Subject: San Diego Hmong New Year 2018 Opening Ceremony Sat Dec 16, 2017 9:50 pm
(right click rau daim duab koj yuav muaj ntau options ntxiv thiab koj yuav saib duab nrog lub suab music 24hrs los tau)
Peb Hmoob Diego nyob yav qab teb hauv lub lav CA lub peb caug noj tau ntxim kaj siab lug zoo cuag li peb Hmoob tseem nyob rau yav ntuj qub qab thiab tseem muaj peb Txiv Nai Phoo Vaj Pov tus tub Wang Chong Vang tseem tau tuaj nrog qhib lub peb caug nyob rau lub nroog San Diego ua lub chaw zoo siab xyoo tshiab mus rau qhov zoo nkauj heev.
(right click rau daim duab koj yuav muaj ntau options ntxiv thiab koj yuav saib duab nrog lub suab music 24hrs los tau)
Luag hais tias noj peb caug mas yuav tsum noj li peb Hmoob San Diego noj peb caug mas thiaj li yog noj peb caug vim peb Hmoob tuaj nyob rau lub teb chaws vam meej lawm ces peb Hmoob yuav tsis noj peb caug hauv nyias vaj nyias tsev lawm. Tab sis, peb yuav tuaj rub rooj, tub tog, thiab rub kaus nroos taub hau rau ntawm tej chaw ua si, tej park, los yog tej lub tsev tos qhua loj loj thiab dav dav es nyias nqa nyias zaub nyias mov tuaj rau sawv daws noj los yog sawv daws koom nyiaj txiag rau koom haum mus yuav zaub mov tuaj rau sawv daws noj ib pluas mov dej siab txais tos lub xyoo tshiab thaum sawv daws qhib lub rooj vag arch mus rau hauv lub peb caug ces yog sawv daws mus rau lub xyoo tshiab lawm tiag ces twb yog ib qho kev cai Hmoob ua ib pluas mov noj thaum peb caug es txawm tus sawv ze tau saj los saj pluas mov dej siab los zoo siab hos tus sawv deb es ho tuaj saib kev lom zem rau lub xyoo tshiab xwb los sawv daws yeej zoo siab tib yam tag tus li os. Tab sis, yog peb Hmoob muaj coob txog txhiab tus rov saum tuaj koom noj peb caug lawm ces yeej kawg nyias yuav tau mus yuav zaub yuav mov hauv cov tub lag luam noj xwb los tau tsuav yog zaub mov xyoo tshiab lawm ces yeej piv tau li yog noj peb caug lawm thiab.