoo nkauj zoo nraug cia li mus dai tuag zov tej roob zeb roob tsuas li no lawm os.
Vim kuv yug los tau rau tsev neeg txom nyem wb txoj hmoov tsis los sib txig. Koj niam thiab koj txiv thiaj tsis pub koj rau kuv los txoj kev sib hlub wb tau muaj los nws yeej tsos tsis tau pov tseg. Cia wb mam sib pus mus tuag ua ke kuv yuav tuav koj tes mus thawj dua thiab wb mam mus nrhiav dua niam thiab txiv tshiab rov los ua neej rau tiam tom ntej, kuv mam los hlub koj dua mog.
Subject: Re: TSEG TXOJ KEV TXWV TUB NTXHAIS Fri Feb 26, 2016 4:57 pm
Tij laug ntsuj_plig, kuv ncoibsim zoo siab uas hnub no koj tseem tau tso siab thiab xav tau txoj kev pab los ntawm kuv tus nyob deb, kuv yuav lav rau koj tias nyob li ntawm koj 2 nqe me lus ntawd kuv mam li coj mus piav rau sawv daws kom nkag siab tias peb txoj kev ua neeg nyob thiab txoj kev sib hlub tsi sib tau nws zoo li cas, kuv mam li mus cheem thiab tig sawv daws lub hlwb kom tig rov qab los rau neej sab, tab si yeej paub tias nws yog ib qho nyuaj heev 6 sawv daws li vim txoj kev no kuv twb tau ncig mus dua los lawm vim lub sij hawm uas yus raug rau txoj kev hlub lawm yeej tsi nco txog niam txiv tej dag zog uas tau yug yus thiab tu yus loj li lawm tsuas xav ntsoov tias yog kuv tsi tau koj ces txawm ua neeg nyob los yeej tsi muaj ib yam dab tsi nyob rau hauv lub ntiaj teb no uas tseem zoo rau kuv lawm mog!!!!!!!! qhov teeb meem no cia muab coj mus hais qhia rau cov niam cov txiv uas tau txwv tub ntxhais zoo dua vim lawv tsi paub txog peb kev hluas txoj me kev sib hlub sib nco tsuas xav txog txoj kev sib ua plaub ua ntug ntawm tej laus thiab kev sib cais pab pawg!!!!!!!!!!!!!!!
Subject: Re: TSEG TXOJ KEV TXWV TUB NTXHAIS Sat Feb 27, 2016 2:22 pm
Ncoibsim.....,
Tij laug los zoo siab qhov koj txais tos tij laug cov lus thiab nawb. Vim pom tias peb cov tub ntxhais hluas nyob hauv nplog teb tau ploj tuag lawm coob leej rau txoj kev uas cov niam cov txiv txwv tsis pub lawv sib yuav, ua rau peb cov nyob txawv teb chaws los kuj hlub lawv kawg li.
Ib qho ntxiv, yog cov niam cov txiv tsis tso tseg txoj kev no yav tom ntej yog cov tub ntxhais mus muab tej no hais rau tej nom tej tswv ntshe yuav ua rau txoj kev cai tshoob ko hmoob yuav raug txiav zuj zus los kom haum rau neeg ntiaj teb txoj cai sib yuav lawm xwb.
Nco ntsoov tias ntiaj teb no tsuas muaj Hmoob xwb uas yog cov tseem sau nqi ntxhais. Lwm haiv neeg tej zaum luag tseem siv nyiaj tas ntau tshaj no tab sis luag tsis ua li ntawd, ob tog niam txiv koom nyiaj tuaj ua nkawd rooj tshoob kom tiav rau nkawd xwb tog twg los puas leej tsis tau nyiaj.
Ua tsaug ntau rau koj txoj kev cov mus xav thiab tawm tswv yim pab kho kom tej tub ntxhais txhob muaj qhov dai tuag ntxiv lawm.
Subject: Re: TSEG TXOJ KEV TXWV TUB NTXHAIS Sat Feb 27, 2016 6:03 pm
Khub me hluas nkauj hluas nraug saum nov ntshe nkawv tsis xav nrog luag muaj qhov zoo zoo nyob rau tiam no los ua li cas es nkawv thiaj li xum nqa beer mus haus puag saum ntav tsua kom ob leeg qaug qaug beer nrom ncee li ntawm ne.
Last edited by 8tos8nco on Sat Feb 27, 2016 8:25 pm; edited 1 time in total