Lub neej thaum ntxov kuj xws li nim no, Hmoob tsuas pab tus neeg txawj ntse thiab muaj koob nto npe kom nws tau ntsej muag, hos ntawm cov neeg ruamm thiab neeg txom nyem tsis muaj tus xav xyijxeeb pab thiab hlub txog. Hmoob kev sib pab tsis yog hlub pab, tabsis yog pab raws li Hmoob cov nqi lus hais tias "pauv zog" thiab "pab tus uas tom ntej yuav vam tau thiab pab tau yus" no xwb nawb.
Lwm haiv neeg txoj kev sib pab hauv society mas yog pab los ntawm txoj kev hlub, thiab luag tsuas pab tus nws pab tsis tau tus kheej. Lwm haiv neeg vam meej txoj kev sib hlub sib pab, luag txoj kev sib pab yog kev tsis xam txiaj ntsig nawb, thiab thaum luag tau pab lwm tus timtsum kev pab lawm, luag tsis tos kom tus luag tau pab ho pab luag rau tom ntej.
Hauv Hmoob cov lus ua tsaug hauv lub ntees tuag, thaib cov lus ua tsaug tshoob yeej qhia tseeb kawg kiag txog Hmoob tus cwjpwm thiab xeeb ceem ntawm kev ua neej tseeb. Tsuas yog tus neeg tsis ntse tob xwb thiaj qhuas tias Hmoob coj cai zoo, tus paub tiag/ntse tiag ces yeej pom tias Hmoob tsuas yog "nyias hus nyias kwj tse".
Qhov Hmoob mus tsa ntau ntau lub koomhaum cuab xeem, thiab Hmoob koom tsis tau los noj Hmoob lub 30 caug ua ib hnub/los sis koom ib lub chaw rag qaum paj nruag los yeej yog lub hlwb ntawv. Tshwjxeeb tshaj yog cov koomhaum/koomtxoos “organizations” uas xav coj Hmoob ua politic thiab daws tso Hmoob kev raug tsim txom+txom nyem lod yeej coj tib tug cwj pwm+xeebceem+hlwb kev txawj ntse kiag thiab xwb. Tus xeebceem twmxeeb no yeej koom tsis tau ua ke thiaj ua rau Hmoob tseem tsis tau kam sib koom siab koom zog los daws Hmoob tej teeb meem ntxhov niab niaj hnub no.
Subject: Re: Hmoob txoj kev sib hlub nyob qhov twg...??? Sun Oct 26, 2014 1:26 pm
Nyob zoo rau neb os Yajceebtshiab thiab 8tos8nco,
Neb tuaj tham tau zoo kawg tab sis kuv tsis tshua paub txhob hmoob txoj kev sib hlub ntau. Tej ntus kuv pom hmoob kuj txawj sib hlub cas tej ntus kuv ho pom hmoob kuj muaj tej tug pheem heev tsis txawj sib hlub thiab. Ntawm kuv xav thiab raws li kuv pom xwb ma hmoob tsis ntxim nyob ua ke coob coob. Vim hmoob nyob ua ke coob coob ces hmoob tsis sib hlub lawm. Kuv hais li kuv pom xwb....seb nej cov noj ntau diav mov pom tau zoo li cas xwb laub??
Subject: Re: Hmoob txoj kev sib hlub nyob qhov twg...??? Sun Oct 26, 2014 2:13 pm
8tos8nco wrote:
Yajceebtshiab,
Koj cov lus thiab clips saum yeej muaj tseeb raws li kuv tau saib Hmoob tej videos qho daim yav tag los. Tab sis, kuv ces tseem tsis tau paub txog Hmoob Suav, Hmoob Nyab Laj,thiab Hmoob Thaib zoo pes tsawg vim yus yug los ua Hmoob ces tsuas paub txij li qhov yus nrog niam nrog txiv nyob loj hlob xwb.
Raws li kuv saib koj cov clips saum mas peb cov Hmoob Suav thiab Hmoob Nyab Laj yeej tseem yog Hmoob txwj Hmoob laus nyob yav ntuj thaum ub hos peb cov Hmoob Nplog mas yog cov thoj nam teb chaws ces peb cov neeg yeej ntsib ntau yam xwm txheej cuam tshuav txog peb Hmoob lub neej ua ntej peb yuav rais mus ciaj ua luag lwm haiv neeg nyob ncig lub ntiaj teb.
