Tseg Tsis Taus

TSEG TSIS TAUS

Kuv twb xav tias yuav ncaim nej mus,
Tabsis kuv lub siab pheej nyob tsis tus,
Kuv twb xav tias yuav tso nej tseg,
Los kuv lub siab pheej mob tej rhe,

Vim licas kuv thiaj tseg tsis taus nej li,
Lub ncauj lam hais tias mus los lub siab mob lwj dhi,
Vim licas kuv thiaj tseg tsis taus nej tseg,
Lub ncauj lam hais tias mus los lub siab mob tej niag teg,

Tseg Tsis Taus...,

Vim tseg tsis taus zos Hmongheaven thiaj rovqab tuaj,
Hmmm..., zoo li kuj tsis muaj tus hlub thiab tus yuav tshua,
Vim tseg tsis taus zos Hmongheaven thiaj rovqab tuaj xwb,
Hmmm..., los yog tias tim dabtsi ua rau Npauj Npaim puas hlwb?

Ntsuj Plig,

Yog koj lub siab kaj lawm ces kuj zoo,
Kuv los zoosiab muaj koj tuaj wb sib nug moo,
Yog koj lub siab kaj lawm ces kuv kuj zoo siab heev,
Kuv los yeej xav kom koj tuaj kuv thiaj tsis tau seev,

Wsm..., yog koj hais tiag ces los ntawm no Npauj Npaim mam puag koj,
Tsuav yog hauv lub xub ntiag muaj koj ces yeej zoo lub siab lawm os,
Wsm..., yog koj hais tiag ces los ntawm no Npauj Npaim mam puag koj kiag,
Tsuav yog hauv lub xub ntiag muaj koj ces yeej zoo lub siab lawm tiag,