Poj Ntxoog ncaws Neeg

Subject: Poj Ntxoog ncaws Neeg Mon May 17, 2010 10:55 pm

First topic message reminder :

Thaum xyoo 1912 nyob rau lub zos Hij hiav toj xeem Muas peeb (Meuang peuan) Meuang Huameuang xeev Huaphane, muaj ib tug Ntxhais tsis xis nyob ces nws txiv txawm mus hu ib tug txiv Neeb nyob lub zos Hij moov, ob lub zos no nyob ib tug toj xeem deb kwv yees li 4 km mus kav taw 1 xuab moos, tus txiv Neeb tuaj txog tuaj ua neeb kho tus Ntxhais tas sawv daws noj mov thiab tiam neeb tas lawm, tus txiv tsev hais rau tus txiv Neeb tias tsaus ntuj lawm pw tag kis pom kev kuv mam li xa koj mus, ces tus txiv Neeb hais tias tsis ntshai tsaus ntuj lawm los maj mam mus,ces tus txiv tsev hais tias yog li ces cia tus txiv tsev xa tus txiv Neeb kom mus txog chaw tso tus txiv tsev mam li los tsam ib leeg xwb tsis tau luag, vim muaj hav zoov nuj txeeg thiab muaj toj ntxas tom kev, thaum no twb yuav luag ib tag hmo lawm.
Tus txiv Neeb hais tias tsis ntshai deb tsawv thiab ces tsam koj xa kuv mus koj ho laj rov qab los , ces cia kuv mus xwb tau lawm tus txiv tsev tias auj...yog li ces koj maj mam mus ov txawm tsis xa koj laiv, tus txiv Neeb txawm tsis ua twj ywm hos txawm hais tias: Tsis ntshai os yog pom Poj Ntxoog ces muab txhom t.soob kiag xwb mas.
Tus txiv Neeb mus txog tom kwj ha nruab nrab hav zoov ze toj ntxas cas plaub hau xob zog xob zog tuaj tus txiv Neeb ntsia tom hau ntej cas muaj ib tug Poj Ntxoog sawv hauv nruab nrab kev txawm hais rau tus txiv Neeb tias: tus puas ta uas hais tias yuav t.soob Poj Ntxoog no txawm t.soob las, no ces tus txiv Neeb twb tsis tau hais ib los teb Poj Ntxoog, ces tus Poj Ntxoog tib ncaws taw rau tus txiv Neeb txiv neeb ya plho rau puag nram qab ke hauv kwj ha lawm vim qhov chaw ntawv ntxhab ntxhab , ces ib hmos tsis pom txiv Neeb los txog tsev tag kis pom kev lawv thiaj tuaj nrhiav txog tom lub zos uas txiv Neeb tuaj ua neeb, lawv tias nws los puag nag hmo ib tag hmo lawm ,auj yog li mas peb mus nhiav taug kev mus lauj no ces lawv thiaj los nrhiav taug kev los ke nrhiav ke hu ces los ze rau ntawm thaj chaw ntawv lawv hu hu ces thiaj hnov teb yau yau hauv kwj ha tuaj lawv li nqes mus txog hauv kwj ha no has raug yawg sab sab pw xwb sawv tsis taus lawv thiaj muab ev los tsev los muaj tshuab ntsuab qhwv thiab ua Neeb quas dab Poj ntxoog yawg thiaj rov zoo li qub.
Tej no luag thiaj hais tias ua neej nyob txhob khav theeb Neeg heev muaj neeg tsim...

Thov txim hais lo lus tsiv mloog ( T.soob) vim nws yog dab neeg thiaj hais mog

Subject: Re: Poj Ntxoog ncaws Neeg Thu May 27, 2010 3:12 pm

PoobZoo,

Lawv nrhiav tau thiab coj los tsev lawm mas.

Kuv xav tias nyob rau tebchaws twg los yeej muaj poj ntxoog li os.

Thaum peb nyob tim nplogteb, kuv niam tus nus muaj ibtug ntxhais hlob kuv. Nws niam tuag lawm ces tseg nws thiab nws tus niamlaus thiab ib tug nus lawv ua ntsuag. Lawv txiv niaj hnub mus ua teb thiab niaj hmo mus yos hluasnkauj lawm ces cia ob tug ntshais ntsuag zov tsev xwb. Tej hnub ces tus niamlaus mus de zaub npuas los ces tsis pom tus niamhluas lawm. Thaum nkawd mus de zaub ces tus poj ntxoog los coj tus niamhluas mus lawm ces tus niamlaus tsis paub li. Thaum nws mus de zaub los txog ces mam saib tsis pom tus niamhluas lawm xwb. Nws los qhia nws cov niam ntxawm nrog nws mus pab nrhiav, thaum lawv nrhiav tau ces nyob puag tim tej ntug zos hos nws noj noj cuav nab xwb. Lawv hais tias nws mus dabtsi, nws qhia tias nws niam los coj nws mus lawm no. Lawv hais tias ua cas nws ho noj cuav nab, nws hais tias nws niam muab rau nws noj no na.

Tus ntxhais no mas lawv ib sij nrhiav ib zaug li os.

Subject: Re: Poj Ntxoog ncaws Neeg Thu May 27, 2010 4:38 pm

Vuag!!! Txaus tu siab thiab ntshai ua luaj li.

Xyov li lauj!!! Yog hais txog zaj no. Niam tuag tseg txiv nrog me nyuam los me nyuam yuav ntxom nyem hos txiv hos tuag es tseg me nyuam nrog niam los muaj qee tus poj nrauj uas yus pom pom los lawm, lawv kuj tsis hlub lawv tej me nyuam li yus hlub li thiab tiag.. Tiam sis lawv hos yog poj nrauj es hos tsis yog poj ntsuam ces ntshe lawv thiaj li tsis hlub los xyov yog li cas li tiag.

Txoj kev ua ntsuag ces leej twg los yeej tsis xav taug li os.. Cov nyob teb chaws meskas no ces ntxom nyem los tseem muaj government los kav thiab ces cov me nyuam ntsuag hos tsis ntxom nyem npaum li cov uas nyob nplog teb.

Subject: Re: Poj Ntxoog ncaws Neeg Tue Jun 01, 2010 2:19 pm

Nyobzoo os, PoobZoo,

Yog mas, kuv tus cousin ntawd, nws niam tseg nws thaum nws tseem me me, ntshe muaj 1-2 xyoos xwb os. Pom cov menyuam ntsuag tsis muaj niam tu mas ntxim hlub heev li os. Nyob tau lub tebchaws tim ub ces tej menyuam ntsuag nyob lo av li xwb. Tsis zoo li nyob tebchaws no es muaj nom tswv pab os.

Subject: Re: Poj Ntxoog ncaws Neeg Tue Jun 01, 2010 2:20 pm

PoobZoo,

Koj los tsis tuaj hos NkaujNyiag los tsis pom tuaj lawm ces ua rau kuv qaug qaug zog tuaj lawm thiab os.

Subject: Re: Poj Ntxoog ncaws Neeg Tue Jun 01, 2010 2:37 pm

Wow.... yav ntuj thaum ub mas tseem muaj poj ntxoog tiag li os.

» Muab rau kuv tus Poj Ntxoog
» TUS NEEG ZOONKAUJ
» Koj nyiam tus neeg coj tus cwj pwm zoo li cas
» Me neeg zoo
» KUV XAV MLOOG DAB NEEG