Zaub Mov Hmoob Txhua Hnub

Koos Loos hau zaub paj thiab kib taum mog noj.  Tab sis, zaub paj mas yog kib muag dhau lawm ces qab tsis tshua heev npaum li kib siav kiag xwb vim cov zaub koj noj zaub nyoos los yeej noj tau.

Tus niam tsev ua peev choj thiab kab yaub noj.

Peb Hmoob ua kua qhob poob thiab qhob poob noj.

Peb Hmoob ua nqaij tsaws rau cov laus neeg noj hos cov hluas ces lawv tsis nyiam noj nqaij tsaws lawm.

Noj mov nplaum ntsws qaij ntses ncu qhwv nplooj tsawb thiab cov ntawv ci ci thaum cov ntses siav lawm ces muab cov ntses tsaws kiag coj los tso rau saum ib lub phaj tag ces muab cov ntawv ci ci tsheej saum toj tshem tawm kom tag mus ces tseg cov nplooj tsawg qhwv cov ntses xwb ces muab kiag yus plaub tug ntiv tes coj mus kaus kiag ib thooj mov nplaum luaj lub qe noog thiab ib nyuag zuaj kom thooj mov nplaum kheej zog tag ces muaj kiag thooj mov nplaum thiab tus ntiv tes xoo coj mus tais kiag ib qho nqaij ntses ncu npuab nrog thooj mov nplaum ua ke coj los noj mas qab kawg li os.




Zaub mov Hmoob kub heev li mas txawm hais tias tsis yog ib tus niam tsev pub mov rau me nyuam noj los tus niam tsev yuav tsum tshuab tshuab kom nws diav zaub mov ntaug kub me me tso mam li noj thiaj li tsis kub qhov ncauj.