Cawmsiab

Subject: Cawmsiab Mon May 10, 2010 12:53 am

First topic message reminder :

Nyob zoo cov phooj ywg Nkauj muam Nraug nus sawv daws,

Hnub no kuv muaj lus tshwj xeeb zoo siab tau tuaj ncig txog nej lub zos Hmongheaven Forum, tuaj pom nej sawv daws nyob lom zem xauv npo li lub zos Hmongza thiab zos Hmoob tshav ntuj. Kuv nyob ntuj qub qab qub teb qub chaw uas peb cov phooj ywg nkauj muam nraug nus muaj hnub nyoog li 35 xyoo tawm rov sauv uas tseem muaj tsho tsuj tsho npuag nyob ntuj qub qab es kuv nyob deb puag ib ntxee ntuj ya dav hlau tuaj ib hnub ob tog tsaus thiaj yuav tuaj txog nej .

Peb txawm tsis sib pom tsis tau tuav tes los lub quag ntuj tshiab no yooj yim rau peb kev sib tham sib pauv tswv yim hauv Forum lawm muaj dab tsi peb sib cog qhia sib cog kawm kom paub koj paub kuv es peb mam sib pauv tswv yim mus rau qhov zoo thiaj yuav ua rau peb hmoob vam meej mus rau yav pem suab.

Subject: Re: Cawmsiab Tue May 11, 2010 8:47 pm

Me leej nus Hmoob Ntuj Qub Qab, nws tsis txhob xav li mog,
Qhov zoo ces nws twb tuaj txog ntawm peb lus zos lawm os,
Tsis paub yam twg los ho nug tuaj rau peb txhua tug,
Txawm kuv tsis paub pab nws los tseem muaj lwmtus,

Me leej nus Hmoob Ntuj Qub Qab, nws tsis txhob rawm tu siab,
Qhov zoo ces nws twb tuaj ntsib tau peb ob peb tug lawm thiab,
Yog tsis nkagsiab qhovtwg tiag los tham tuaj qhia peb kom lajsiab,
Txawm kuv teb tsis tau los tseem tshuav NkaujNyiag thiab,

Me leej nus Hmoob Ntuj Qub Qab, nws tuaj txog peb lawm ces zoo,
Qhov zoo ces twb yog qhov muaj nws tuaj nrog peb sibtham nug moo,
Yog tias qhov twg peb tsis paub los yuav vam txog nws thiab mog,
Vim nws yog peb ib leej tiglaug hlob nyob ntuj deb deb tim Nplog,

Me leej nus Hmoob Ntuj Qub Qab, nws mas cas yuav txawj tham ua luaj,
Nws niam tham seev yees kho siab zim rau Npauj Npaim khiav yeev tuaj,
Uali nws puas nco tau tias nws tau ntsib ibtug zoo li Npauj Npaim dhau los lawm,
Los yog nws lam seev kom Npauj Npaim cim nws rau nruab plawv,

Me leej nus Hmoob Ntuj Qub Qab, nws tuaj lawm ces zoo tshaj li,
Nws tsis txhob tu siab tias nws yog Hmoob tshiab thiab Hmoob lig,
Vim Npauj Npaim los twb tsis paub txog ib yam dabtsi hlo li thiab,
Twb vam tias me tij laug tuaj lawm ces yuav los qhia Npaum Npaim txog yam tshiab,

Ua li ntawd nawd mog, es tsis txhob xav txog dabtsi ntau,
Tsam ces yim xav los yim ua rau nws mob taub hau,
Vim Npauj Npaim tsis xav kom nws nyob ib leeg xav phem rau nws tus kheej,
Npauj Npaim xav kom nws tuaj nrog peb sib pauv tswvyim kom peb txhua tus paub txog lub neej os mog.

Nyob zoo os Hmoob me ntxhais Npauj Npaim

Hmoob me ntxhais Npauj Npaim tus me cev yiag quj qaim
Cas nws yuav muaj lub zoo tswv yim los tseem muaj laj lim
los tham lus paj lug los qhia hais lus rau leej nus

Me Nkauj Hmoob Npauj Npaim nws mas yog ib me leej ntxhais tseem ceeb ua yam twg los nyob nyab xeeb
Ua yam twg los tiav nws me leej nkawm los leej hlub yuav qhuas nws lis ntxhias
Tus neeg muaj zoo plab ua dab tsi los sawv daws yeej lawv nws qab
Leej nus tuaj lawm mam li nrog nws kawm
Nws me lus nyiaj lus kub kom peb txawj sib hlub nas me nkauj hmoob Npauj Npaim tus me neeg txawj hais lus...

Guest

Subject: Re: Cawmsiab Wed May 12, 2010 3:03 am

Davdub

Zoo siab nej sawv daws txais tos, vam tias tus tsis paub los yuav tau kawm ntawm tus paub, Luag tias: Tij (Koj) paub ob kwv (Kuv) paub ib...tuaj tshiab yuav vam sawv daws sib cog qhia.

Subject: Re: Cawmsiab Wed May 12, 2010 8:22 am

Nyob zoo leej nus Hmoob Ntuj Qub Qab,

Wow! Nws txawj seev pajhuam dho
Seev ib suab ua rau peb ntxhais nkauj hmoob xav mloog nws lub suab cov lus dho
Hmoob leej twg tus me txiv tus zoo lus
Txawj hais lus zoo lus mos
Ua rau peb ntxhais nkauj hmoob nyiam xav nrog nws tham dho
Hmoob leej twg tus zoo txiv
Txawj hais lus zoo raug siv
Nws tus me niam tsev ntse yuav luag hawv hiv
Vim nws txawj hais lus nplij lus zoo chiv
Nws yim tham yim zoo raug peb siab
Peb xav nrog nws tham daws kev nyuaj siab

[quote=
Nyob zoo os me leej muam Nkauj Nyiag

Hmoob leej ntxhais Nkauj Nyiag tus me cev yiag tsiag liag
Ua ib sim neej yuav tau coj zoo thiaj muaj meej
Yuav peem txhua yam thiaj tsheej li me Nkauj Nyiag lub neej
Ua neej yuav siab loj thiaj yuav tau tus coj
yuav siab ntev thiaj tau zoo sev li me Nkauj Nyiag ib tug zoo niam tsev
Ua neej yuav tau txawj sib zam ua dab tsi thiaj li huaj vam li Hmoob leej ntxhais me Nkauj Nyiag...

[/color][/quote]

Subject: Re: Cawmsiab Wed May 12, 2010 9:25 am

Me leej nus Hmoob Ntuj Qub Qab, tus txawj xav,
Uacas nws tej me lus nyiaj lus kub yuav zoo cuag nplooj ntoos hlav,
Me leej nus Hmoob Ntuj Qub Qab, tus me neeg zoo,
Uatsaug hnub no nws rovqab tuaj peb sib nug moo,

Npauj Npaim ces twb tsis tshaj npaum li nws hais,
Tabsis ua nws tsaug rau nws tej lus txhais,
Npauj Npaim ces twb tsis paub ib yam dabtsi zoo li,
Tabsis ua nws tsaug rau nws tej me lus muaj txiaj ntsig,

Zoosiab uas tau ntsib nws hauv lub ntuj no lawm,
Yog muaj txuj dabtsi zoo ho coj tuaj peb sib cog kawm,
Zoosiab heev uas nws tuaj txog peb lub ntuj ceeb tsheej lawm tiag,
Yog muaj txuj ci dabtsi zoo los thov caw nws los ua tus piav qhia,