Subject: Re: TSEG TXOJ KEV TXWV TUB NTXHAIS Sat Feb 27, 2016 7:57 pm
Raws li tej laus hais tseg ces yog Txhais tau hais tias tus hluab nkauj yeej tseg tsis tau tus hluas nraug lawm tsuas yog tus hluas nraug niam thiab txiv tsis kam lawv tus tub mus coj tus hluas nkauj los ua lawv nyab xwb ces yog tim tus hluas nraug ua tsis tau txiv ces nkawv thiaj li mus nce tsua hos ntawm tus hluas nkauj niam thiab txiv mas lawv yuav tsis muaj feem cuam tshuam paub txog nkawv chaw sib ntsib ntuj teb tag hmo ces yuav tsis yog tim tog ntxhais niam thiab txiv li cas vim Hmoob yeej ib txwm muaj txoj kev cai hais tias yog tus tub txaus siab yuav tus ntxhais thiab nws muaj lub peev xwm coj tau tus ntxhais tawm mus yuav ntsiag to tsis hnov dev tsem ces thiaj li yog tus ntxhais txaus siab yuav tus tub ces tog niam tais thiab yawm txiv txawm yuav tsis txaus siab dhia txij nthab thiab txij tse los nkawv yeej hais tsis tau dab tsi li ces kawg tog vauv yuav tau tus niam tus txiv ib leeg ib choj nyiaj xwb nkawv yeej zoo siab lawm raws li tej laus hais tseg.
Raws li tej laus hais tseg ntxiv tias nyob yav ntuj qub qab mas tog ntxhais yuav mus nrhiav txiv lawv tsis lam mus noog niam thiab txiv hais tias tus ntxhais xav yuav tus hluas nraug twg ua li tus ntxhais ntawm niam thiab txiv puas nyiam mas qhov ntawm ntshe yuav tsis yog tog ntxhais muaj cai hais rau niam thiab txiv tau li ntawm hos nyob rau ntawm tog tub mas ua ntej ib tug tub yuav mus nrhiav poj niam nws yeej tham rau nws niam nws txiv los yog nws tej kwv tij seb lawv puas pom zoo rau nws mus yuav poj niam lawm mas dhau ntawm yog nws tus kheej hauj lwm yuav tsum muaj lub peev xwm mus coj kom tau nws tus poj niam thiab nws tsuas npaj kiag ib tub tub hluas nrog nws mus fi xov xwb ces yeej tau poj niam los puag lawm.......hahahahahahaha.
Cov lus li kuv khwv yees tham pem saum nov yog siv tau rau yav ntuj qub qab xwb hos nyob rau peb lub teb chaws vam meej mas peb hos tsis siv tej kev cai qub qub zoo li ntawm rau tub ntxhais sib xaiv ua txij ua nkawm lawm vim nyob rooj teb no tub ntxhais yuav tsum npaj nyias tus kheej kom lawv nyias tus kheej kawm ntaub ntawv tiav qib siab thiab nrog luag muaj hauj lwm zoo ua lawm mas lawv mam li sib nrhiav txij nkawm ces lawv thiaj li nrog luag peem tsheej lub neej mus rau yav neej pem suab nyob tsis txhob, noj tsis txhawj, hnav muaj txhij muaj txhua, pw los tsaug zog zoo mus tsis tag tsis kawg.
Subject: Re: TSEG TXOJ KEV TXWV TUB NTXHAIS Mon Feb 29, 2016 10:37 am
Zaum no nkawd dim ntawm txoj kev tuag nkawd sib tau lawm lau, lwm zaus nej lwm tus yuav ua ces ua dag li nkawd kom sib tau xwb txhob tuag tiag lawm nawb.
Subject: Re: TSEG TXOJ KEV TXWV TUB NTXHAIS Mon Feb 29, 2016 11:57 am
zaum no ces nkawv me nyuav yuav quaj ib aj poob pawg lug zoo li cov tub rog dhia kaus puas saum ntuj ntsuab nqes los rau tiaj nrag chaw do ces nkawv yuav tau zov nkawv tej me nyuam kom loj dhia dhees lawm xwb.
Subject: Re: TSEG TXOJ KEV TXWV TUB NTXHAIS Mon Feb 29, 2016 1:54 pm
8tos8nco....,
Koj hais yog lawm vim tias tus me nyuam uas muaj rau saum lub roob tsuas siab tshaj plaws ces thaum nws loj hlob tuaj nws lub siab yuav nyob tau kaj nrig thiab neeg ntiaj teb yuav hawm ib yam li tej toj roob hauv pes hawm lub roob tsuas ntag...hahaa.