Tom qab uas Nkauj Ntxoo ploj mus Ua neeg qus 25 xyoos Tej me tsoos lwj mus xyaw av Lub cev txhav tsis muaj ris tsho Muaj ib hmo Yim Laj mus ncig Cas ntsuj plig plaub hau xob vog Saib na yog Nkauj Ntxoo liab qab Mus tsheej dab qhov muag ci iab Uas lub siab cuag raug te hlab Saib nramn qab tsaus ntuj dub nciab Mam nco rhiab tig kab teeb rau Pom tau hauv plaub hau ntxhee yees Xam ncig lees tsis muaj leej twg Tej phooj ywg khiav mus dua toj Siab xav zoj tuag lau zaum no Thiaj hle hlo khaub khiab nqa khiav Suab quaj nyiav ncha mus thoob ntuj Dhia mus tsuj plas taub laub tuag Thiaj mus zuag tau tseev qhuav hlaub Ua noog taub quaj ceeb zej zog Thiaj khiav ntog ua zog tas nrho...xwb tiag..Hmoob!!!
Last edited by Ntsuj_Plig on Fri Oct 25, 2019 11:12 am; edited 1 time in total
Subject: Re: KUV COV PAJ HUAM Sun Jan 28, 2018 7:57 am
Muaj ib zaug nyob hauv lub neej Cas kuv pheej tsis nkag siab li Ntuj tsaus hli los nag xuj xuav Chaw ntub ntsuav huab cua txias zias Txawm dag tias los kuv puag koj Thiaj tsis no zaum kuv xub ntiag Ib me pliag ib ce kub lug Nyob tib tug me tawm hws lug Nws txawm nug koj ua dab tsi Wb ua si tham kev lom zem Hmoov tsis phem lub ntuj kuj pab Pw kuv npab puag loo saum txaj Tos ntuj kaj nws plhu liab tag Saib no cas ntxim hlub ua luaj Nws tseem quaj kua muag ntws nto Tias zaum no seb yuav ua cas Lus hais tas kuv kawg thov txim Tsis txhob chim kuv mam hlub koj Tsis ntev loj ces tsis mob lawm Cas ho tawm mus rau xyoo tshiab Nws plhu liab ntsej muag tshiab khiv Luag hiv hiv tham zoo siab hlo Tias kuv nco wb hmo pem teb Ncua kev deb leeg nyob sab ntuj Wb ya yuj tuaj mus sib ntsib Nws thiaj qhib lub siab dav fo Rau kuv no txoj kev sib hlub...lawm xwb tiag!!
Last edited by Ntsuj_Plig on Fri Oct 25, 2019 11:10 am; edited 1 time in total