Cawmsiab

Subject: Cawmsiab Mon May 10, 2010 12:53 am

First topic message reminder :

Nyob zoo cov phooj ywg Nkauj muam Nraug nus sawv daws,

Hnub no kuv muaj lus tshwj xeeb zoo siab tau tuaj ncig txog nej lub zos Hmongheaven Forum, tuaj pom nej sawv daws nyob lom zem xauv npo li lub zos Hmongza thiab zos Hmoob tshav ntuj. Kuv nyob ntuj qub qab qub teb qub chaw uas peb cov phooj ywg nkauj muam nraug nus muaj hnub nyoog li 35 xyoo tawm rov sauv uas tseem muaj tsho tsuj tsho npuag nyob ntuj qub qab es kuv nyob deb puag ib ntxee ntuj ya dav hlau tuaj ib hnub ob tog tsaus thiaj yuav tuaj txog nej .

Peb txawm tsis sib pom tsis tau tuav tes los lub quag ntuj tshiab no yooj yim rau peb kev sib tham sib pauv tswv yim hauv Forum lawm muaj dab tsi peb sib cog qhia sib cog kawm kom paub koj paub kuv es peb mam sib pauv tswv yim mus rau qhov zoo thiaj yuav ua rau peb hmoob vam meej mus rau yav pem suab.

Subject: Re: Cawmsiab Wed May 19, 2010 1:31 pm

Nyob zoo leej nus Hmoob Ntuj Qub Qab,

Leej nus puas nco leej muam tiag ma?
Ntse yog leej nus nco nco leej muam es leej muam lub siab thiaj ntxov nyog
Leej nus pw qaug ntub xav ntsoov txog leej muam tus ntxim hlub
Leej muam mus ua haujlwm lub siab lub cev thiaj qaub tus dab ntub
Tsaus ntuj leej nus sab ces leej muam sab twb kaj ntuj
Wb thiaj tuaj sib poog tsis raws caij
Wb kev nug moog thiaj raug qiam nrug deb
Leej nus ua sib ntev maj mam tos
Leej muam khoom mam tuaj nrog nws hais lus paj dib dho
Leej muam tuaj txog pom dheev leej nus cov paj huam qab zib
Leej muam lub siab maj zeeg tsav zog los nyeem sau teb tham lus mos dib
Ces ntse twb yuav zoo kuv/koj siab lawm tej sis niab...hehehee

Leej nus hmoob ntuj qub qab...lwm hnub koj muaj caij mus tom teb no thai duab nej cov paj taub ib daim rau kuv saib seb...cas kuv nyiam lub paj taub ntawv ua luaj thiab..hehee

Subject: Re: Cawmsiab Thu May 20, 2010 3:37 am

Nyob zoo os me leej muam Nkauj Nyiag

Nws lub me paj xiav nim tsw qab mus kaj siab
nim hnia tas los xav hnia seb puas tsw li nws tus ntxhiab
nws me tes yiag ua yam twg los huv lis ntxiag
nws yog me leej muam hom neeg nrawm nroos ua yam twg los nim zoo zoo
ua yam twg los huv lis si lub neej nim nyob tau kaj nrig
ua yam twg los huv lis lias lub neej nim nyob tau luag lis ntxiag
tus me neeg txawj tiam qhua leej twg tuaj rov dua los yeej tshua...
nas me nkauj Hmoob tus cev yiag me leej muam Nkauj Nyiag...

Subject: Re: Cawmsiab Fri May 21, 2010 8:49 am

Nyob zoo leej nus Hmoob Ntuj Qub Qab,

Nws leej muam Nkauj Nyiag ces yam lub paj twb ntsw
Txawm nws de tau coj los hnia los yuav tsis muaj qhov tsw qab
Tsam nws pom ces nws yuav ntshai ces nws yuav tig loo rov qab

Nws leej muam ces twb tsis zoo nkauj yam li lub paj tawg tshiab lawm
Yog nws tau pom kiag ces twb tsis muaj qhov ntxim siab lawm
Yog nws tau ntsib ntse nws yuab tsis lees tias twb tau hais lus dib

Nws tsis tau pom ces nws saib ma zoo npaum lub paj tawg tau nra
Yim tham ces yim xav txav los ze ntag

Yog nws pom kiag ces nws yuav khiav mus kom deb kawg thiaj tag
Ces ntse rooj teb no nws yuav tsis rov tuaj
ces kawg Nkauj Nyiag yuav tau nyob ib leeg tshua tshua nws xwb tiag..

Hehheee..xyaum sau lus dho na...txhob xav li cas ov...hehehee

Subject: Re: Cawmsiab Mon May 24, 2010 12:50 am

Nyob hnub no rau koj thiab Leej nus Hmoob Ntuj Qub Qab,

Leej nus tus txawj paj ntsha hais los twg los hais tau zoo tshaj
Thiaj ua tau peb nkauj hmoob xav caum tham
Leej nus tus txawj los dho hais fab twg los dho
Thiaj ua rau peb ib tsoom nkauj hmoob xav caum mus xwb tsis xav los
Caum caum ntuj teb tab no los cas kawm tsis tau ib los
Hais tsis tau ib zag paj ntsha lub taum seb leej nus hmoob puas yuav nco lawm tsheej hmo
Caum caum lawm niaj ob peb hli no cos cas twb tsis paub sau lus dho
Sau tsis tau pajhuam dho ua tej zwj zaj seb leej nus hmoob lub siab puas ntxov
Seb leej nus hmoob puas caum raws peb nkauj hmoob zov..heehee

Leej nus Hmoob Ntuj Qub Qab kuv xyaum sau pajhuam na...txhob xav li cas ov..heheee
Leej nus hmoob los peb mus ncig saib rooj paj zoo nkauj os...

Bulgarian flowers Pictures, Images and Photos

Nyob zoo hnub tshiab os me leej muam Nkauj Nyiag

Nws nim txawj tham txhua leej txhua tus thiaj vam
Nws nim zoo li lub pab tsw qab leej twg pom thiaj xav thab
Nws nim zoo li lub paj tsis txawj ntsws leej twg tau nrog nws tham thiaj xav taug nws lw
Nws nim tham muaj lub xaus nws ua dab tsi los nim muaj ntsis muaj paus
Nws nim txawj tham kev dai siab leej twg tau nrog nws txuas lus yeej kaj nrig lawm niaj ib txhiab
Nws nim zoo li lub paj tsis txawj zaus leej twg tau nrog nws txuas lus nim zoo li hluas tsis txawj laus
Nas me nkauj hmoob Nkauj Nyiag tus me cev tsiag lias...

Subject: Re: Cawmsiab Mon May 24, 2010 9:29 am

Nyob zoo os me leej nus hmoob ntuj qub qab e...

Koj nim nrog kuv me laus Nkaujnyiag tham ua hnub ua hmo hais neb tej me kev yav ntuj thaum ub. Ua cas nim hais tau kho siab ua luaj li tiag na yom os.

Yav ntuj thaum qub los kuv yeej tseem nco tau kawg li thiaj tiag....
Nco yus tsev neeg nyob noj uake mus mus los los kawg li hos...
Puas yuav muaj hnub es tau mus nyob kaj siab li yav ntuj thaum i lawm ne yom me leej nus hmoob ntuj qub qab e....

Nyob zoo rau niamlaus NkuajNyiag thiab Hmoob ntuj qub qab....lam los nrog neb tso dag tso luag ib pliag li no xwb es kuv mus lawm os nawb...