Subject: Re: HLUB UA ZAUM KAWG Wed Dec 26, 2012 9:17 pm
8tos8nco
Hmoob tuaj tau 35 xyoos rau USA Hmoob yeej vam meej mus deb kawg lawm, kuv los yeej thov qhuas thiab.
Qhov Hmoob tsis zoo yog tseg tsis taus tus cwj pwm sib ntxub, ua plaub ua ntug, thiab sib khib rau txoj kev sib txeeb ua tus loj. Tej yam no yuav thaum twg Hmoob thiaj mam li yuav pauv tau.
Subject: Re: HLUB UA ZAUM KAWG Wed Dec 26, 2012 9:26 pm
Nyob tsis zoo Nkauj Nag Tshia
Vim lub plawv dhia tsis muaj chaw xaus zoo yam nkaus tus dej tsaws tsua tsis paub xyov hnub twg yuav yog hnub ua koj lub chaw tshua.
Tus yuav kho lub tsho rau Ntsuj Plig hnav ua zaum kawg nws tsuas muaj ib tug nkaus xwb thiaj li yuav tsim nyog. Tus ntawd yog tus uas nws ib txwm tau hais rau Ntsuj Plig tias txawm muaj ib sab tes ib sab taw xwb los yuav hlub, yog thaum ntuj tsis kam ntiaj teb yuav rub los nws yeej muaj peev xwm yuav muab tau nws lub plawv los pub.
Yog muaj hnub ho hnov lub moo ncha Ntsuj Plig ho tsis muaj pa lawm los nws tseem yuav yog Ntsuj Plig rev paj saum ntxa...
Kuv xav tias koj yuav nco qab nws zoo? Puas nco tau lawm ma??
Txog lub caij lawm pab xa xov rau nws tias Ntsuj Plig yuav tos tsis tau nws txoj kev hlub lawm no os..., thov los wb rov saib ib muag lub neej npau suav yav tag los os.....
NkaujNagTshia wrote:
NtsujPlig nyob zoo os ............. Es seb leej twg yog tus tsim nyob yuav kho lub tsho rau koj hnav ua zaum kawg
Yuav tsum teev be cia hos .... Hais li koj xwb es leej twg nim yuav paub hais tias tus tsim nyog yuav kho tsho yog leej twg no los hehe J/K tsis ua li os cia koj ua tus kawg kuv thiaj tau hnov lub tsho uas jkoj kho
Subject: Re: HLUB UA ZAUM KAWG Thu Dec 27, 2012 3:18 am
Hahahahaha......Ntsuj_Plig,
Koj hais yog lawm thiab mas. Tab sis, peb tuaj nyob rau lub teb chaws democracy thiab freedom ces yog peb mus khwv noj khwv haus tag tus xwb ces txawm peb muaj nyiaj ntau npaum twg los tsis zoo dab tsi es cia ib nrab Hmoob cov lawv tseem muaj lub zeem muag xav hlub Hmoob ces lawv txawm muaj plaub muaj ntug npaum twg los tsuav yog lawv tsim dab neeg cia rau tiam tom ntej hos tau taug mus xwb ces txawm muaj dab tsi los li sib kho mus hos yog peb cia li nyob sib hlub ntsiag to xwb ces ntshe peb Hmoob yuav tsis paub peb cov neeg txawj ntse seb lawv yog leej twg thiab lawv txoj kev tseem xav txog Hmoob mus deb npaum li cas lawm.
Ntsuj_Plig wrote:
8tos8nco
Hmoob tuaj tau 35 xyoos rau USA Hmoob yeej vam meej mus deb kawg lawm, kuv los yeej thov qhuas thiab.
Qhov Hmoob tsis zoo yog tseg tsis taus tus cwj pwm sib ntxub, ua plaub ua ntug, thiab sib khib rau txoj kev sib txeeb ua tus loj. Tej yam no yuav thaum twg Hmoob thiaj mam li yuav pauv tau.
Last edited by 8tos8nco on Sun Mar 23, 2014 12:21 am; edited 2 times in total
Subject: Re: HLUB UA ZAUM KAWG Thu Dec 27, 2012 8:27 am
8tos8nco,
Koj hais los yeej yog thiab mas, qhov tseeb tiag Hmoob ua tsis tau li meskas hais txog kev sib tw ua nom ua tswv. Piv txwv li koj thiab kuv wb los sib tw yog kuv swb koj ces kuv hais tag nrho rau kuv pab neeg kom txhob support koj lawm. Hos mes kas li thaum nws paub tias nws swb lawm nws tseem los nqua hu kom nws pab neeg los mus support tus yeej.
