Ua ntej koj yuav qaug hlub rau luag tej lus zoo lus qab zib, nres ib pliag tso. Xav seb koj tus hlub neb lub neej neb twb tsim muaj dab tsi rau hauv lawm tso. Ua ntej koj yuav hloob siab mus hlub lwm tus xav seb koj puas nco tus neeg ib txwm hlub koj thaum xub thawj lawm tso. Ua ntej koj yuav nrog luag mus xav seb koj puas hlub koj cov menyuam. Ua ntej koj yuav mus tiag koj yuav tsum xav tias yog koj raug dag koj puas khuv xim koj tus hlub lawm tso. Ua ntej koj yuav mus xav tso tsam tus neeg ntawv dag ntxias koj xwb tsis hlub tiag.
Ib tsoom phoojywg txhua tus, peb ua neeg nyob thov kom peb txhob tseeg luag tej lus zoo lus qab zib mog. Txawm tias peb tus hlub ntawm peb xub ntiag tsis txawj hais lus qab zib nplig peb lub siab los nws yeej hlub yus tiag tiag. Tus sab nrauv ces luag dag ntxias yus siv kev hlub ua si xwb. Thaum luag ntxias tau yus kev hlub tag ces luag yuav muab yus tso tseg. Thaum yus lub neej puas tag lawm yuav rov qab mus yuav yus tus hlub los nws tsis kam rov yuav yus lawm. Thaum zoo li no, yus yuav tau nyob ib leeg tsis muaj tus hlub. Thaum yus tsis muaj tus hlub luag tej yuav saib tsis tau yus. Tus txiv neej pom yus los luag ntshai tsam yus thab luag. Tus pojniam pom yus los luag ntshai yus lam nrog luag tham ntxias luag tus txiv deev.
Noc ntsoov muab koj lub neej tso rau lub sam xeeb siab, saib koj lub neej muaj nuj qis mog. Thov kom nyias tswj nyias lub neej kom zoo ua neej thiaj nyob luag ntxhi thiab kaj siab mus ib txhis.
Nco Lub Neej Thaum Tseem Nyob Los Tsuas
Last edited by NkaujNyiag on Thu Sep 16, 2010 2:59 pm; edited 5 times in total
Zoo siab tau ntsib koj hmo no os. Hais tias tsis lom zem no los kuj lom zem thiab ma. Koj es ua cas yuav khwv ua luaj tsis muaj caij tuaj nrog peb tham laug sijhawm li na. Peb nco koj kawg li thiab os bro.
Without you ces tsis lomzem heev thiab os...heehehee
Ntsib koj ib pliag no xwb es kuv mus lawm os....mam sib ntsib dua nawb...heehe
Kuv tsi busy thiab ma, kuv nyob xwb tiam si kuv pheej los tsi txog xwb os. Kuv ces nyob hauv tsev ntau heev tseem yuav muaj high blood pressure thiab hov.
Yeej yog ma, yog muaj coob leej ces forum yeej sov dua tsi muaj neeg li os. zoosiab ntsib koj tghiab nawb.
Koj ma cas yuav txawj tham tau txaus luag ua luaj. Nyob nyob twb yuav muaj high blood pressure thiab na...heheheee. Los yog khwv khwv es twb yuav mob hig bloob pressure na...heheee
Yog ma yog muaj coob leej ces lub forum yeej yuav zov dua...es thiaj tias cas koj phej tsis tuaj rnog peb tso dag na...hehee
Kuv nrog koj zoo siab kawg li. Yeej yog li koj hais ma. Txawm yus tej phoojywg los yog tej niam Ntxawm thiab tej kwvtij yus yeej tsis xav kom lawv sib nrauj li. Yog yus hais hais es lawv txawj xav txawj rub siab ntev rov los kho lawv lub neej kom rov sib hlub ma yus yeej pab lawv zoo siab thiab. Txawm tus neeg yus pab tau nws lub neej lawm los yuav tau paub txog yus lub txiaj ntsim li koj tus phoojywg ntawv thiab.
