Los peb hais, "Kwvtxhiaj"

First topic message reminder :

Nijyai..., cas teeb txheej hov txawb txhaim es luj yig hov txhaim tshaj..., ntauj taws sua yeev tuaj txog xav tsa lub ncauj nrog lawm nej hais los ntshai tib ruj rwg tsam peb tus me sab sij huam laij puas nyab lawm nej zaj,

Nijyai..., cas teeb txheej hov txawb txhaim es luj yig hov txhaim txheeb..., ntauj taws sua yeev tuaj txog xav tsa lub ncauj los nrog lawm nej hais los ntshai tib ruj rwg tsam peb tus me sab sij huam laij puas nyab lawm nej xeeb,

Ces ntshe nim yuav chim laj tsis chim xeeb, chim lub laj xeeb xaus xi tuaj rau zos hmongheaven, ceeb tsheej ntuj, zaj no ces hais tuaj cob nkaus rau me nraug hmoob Tsimnuj.

Lubpajzoo........Ua tsaug koj zaj kwv txhiaj os, koj txawj hais kwv txhiaj kawg li.

Nim yes..........Niam zoov yog niaj liab me cuam zoov niaj liab me cuam tsis quaj ces ib cim zoov nuj txeeg tuaj nyob yuav nphob, plees nkauj nraum zoo luaj no daj tsis sib tau kuv leej tub yuam roj sua hneev mus dhau ntshe yuav tso rooj ntug rab teb no tej me qub zej qub zog rau hmoob niam leej ntxhais ib leeg nyob.

Nim yes..........Niam zoov yog niaj liab me cuam zoov niaj liab me cuam tsis quaj ces ib cim zoov nuj txeeg tuaj nyob yuav ntxhov, plees nkauj nraum zoo luaj no daj tsis sib tau kuv leej tub yuam roj sua hneev mus dhau ntshe yuav tso rooj ntug rab teb no tej me qub zej qub zog rau hmoob niam leej ntxhais ib leeg zov.

Ces chim siab ua luaj no

Nijyai…., cas niam zoov ces twb yog niam liab me noog zoov, niam liab me noog tsis quaj ces niam zoov mus tuaj twb tsis kiab…, sim neej no wb plees nkauj nraum hais zoo ua luaj no tiag yuad lawv tej neeg tuaj tus dai siab…, daj dee tsis tau koj nim yuav mus es koj yuav hais zaj twg na…, kuv niam leej ntxhais thiaj li zoo lub siab mog od.

Nij yai…., cas niam zoov ces twb yog niam liab me noog zoov, niam liab me noog tsis quaj ces niam zoov mus tuaj twb tsis sawv…, sim neej no wb plees nkauj nraum hais zoo ua luaj no tiag yuam lawv tej neeg tuaj tus dai siab…, daj dee tsis tau koj nim yuav mus tiag es koj yuav hais zaj twg na…, kuv niam leej ntxhais thiaj tsis dai dai plawv mog od.

Ces nim yuav chim lub laj xeeb tsis xav mus ncig…, zaj no ces hais cob nkaus rau me txiv nraug Ntsuj Plig mog.

[i]Lub paj zoo, leejnus zoo thov ua tsaug rau koj txhua yam koj kev txhawb siab ntawm koj, tsis tag li los koj tseem npaj tau ib qhov chaw no rau leejnus tuaj nrog koj sib cuag, nug moo, thiab ua qhov chaw tso pa rau wb txoj kev sib nco nawb mog leej muam Lub Paj zoo. Leejnus yuav nco ntsoov koj tus txiaj ntsig thiab koj txoj kev hlub rau leejnus mus ib txhis os mog. Leejnus yeej nco ntsoov koj tej lus thiab tau nrog leejnus nyob ntev licas lawm os mog leejmuam lub paj zoo. Mam li ntsib koj dua nawb mog

Leejnus zoo tus nco koj tshaj li

Nyobzoo os, kuv leej nus zoo,

Koj twb tuaj lawm lod? Kuv zoo siab tshaj li os, thaum tuaj pom koj tuaj lawm nas, heeheheehee,

Kuv leejnuszoo, txhob ua tsaug os mog. Koj twb ua tau ntau yam zoo pub kuv lawm, kuv twb tsis paub yuav pauj licas thiaj pauj tag koj tej txiaj ntsim rovqab rau koj es koj tsis tag yuav ua kuv tsaug vim kuv twb tsis paub ib yam dabtsi li os mog.

Qhov kuv zoo siab tshaj ces twb muaj koj ua kuv ib leej nus zoo lawm, heheehe, sim neej no tsis muaj ib yam dabtsi yuav pauv tau li lawm os mog.

Hlub thiab tshua koj tsis muaj hnub kawg...,