Hais txog Hmoob kab li kev cai xws li tshoob kos thiab kev pam tuag, kuv los niaj hnub hais rau cov coj ntawm lub zej zog kuv nyob tias kom peb thim xav thiab txhob li qub lawm.
Ib yam li tshoob kos, yog muaj ib tug ntxhais mus caum mev thiab dub lawm ces peb yeej tsis hais txog kom tuaj ua tshoob li. Tab sis yog Hmoob yuav lawm mas peb yuav yuam kom tau tuaj ua tshoob xw. Kab mob kev tuag los lis, yog tus mus yuav lwm haiv neeg tuag ces txawm cia li thau los saib 4-5 xuab moos coj mus faus xwb los tsis muaj plaub hais, tab sis yog tus yuav hmoob mas tsis muaj nyiaj yuav nyuj tua rau xwb los plaub hais tsis paub tag.
Ib qho ntxiv, kuv los xav kom txo tej kab ke pam tuag ua kom me li me tau vim tus tuag nws yeej tsis sawv los lawm. Tab sis yog thaum tshuav nqi ces tej tub ki yuav raug them thiab tiv nuj tiv nqi mus, qhov ntawd kuv thiaj txhais tias " TXHOB XAV TIAS KOJ SAU NYIAJ UA KOM ZOO RAU TUS TUAG YUAV TAU KOOB HMOOV tab sis YUAV UA RAU TEJ TUB KI POOB CIAJ QHEV ROV TOM QAB" vim ris luag nuj luag nqi.
Subject: Re: HLUB UA ZAUM KAWG Fri Jan 25, 2013 12:03 pm
8tos8nco,
Kuv mus ncig ntuj tshawb kev hlub lawm es tsis nco rov los txog thaj chaw no koj twb tham tau ntau kawg cia lawm, ua tsaug nawb.
Raws kuv txoj kev xav mas nws yuav tau pauv qee yam li no:
- Kev nom kev tswv, ces dua li ntawm GVP lawm yeej kawg yuav cia pej xeem xaiv lawm xwb thiaj yuav tau los ua Hmoob tus coj. Tus twg yuav los coj tau ntev yog tus yuav tsum muaj lub siab hlub Hmoob thiab muaj txoj kev ncaj ncees rau Hmoob tsis txhob yog tus los dag noj dag haus.
- Pej xeem Hmoob, pej xeem Hmoob mas ib txwm hwm tus coj tab sis lawv tsuas hwm tus uas muaj lub zeem muag los pab lawv xwb. Yog leej twg ua dab tsi los cuab thaj loj tsis ntev tej pej xeem yuav tsis quav ntsej txhawb nqa lawm.
- Kab tshoob kev kos, tam sim no kab tshoob kev kos kuv pom tsis tshua muaj teeb meem loj lawm vim feem coob yuav lub txhooj lawm tab sis tseem tshuav ib txhia cov California uas tseem tsis tau kam. Qhov no los nyaj tsis ntev lawv yuav nyoo lawv tus kheej ces lawv yuav los lawm thiab.
- Kab mob kev tuag, yuav kom peb nyob taus thiab vam meej mus ntxiv yuav tsum tau kho thiab ua li nram qab no:
1/. Cov tswv TSEV TXIAS los yuav tau txo nqi kom tej neeg txom nyem siv tau lawv tej vaj tse.
2/. Cov thawj lwm tub ncig los yuav tau sib pab tam li kev thov dag thov zog xwb tsis txhob ua li niaj hnub no "Nyiaj los yuav, nqaij los los yuav, dej cawv los yuav" muab xam los tiam ib zaug thawj lwm tub ncig no poob li $2,400.00 rau $2,600.00 qhov no yog nyiaj nkaus xwb. Cov txom nyem yuav ua cas ua tau lawm.
3/. Cov tsiaj los yuav tsum txo kom tsawg li tsawg tau, Nyuj cwb qhua tsis pub dhau 3 tug. Dua li ntawd yog zaub tsis txaus noj qhov twg los xyom cuab mam mus tua los ua zaub xwb. Niaj hnub no ib ntees twg tua tsiaj tshaj 10 tus rov saud lawm. Cov tsiaj no xwb muab xam ua nyiaj nws poob tshja $10,000.00 lawm yog muab los pab them tej nuj nqis twb tau ib qho lawm thiab.
Kawg no, Tsav cov lus nws hais tau zoo kawg lawm. Qhov tseeb tiag yog hais tau ua tau yeej zoo tab sis yog hais lom zem xwb tsis ua ces yuav tsis muaj dab tsi tshwm sim thiab..
Home 
Calendar
