Vim dab tsi os Hmoob???

Ntsuj_Nplig,

Raws li saib koj daim clip saum mas kuv xav tau lawm hais tias tej zaum cov tub hluas thiab ntxhais hluas Hmoob nyob hauv daim clip tau ua ib yam dab tsi tsis zoo rau cov neeg hnav tsho color dawb lawm vim tog hnav tsho dawb mas lawv muaj tub ceev xwm nrog ncig, muaj neeg xov xwm thaij duab, muaj neeg tub rog nqa cov iav tiv thaiv tsam lam muaj neeg txawb pob zeb pob a rau lawv tej neeg, thiab lawv muaj cov neeg nqa rauj nqa pas tuaj muab lub nyuag tsev puab cement ntawm koog nyuag ntug zoov ntawm tsoo ua nws ntsoog mos nyoos tag mas tej zaum cov Hmoob ntawm tau ua ib yam dab tsi tsis raws cai rau lawv lub teb chaws lawm los muaj vim pom cov ntxhais Hmoob sawv ua tej kab sab sib qhaib npab hos cov tub hluas hnav ris tsho color dub nyob ze rau ntawm lub tsev yog nyob rau kab nruab nrab zog ces thaum kawg luag cov neeg hnav tsho dawb ua kav npab ntug ntoob thiab tub ceev xwm tuaj chua ib tug zuj zus mus lawm ces thaum kawg cov hmoob ntawm cia li ploj tag hauv lawv daim screen sab qab lawm mas tej zaum yog luag nom tswv Nyab Laj txoj cai kav luag lub teb chaws rau txhua tsav neeg nyob lawv lub teb chaws tsis txaus siab rau ib yam dab tsi uas lawv cov neeg Hmoob ua tsis zoo rau lawv ces luag thiaj tuaj txhom lawv mus lawm (peb cov neeg tsis paub luag lus es khwv yees tham ces zoo li kuv tham nov xwb) ces kawg luag tso los dim hos luag tua los lawv kawg tuag mus vim cov Hmoob ntawm los yeej yog luag neeg ib txwm yug nyob loj hauv luag lub teb chaws ces tej nov peb Hmoob nyob txawm teb chaws txawm saib lawv tej clip los kuv xav hais tias peb Hmoob-Meskas yuav tsis muaj feem pab tau lawv li cas vim luag neeg txawv teb chaws teeb meem tsis yog peb Hmoob-Meskas teeb meem.

Tsuj_Plig, kuv nyeem koj cov lus nram qab nov lawm zoo kawg li os.  Tab sis, koj yuav tsum xav tau hais tias lub neej nim nov mas peb Hmoob-Meskas lub neej hloov mus deb lawm npaum li cas txhiab xyoo lawm vim muaj tej laus es peb txheej hluas lub neej nim nov thiaj li mus caum cuag luag lwm tsav neeg deb npaum li ntawm rau txhua tus neeg Hmoob cov uas lawv mam xeem tuaj yug nyob rau rooj teb no ces yog muab piv xam li taws tes tsau koj hais ces peb cov neeg twb yog taws lub teeb ci lam lug lawm xwb vim tes tsaus mas nws tsuas pom ib ob dag ncig ntawm tus neeg maub taug kev thaum ntuj tsaus xwb hos lub teeb mas nws muaj cov sab ci mus lawm deb npaum li lub qhov muag ntsia mus txog mas peb yeej muaj lus ua tej laus tsaug ntau kawg kiag li os.

Hahahahaha......koj tus professor Thaib yeej leej kawg las mas vim peb cov laus twb yuav mus tas cia peb cov hluas nyob rooj teb no lawm xwb ces thaum kawg peb cov hluas twb yuav tau sawv los ua niam ua txiv thiab ua pog ua yawg rau peb tsav neeg Hmoob txheej tshiab tag tus rau peb cov neeg tiam tshiab ces qhov hais tias peb cov neeg yuav txia mus ua luag neeg tag ces twb yog peb tsav neeg Hmoob txawj luag lus tag tus ces yog ua neeg paub siab paub qis, thiab paub cai lawm ces txawm ib leeg yuav mus qhov twg los yeej tsis nco ntshai dab tsi lawm vim luag lwm tsav neeg thiab peb tsav neeg Hmoob yog ib haiv neeg nyob ib lub teb chaws thiab sawv daws muaj vaj huam sib luag lawm ces ua dab tsi los luag yeej paub hais tias peb Hmoob yog luag neeg tag tus lawm ces xam tau lawm ne.

