Subject: Yuam Kev Nyob Hauv Koj Nruab Siab Wed Aug 31, 2016 12:11 am
First topic message reminder :
Vim yog kuv yuam kev mus nyob hauv koj siab thiaj ua rau kuv xav tias yog txhua hnub tshiab koj yuav hlub kuv 1 leeg, cas kuv lam ntseeg koj me lus cuav hauv tus npau suav uas kuv niaj hnub ntseeg zoo tam nplooj zeeg dhaul 1 vuag ntshe yuav ncav tsis cuag muab tsis tau vim 1 vuag dhau nrog me cua tshuab cua nplawm ntshe yog hmoov yeej tsis sawm thiaj los yuam kev ntshe tsis ntev wb yuav ploj mus.
Koj tej lus mam tsis khaws ntxiv, mam li tsis siv, thiab mam li tsis taug lawm es cia nws dhau mus raws sij hawm vim seev tsis tawm kuv siab muag thiaj raug luag hais lus tsis tiag es cia mam ua ib siab ntsiag txoj kev siab muag ntshe tsis cuag tus luag 1 txwm hlub ntshe yuav tsis pub koj pom kuv quaj es mam li nrhiav tshuaj los cawm lub plawv ntoog kom pawv txoj kev nco koj es mam li uv kom ploj txoj kev nyiag hlub koj thiab mam tsis pub quaj ncia koj hnov ntshe yuav thov ncaim koj mus zoo dua.........
Eb... laj pw tsaug zog lam tuaj qaug 2/3 lo lus seev xwb es sib ntsib dua .....
Subject: Re: Yuam Kev Nyob Hauv Koj Nruab Siab Sat Nov 26, 2016 6:09 pm
Me nkaujhmoob ntximhlub-txawm muab koob thooj xov zias hno kiag koj me ntiv rwg thiab kuv me ntiv xoo los yog kuv tsis tau koj ces yeej ntxias tsis tau kuv lub me siab kom zoo. Koob thooj xo hno wb teev ntshav nrog tawv-to rau daim nplooj diav rau wb haus thooj siab koom siav los tsuas yog txoj kev ntseeg tiamsis ntawm kuv txoj kev hlub kev nco koj yeej tsis tsim nyog thiab yeej tsis kaj kuv lub me siab.
Me nkaujhmoob ntximnco-txawm wb yuav thoobxo cojkoob hno zog koj ntiv nta nplho kiag kuv ntiv tes haus zoj ntshav nyoos ua ibke los yuav ntxias tsis tau kuv nploojsiab no tso koj tseg. Koob thooj xov hno ntiag wb me ntshav nrog tawv-to rau lub qab khob rau wb haus me ntshav sov los yeej yuav tsis cuag li kuv tau koj nrog kuv nyob ua ibke uas yog lub neej muaj koj nruab hnub hmontuj luag ntxhwb-ntxhi hauv kuv lub tsev. Kuv tsis tau koj ces lub hnub ntev li lub xyoo-kuv nros ntshuj-ntshis tsis xav kom ntiajteb ntiajtog qaumpes no soj kuv qab thiab tej tibneeg phoojywg kwv-tij neejtsa nug kuv moo. Kuv tsuas xav nrhiav tus neeg kuv hlub lub niaj thawm lub xyoo nyob nraim nkoos hauv qaumntuj li qab huabdub tus ntxoov-ntxoo-ntoog txoj kev hlub kev nco koj tsis muaj hnub zoo.
