Subject: Re: NYIAJ TXIAG PAUV TSIS TAU KEV HLUB Thu Dec 06, 2012 7:55 pm
Ntsujplig,
Txhua tus neeg thaum pib txoj kev hlub ces txawm tsis muaj nyiaj los txoj kev hlub yeej loj dua. Tab sis tau sib sau tau los ua ib yig neej lawm mam li ntshaw nyiaj tom qab. Yog tsis muaj nyiaj ces kev hlub los yuav ploj mus..ho yog ho khwv tau nyiaj ntau dhau no ces kev hlub los kuj yuav plaj...ab! uali cas los tws tswv yim tag li lawm thiab tiag. Kheev lam ob leeg xav ib yam li thaum pib sib ib lub neej xwb ma lub neej yeej nyob kaj lub xwb tiag. Tab sis ma cas sijhawm dhau mus neeg lub siab phej txawj paub ne...nej puas xav li thiab ma?
Subject: Re: NYIAJ TXIAG PAUV TSIS TAU KEV HLUB Wed Jan 23, 2013 11:46 am
Nkauj Hmoob
Koj hais yog mas vim tias lub ntiaj teb tsis txawj nres lub hnub tsis txawj tig rov qab thiaj ua rau tib neeg lub siab ib hnub hloov mus lawm zuj zus raws ntiaj teb txoj kev vam meej. Thaum tsis muaj nyiaj mas 2 leeg sib pab khwv ib hnub no tsuas muab ib leeg 50 cent kom tso tau ib poob pepsi haus xwb los twb zoo siab lawm, tab sis thaum ho muaj nyiaj nto pua txhiab txiv los pom niam yau mos niam los pom txiv yau tshiab thiaj ua rau lub neej kub hnyiab tag lawm xwb tiag.
Cia koj thiab kuv txhob ua li zaj dab neeg no nawb mog, ntawm kuv li kuv hais rau nws tias wb tsis muaj nyiaj los tsuav wb sib hlub xwb thiab tsuav wb muaj sij hawm los nyob ua ke kom txaus, vim twb laus zuj zus ib tug yuav ncaim ib tug lawm tiag.
Subject: Re: NYIAJ TXIAG PAUV TSIS TAU KEV HLUB Sun Jun 23, 2013 9:06 am
Kuv tseem nco lub sij hawm kuv tuaj saib koj, thaum tsaus ntuj zuag kuv tuaj xauj cas tsis pom koj nyob hauv tsev lawm ua kuv poob siab nthav tias tsam yog koj mus yuav txiv lawm. Ua ke lub sij ntawd kuv txawm hnov luag ib suab kuv thiaj li tig hlo thiab kab teeb rau tom tus ciav dej ua cas koj tseem tab tom ce dej tus me ntsej muag luag ntxhi nrog koj ib tug viv ncaus. Thaum ntawd kuv zoo siab heev thiaj los kiag ob - peb ruam thiab kab teeb kiag rau koj lub qhov muag tsis tua. Thaum kuv hnov koj lo lus tias
"Leej twg ne thov tua teeb seb" Kuv thiaj teb koj tias "Thov txim twb yog kuv xwb mas" Thaum koj hnov kuv lub suab tag koj hu luag ntxhi tias "Pheej Hmoo koj twb tuaj lawm los thiab koj tseem hais ntxiv tias los pem no os"
Ua rau kuv zoo siab heev li thaum kuv txav zog los ti nkaus koj thiab tuav kiag koj txhais tes dawb mos nyoos kuv xav tias muaj ib hnub wb yuav tau nyob ua ke li no mus tag ib sim xwb no tiag. Ua cas ib sib huam xwb lub ntiaj teb cia li muab kuv cais cia qaum ntuj cia li rub koj tes mus lawm wb txoj kev txij nkawm thiaj tsis tshwm sim rau tiam no lawm os....
Home 
Calendar