Ntsuj_Plig wrote:

8tos8nco thiab NkaujHmoob....aw

Peb Hmoob ces tsis hais nyob rau rooj teb twg los zoo yam li taws tes tsau tsis pom ntej xwb tiag. Txawm peb yuav yog twb khiav dim ntawm txoj cai koom sam lawm los peb yuav tau mloog lus thiab nawb. Niaj hnub no qhov kuv pom uas peb tsoom Hmoob tseem pheej xav ua tus coj sib sau ua pawg ub pawg no kuv yeej ntshai tsam muaj ib hnub peb mag ib yam li lawv thiab hos.

Muaj ib tug professor thaib hu ua Achan Somchit no tau hais tseg rau xyoo 1987 nyob Phanatnikhom, thailand tias tom qab xyoo 2000 mus Hmoob yuav tuag tas. Lo lus no txhais tias Hmoob yuav txia tag mus puv ntuj leej twg nyob lub teb chaws twg yuav tau txia mus ua luag haiv neeg thiab hloov mus coj luag tus cai yus thiaj yuav nyob taus xwb tiag.

8tos8nco....

Kuv tau ib qho xov xwm rau wb hais txog lub tsev lawv muab tsoo lawm los nyeem ntawm no:


Lawv muaj 1 tug thawj coj tau qhia kom lawv txhob pam tuag hauv tsev lawm
lawv ua 1 lub tsev rau ntawm ntug zos
leej twg tuag ces coj tuaj pam ntsiag to tsis ua qeej tsis ua nruag
thaum ub lawv kuj mus thov tau kev tso cai
but ziag no nom tswv ho ntxeev siab tuaj tsis pub puab ua tsev tuag li ntawv lawm xwb ma
tag li no hehe

Ntsuj_Plig,

Yeej yog li koj hais lawm yog hais txog ntawm tej yam xwm txheej uas yog tej tus tib neeg ua rau nyias tus kheej los yog nyias tsev neeg ua rau nyias tsev neeg xwb ces yuav tsum yog nyob ntawm nyias lub zos cov neeg saib kev ruaj ntseg txoj kev ncaj ncees thiab pab cawm tib neeg txoj sia.  

Tab sis, tej yam xwm txheej uas ib tug neeg lam ua phem rau lwm tus neeg los yog ua phem rau luag lwm haiv neeg mas yeej yuav tsum take up communities sib qhuab qhia thiab sib tham kom luag thiab yus tsav neeg muaj kev zoo siab nyob thaj yeej lug tias sawv daws muaj kev sib vam khom los yog sib pab kho tej xwm txheej phem ntawm kom tsis txhob muaj tej yam kev phem los tsuas rau tib neeg lub neej es luag thiaj li saib taus yus tsav neeg los yog yus tsav neeg thiaj li xyaum nrog luag ua neeg zoo.

Qhov koj hais tias muaj ib tug neeg cem lus phem rau 3 tug thawj co hu ua cov niag , "Mr. Big Dog" li ntawm mas tej zaum tus neeg ntawm muaj mental mob tej los yog nws ntse zog lawm ces nws thiaj li huam yuaj rau tej thawj coj li ntawm los muaj.

Tej lus ntawm mas ntshe yog tej lub teb chaws lawv yeej muaj lawv tej yam lus txawv txawv es lawv hais kom mob lwm tus ces lawv hais tej lo lus li ntawm los muaj hos nyob peb teb chaws nov mas tej lus phem mas yeej yog cov neeg phem hais ntau xwb hos luag cov neeg zoo thiab paub siab paub qis mas yeej tsis lam siv cov lus phem los ua kom neeg tej hlwb sib tsoo ua neeg liam.

Hahahahaha......koj cov lus txhais txog txiv thais aub mas yeej txaus luag kawg li.  Tab sis, tej tus neeg hais lus phem li ntawm ntshe nws tus plig nyob tsis npuab cev lawm ces nws thiaj li xav phem rau luag tej li ntawm seb puas mob luag siab ces tsam ho muaj lwm tus neeg sib khib siab ces lawv cia li ua dev sib tog mas yeej txaus ntshai kawg li os.

