Xyaum Sau Paj Huam

Hmoob Tojsiab Cov Lus Xyaum Sau Paj Huam yog qhia txog kev sau paj huam rau cov phooj ywg sawv daws hais txog kev sau paj huam Hmoob mas nws muaj ib tug qauv qhia sau cov lus paj huam muaj 7 lo lus nyob rau ib kab ntawv xwb mas 7 lo lus ntawm muab cais ua ob ntu lus xws li nov:

1. ntus ib yog muaj 3 lo lus xwb.
   
2. ntus ob nws muaj 4 lo lus mas 4 lo lus nyob rau kab ntawv saum toj ntawm lo lus kawg ntawd yuav tsum dhos rau kab hauv qab ntawm 3 lo lus kawg mas thiaj li yog paj huam Hmoob thiab ob lo lus sib dhos ntawd yuav tsum yog siv tib tug cim xwb thiaj li raug zoo mas thiaj li meej rau kev sau paj huam.
   

Piv txwv xws li nram nov:

Leej nus Hmoob————-tus me ntxim hlub ( B )
ntawv puas rub—-( B )——wb ua txij nkawm ( M )
hmoov puas sawm–( M )—–los nyob sib fwm ( M )
tuav keeb kwm——-( M )—–raws kev ua neej ( J )
peem puas tsheej—–( J )—–los pib cuab yig ( G )
thiaj tsis lig——-( G )——-wb kev ua neej ( J )
li yuav yeej———( J )—-txoj kev poob qab ( B )
neej tsis fab——–( B )—-li caum cuag luag ( G )
lub neej pluag——-( G )—thiaj zam tau dhau (—)
pib thaum yau——–(—)—–li nrog kav laus ( s )
thaum neej xaus——( S )–thiaj muaj tus hlub ( B )
tshav tsis kub——–( B )—muaj tus thaj tsob ( B )
tau chaw nyob———( B )—–kaj siab li nrig ( G )
Zoo cuab yig———-( G )——lawm xwb os mog...