Nyob zoo os YajCeebTshiab Zoo siab heev uas tau nyeem nws tej me lus qab zib lus zoo .Me leej nus nraug hmoob tus nyob deb"Ua tsaug nws tej me lus qab zib lus zoo .Thiab tej nkauj saub seev kho siab zim nawb mog"sim neej no yuav saub seev zoo npaum twg los vim wb sib paub lig"Tiam no tsua tau seev tau hlub 1 zaug los wb koom tsis tsheej 1 yig.Ntshe yuav seev los dai siab yuav saub los mob plawv"Yog tsis muaj siab los puam chawj yog hlub tiag lwm tiam wb li mus nqa zoo ntaub thov zoo ntawv"Me leej nus hmoob tus lus qab zib"nws me lus
seev lus sau nim qab tam kuv leej niam leej txiv cov me kua kab tsib"Nim seev kho siab khuav.Wb nim tau daj tau ntsib los wb tsis tau sib yuav"cia tsis muaj siab los tseg.Yog muaj siab tiag lwm tiam wb li mus thov dua ntaub nqa dua ntawv rov los sib ntsib"Cia kuv yog koj tug .Koj yog kuv li .Wb mam tham kev hlub kev nco tsaus ntuj nti nrog duab hli seev tuj taws hais lus ntxhi .Ntshe thiaj yuav zoo koj siab ntxhee kuv plawv mus tam wb tiam mus 1 txhis nawb los . YajCeebTshiab txawm yog nagtshia yuav reply nws tsis txhua.Los nkaujnagtshia twb nyeem nws me paj huam saub seev quaj lawm ntau pluas"nagtshia yuav tuaj nrog nws nyob khuam siab zaum khaum plawv li no mus tis tu ncua"Es ua tsaug nraug hmoob tus me tswv yim loj tswv yim zoo ...e"
Qaumntuj hnubqub suav tsis thoob, nyob ntiajteb tibneeg muaj coob tis ua coob vim licas koj thiab kuv thiaj sib ntsib ib zaug nyob wb sim. Lub ntuj cas koj yuav cia tus neeg kuv hlub ntsib rov thaum lig-kuv zoo tsis txaus rau tus kuv hlub nws thiaj tau lub chaw xyeej chaw yig. Ntiajteb muaj txhua tsavsim ua neej muaj nkawm sib hlub tabsis tus neeg kuv xaiv hlub yog luag li cia kuv lub me kuamuag nrog pauj hnub pauj hli. Kuv nco nws li nws yog kuv tus cawmseej tswj kuv txojsia, kuv tshua kuv hlub nws li wb yog txijnkawm lawm tiag, ntshai kuv yauv ceeblaj tos txog fajceebsim thawjxeeb rov los nrhiav nws nyob dua lwm tiam.
khosiab luaj no tiag kuv ua ibsiab nrauj lub ntiajteb cia rau koj ib leeg ncig saib paus ntsib tus hlub koj tshaj kuv. Ntxhov plawv ua hmo ua hnub kuv mam tso koj mus nrhiav tus koj nyiam koj hlub saib lub me ntiajnrag puas txaus koj thuv mus ntsib tus muaj nploojsiab hlub koj xws li kuv. Tibneeg txoj sia lub neej zoo tsis txawv me dej nag dej siv huam ib ncua yuav rov qhuav, txawm xeeb muaj kev hlub zoo luajtwg los lub plawv tsis kaj ces mam ua ibsiab muab nws nrhuav cia lub kuamuag nrog dej nag sibtw nchuav tos ntua faj keeb lwm tiam saib yog tseeb los cuav.
Ntshai koj yuav tsis yuamkev mus nkag hauv kuv lub siab dua lawm nas nkauj nagtshia tus hmov-tshua.Fajceebsim mus thawj xeeb dua es kuv puas nco tias tshuav koj yog tus kuv tshua kuv nrhiav. lwm tiam kuv puas yog tus koj ntshaw koj tos-koj puas yog tus kuv xaiv hlub nyob nruabsiab. Hmoob ntujceebtsheej puas tseem yog wb chaw sib nrhiav sib tawb. Hmongheaven puas tseem ceev khaws wb txoj kev seev kev hlub rau koj thaib kuv rov los tshawbfawb kom rov sib cuag rau thaum kawg???