Ntsuj_Plig wrote:

8tos8nco

Txawm li cas los xij, kuv tsuas xav tias kom peb nyob lub zos twg  ces ua lub zos ntawd pej xeem lawm xwb. Leej twg raug plaub raug ntug los nws yog tub ceev xwm thiab chaw hais plaub txoj hauj lwm lawm xwb. Tsis txhob niaj hnub mus hais rau luag tias peb yog Hmoob cov coj muaj plaub ntug yuav tsum cia peb kho yeej yuav tau xwb, tab sis thaum neeg sib tua tuag pawg lug ces yus ho hais tsis tau.

Muaj ib zaug ib tug tswv zos thiaj tau cem 3 tug thawj coj Hmoob tias Mr. Big Dog, koj xav lo lus no puas zoo thiab? Thaum lawv tsis txaus siab muab sib hais los ces luag tsuas teb tias lawv lo lus Mr. Big Dog tsis yog lus phem tsuas txhais tias " Leader" no xwb. Txawm lawv los yeej yuav hais li hos kuv txhais los yeej yuav txhais tias "Txiv thais aub". Txiv thais aub ces yeej txhais tias cov xav ua thawj coj los mas tab sis nws tsis yog mus rau sab zoo lawm na....hahaa...

Ntsuj_Plig,

Yog tias muaj li koj cov lus hais mas yeej yog tim cov Hmoob thiab lub teb chaws ntawm lawv tsis muaj kev cai lij choj zoo rau lawv cov neeg ua neej ces lawv tseem muaj qhov sib txiav tej yam lawv tsis nyiam los muaj vim lawv yeej yog neeg txwv laus puaj tiam txheej dhau txheej nyob ua ke los lawm tiam dhau tiam mas tej hauj lwm ntawm lawv yuav ua dab tsi los lawv yeej sib paub kawg vim lawv tsis yog Hmoob-Meskas mas lawv yuav tsum txhob copy Hmoob-Meskas lub neej.

Tab sis, kuv saib koj daim clip saum mas zoo li txhua yam tub ceev xwm (cov hnav tsho dawb, ntoo kaus mom sib txawv, muaj rauj muaj pas tsoo vaj tsoo tsev) yeej npaj tuaj rhuav tshem cov neeg Hmoob ntawm lub tsev lawm hos cov neeg Hmoob ntawm los cov poj niam tseem sawv ua tej leej sib khawm npab thaiv luag kom txhob tuaj mus hauv lawv qhov chaw ntawm thiab cov tub hluas hnav dub los tseem sawv ua tej pawg nyob rau ntawm lub tsev thiab lawv tseem ua monkey yoj tes siab siab qw mas tej xwm txheej zoo li ntawm yeej yog cov Hmoob ntawm muaj kev txhaum thiab es luag thiaj li tuaj muab lawv rub thiab chua ua neeg ntog qaug pes coog thiab muab lawv lub tsev tsoo ua ntsoog tag ces luag thiaj li muab cov neeg Hmoob ntawm tav cuag lawv nyuj mas kuv xav hais tias tej hauj lwm ntawm yog tim tib neeg txoj kev xav hloov lawv tej kev cai qub mus rau theem tshiab ces tej zaum lawv ua tsis yog lawv txoj cai qub ib txhis coj nyob rau lawv lub teb chaws lawm ces thiaj li ua rau lawv cov nom tswv nyhav siab txog lawv teeb meem.

Cov me nyuam Yaus Hmoob ua txhaum luag txoj cai mas vim thaum Koj saib daim clip mus txog nrab lawm ces koj yeej hnov muaj ib tug niam pog qw qw lub suab ncha hais tias, "Me Nyuam Hmoob Ruam Me Nyuam Hmoob Ua Kev Cai Dab Qhuas Thov Ntuj Pab" ces yog cov me nyuam Hmoob ua tej yam txhaum Lawv tej kab li kev cai lawm ces ntshe thiaj li muaj tus hais kom lawv cov nom tswv tuaj muab lawv yos.

Ntsuj_Plig wrote:

8tos8nco....

Kuv tau ib qho xov xwm rau wb hais txog lub tsev lawv muab tsoo lawm los nyeem ntawm no:

Lawv muaj 1 tug thawj coj tau qhia kom lawv txhob pam tuag hauv tsev lawm
lawv ua 1 lub tsev rau ntawm ntug zos
leej twg tuag ces coj tuaj pam ntsiag to tsis ua qeej tsis ua nruag
thaum ub lawv kuj mus thov tau kev tso cai
but ziag no nom tswv ho ntxeev siab tuaj tsis pub puab ua tsev tuag li ntawv lawm xwb ma
tag li no hehe