Koj tus noj ntau diav paub ntau yam thiab koj tau rov mus txuj sab ntuj tim ub yuav tau tuaj qhia peb ntau yam ntxiv mus es zoo siab kawg li os.
Yimtos Yimnco,
Peb txhua tus yeej muaj kev paub raws li nyias txoj kev pom/paub, tus paub yam twg los coj tuaj sib qhia. Tej yam kuv tsis tau pom tabsis koj pom lawm ces koj hais tuaj rau kuv tau kawm. Vim Hmoob tsuas nqiv luag ntuj kawm luag txuj thiab ua neej raws luag cai yoog kawm paub raws li luag hais. Peb Hmoob tseem tsis tau muaj ib lub tsev qhia txuj ci yog Hmoob txuj ci/Hmoob tshawb nrhiav tau. Txhua haiv neeg yuav vammeej tau yog tshawb nrhiav sau tag nrh txuj ntiajteb los sib cob-qhia nws tsav/Haiv neeg thiaj li txawj sib xws paub sib npawg thiab txawj ntse sib xws.
Clip video no hais txog Korean txheeb Hmoob.
Yog yuav nrhiav cov neeg coj culture thiab cwj pwm thooj li Hmoob ces yog cov neeg Koreans. Lawv hais lus txawv Hmoob, tabsis lawv cov tsoos sib txheeb, lawv nyiam noj mov ntse dej ntxuag ntsev+kua txob li Hmoob. Lawv lub ntees nruamsim (tuag) muaj zovhmo thiab ua tsaug tsoom qhua tuaj txhawb. Lawv tsis ntxheeb Hmoob roj ntshav los lawv ntxheeb ntawm txoj kev coj+kav li Hmoob thaum ub lawm lod tsis paub. https://youtu.be/dTdCwovUpv8
Last edited by Yajceebtshiab on Sun Oct 26, 2014 7:13 pm; edited 2 times in total
Subject: Re: Hmoob txoj kev sib hlub nyob qhov twg...??? Sun Oct 26, 2014 2:33 pm
Nkauj_Dala wrote:
Nyob zoo rau neb os Yajceebtshiab thiab 8tos8nco,
Neb tuaj tham tau zoo kawg tab sis kuv tsis tshua paub txhob hmoob txoj kev sib hlub ntau. Tej ntus kuv pom hmoob kuj txawj sib hlub cas tej ntus kuv ho pom hmoob kuj muaj tej tug pheem heev tsis txawj sib hlub thiab. Ntawm kuv xav thiab raws li kuv pom xwb ma hmoob tsis ntxim nyob ua ke coob coob. Vim hmoob nyob ua ke coob coob ces hmoob tsis sib hlub lawm. Kuv hais li kuv pom xwb....seb nej cov noj ntau diav mov pom tau zoo li cas xwb laub??
Nkauj-Dala yeej muaj tseeb li koj hais kawg, thiab tsis hais Hmoob nyob qhov twg los yeej tseem tsis tau mus deb tshaj cov Hmoob USA li thiab hais txog kev sib hlub sib txhawb nawb.
Peb Hmoob sib hlub heev ntawm tus neeg hauv yim neeg xwb, peb tsis muaj kev sibhlub ntawm kev yog haiv. Thaum pab neeg tuncua kev sib hlub li yog ib haiv neeg lawm ces thiaj tsis pom public benefits tseemceeb nawb. Nyias thiaj pom nyias li personal gains tseemceeb xwb. Txhua yam Hmoob ua thiaj tseem yog nrhiav kev txaus siab rau yus ib leeg li lub neej twmzeej twmcuab xwb.
Piv li kuv tsa ib lub koomhaum uas siv tag nrho txhua tus Hmoob nyob cheebtsam ntawv npe thiab zauvtxheeb "data" kom tau ib pob grant los khiav lub koomhaum, tabsis kuv tsis pab Hmoob kom tsim nyog thiab tag nrho pob nyiaj ntawv. Kuv muab li 1/3 ntawm pob peev los khiav haujlwm xwb ho muab 2/3 ntawv coj mus siv nrhiav kev lomzem xwb ces yog tsis txawj hlub Hmoob ntag, nws tsuas hlub tuskheej thiab kom Hmoob hlub nws ib leeg xwb thiaj muaj tej teebmeem li daim clip video no.