Ua txij nkawm ces peb ib leeg yuav tau xav ua ntej thaum ua peb xav tias yuav muab peb tus txij nkawm tso. Vim mus pib dua lub neej tshiab los yeej tsis zoo luaj twg thiab. Yog peb rub tsis tau siab ntev rau peb tus txiv/pojniam ces txawm peb mus yuav dua tus tshiab los yeej zoo li qub thiab. Ntawv yog kuv li kev xav xwb.
Zoo siab koj tuaj share rau peb sawv daws txog txoj kev koj pab tau ob peb khub niam txiv rov los sibhlub lawm os nawb.
Npauj Npaim wrote:
NkaujNyiag,
Kuv yeej nyiam koj lub topic no tiag tiag li hos. Kuv lub hom phiaj ces yog xav xav pab kom cov me niam txiv txawj txawj sib hlub xwb tiag. Yog kuv pab tau ib khub niam txiv txawj hais lus thiab sib sib hlub ces kuv zoo zoo siab heev li os.
Kuv twb pab tau kuv ib tug vivncaus kom nws txhob nrauj nws tus txiv, kuv pab tau ib tug tub hluas kom nws yuav pojniam los hlub nws niam es txhob seev txoj kev tuag, kuv tseem pab tau ib tug phoojywg uas kom nws txhob nrauj nws tus pojniam thiab na.
Tus phoojywg ntawd ces nws tus pojniam yog ib tug nkauj ntsuag es los ua neej nrog nws, tus pojniam tsis paub ua noj ua hnav ces thaum hluas nws hlub thiab pab tabsis tom qab no nws tsis xav qhia lawm ces nws cem pojniam phem heev li os.
Kuv ntuas ntuas nws kom ciali hlub mus txhob tib ub tib no lawm ces nws kuj tsi nrauj, niaj hnub no ces nws tseem ua neej nrog vim kuv xwb no na, eheeheheehee, nws hu kuv ua, "Kuv tus me naib niam zoo nkauj, vim koj xwb kuv thiaj tsis nrauj kuv tus pojniam es ua ib siab ua neej nrog nws mus vim kuv mloog koj lus lawm xwb," no nas, sis aw.
Kuv mas zoo siab tshaj yog leej twg lub neej sib sib hlub nas, es kuv tsis xav kom lawv tej neej puas li os mog.
Lub neej nim no ces thov kom sib sib hlub xwb mog, txhob xav tias nws tsis zoo no mog, tus tsis zoo ces yog yus xwb mog. Yus zoo ces qhia kom nws zoo ces nws yeej zoo tau thiab es rub siab ntev xwb tiag lawv aw.
Hlub thiab tshua nej...,
Npauj Npaim.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Kuv los yeej xav li koj hais thiab os mog. Peb ua neeg nyob txhua tus puav leej muaj teebmeem tabsis yog tus siab ntev thiaj nyiaj dhau xwb. Tus siab luv ces nyiaj tsis dhau es yog muaj tej txheeb ze pab ntuas ces yeej zoo thiab mas.
Kuv kuj pab kuv tus niamlaus lawm thiab. Nws muaj teebmeem nrog txivlaus ces nws chim siab heev, nws kom kuv tuaj nws tog no tabsis kuv hais rau nws tias twb tsis yog tim txivlaus hos tim nkawd ob leeg ces kom txhob xav phem li ciali rovqab los sibhlub vim tej menyuam twb cuag zog tag lawm es txhob sib tso no ces nkawd kuj rovqab los nyob uake lawm thiab.
NkaujNyiag, kuv xav tias ua neej tsis pom txoj hmoo es yog thaum koj pom kuv yuav yuam kev koj yuav tau pab cheem hos thaum kuv pom koj yuav yuam kev ces kuv yuav tau pab cheem xwb no es koj puas xav li thiab os?