Subject: Cas yuav kho siab ua luaj li.. Wed Mar 24, 2010 1:03 pm
First topic message reminder :
Nej puas muaj tej hnub es kho khoooooo siab tsis pom qab yuav ua li cas li... Ua cas kuv mas tej lub sij hawm mas kho siab kawg li.. Kuv tsis paub tias xyov yog vim li cas li, tsuas yog pheej kho kho siab xwb. Kuj tsis paub tias xyov yus nco leej twg li thiab tiag.. Tsuas yog kho siab xwb tiag.. It's so hard to describe...
Ntshe tej zaum kuv tus nruj plig poob zoo lawm pob? Es thiaj li ua rau kuv kho siab ua luaj li pob???
Subject: Re: Cas yuav kho siab ua luaj li.. Thu Jul 22, 2010 10:22 am
Ntsuj_Plig.....koj yog leej niam leej txiv ib leeg tub los tuav leej niam leej txiv tus ncej tsev. Koj yog ib leeg tub los tuav koj niam koj txiv tus dab tus qhua. lub neej koj yog tus tuav thiab tus tswj. Koj xav kom zoo ces koj yeej ua tau zoo, koj xav kom phem ces koj yeej ua tau phem.
Nyob li koj tus muam no ces tsis txawj yug, yug los ua leej niam leej txiv ib tug ntxhais ces lub neej tsis yog nws tuav, txawm nws xav kom zoo los zoo tsis taus, xav kom phem los phem vim nws yog ib leeg ntxhais mus rau saum luag xwb. Mus yoog luag txuj yoog luag nci xwb os.
Butterfly......tos koj kho siab los vim koj yog ib leeg ntxhais li kuv thiab. Yus mus yuav luag lawm ces mus yoog luag txuj luag nci lawm xwb tiag..
YeebTsim....Tsis txawj khua sab ham le tsis muaj kev nyuaj sab. Tsis txawj khua plawv ham le tsis muaj kev nyuaj plawv. Zoo le koj cov muam huv nuav ces khua sab khua plawv yuav moog dai taw le os..
Subject: Re: Cas yuav kho siab ua luaj li.. Thu Jul 22, 2010 10:44 am
Thaum hnub ci iab, tshav ntuj nrig, cua tuaj txias zias, kuv ntsia qhov twg los tsis pom koj. Cas yuav kho siab khuav nrog huab nrog cua.
Thaum qaim hli nrig, hnov txias tos cas tsis muaj koj los puag rau ntawm kuv ib sab. Tsis muaj lub cub tawg los nte. Kho siab los vim yog tsis muaj koj.
Subject: Re: Cas yuav kho siab ua luaj li.. Fri Jul 23, 2010 7:41 am
Poobzoo.........
- Txawm tias kuv yuav yog ib leeg tub yug los tuav ncej dab los zoo tsis npaum koj mus ua luag nyab. - Txawm tias kuv yuav yog ib leeg tub yug los tuav ncej tse los twb zoo tsis npaumm koj mus ua luag sev os mog. - Koj txawm yog ib leeg ntxhais qhua mus ua nyab rau saum luag los tseem zoo dua os mog.
Poobzoo tham li no ua rau kuv kho siab lawm cia kuv hais ib qho kwv txhiaj me me rau koj mloog nawb.
- Luag txawj ua nyab yuav ua nyab zoj rau leej niam leej txiv tej qab vag los tsib taug leej niam leej txiv noj qab noj tsuag los ntau xov nruj nraws tuaj hu tsis qaug, cas me nkauj hmoob tsis txawj ua nyab yuav ua nyab zoj mus rau txoj kev deb toj taim toj roob huab ntsau leej niam leej txiv tua tsiaj tua txhuv noj los ntau xov nruj nraws tuaj hu tsis tau. - Luag txawj ua nyab yuav ua nyab zoj rau leej niam leej txiv tej qab vag los tsib peg leej niam leej txiv noj qab noj tsuag los tshav moo nraws tuaj hu tsis tseg, me nkauj hmoob tsis txawj ua nyab yuav ua nyab mus txoj kev deb hla hlo toj taim toj roob hauv tsuas leej niam leej txiv tua tsiaj tua txhuv noj los tshaj moo nraws tuaj hu tsis cuag.
Muab xav li no kuv ho hlub nej cov ntxhais kawg li thiab os.....
Subject: Re: Cas yuav kho siab ua luaj li.. Wed Jul 28, 2010 12:45 pm
Ntsuj_Plig...Yeej yog li koj zaj kwv txhiaj os. Peb cov ntxhais ces tsis txawj mus ua nyab, mus ua nyab tag tsis tau nrog leej niam leej txiv noj. Leej niam leej txiv noj qab noj tsuag los yus tsis tau li tiag.. Sim neej no yeej tsis cuag li nej cov tub li.
Yog lwm tiam muaj tiag, kuv yuav los yug ua ib tug tub es thiaj li tau nrog leej niam leej txiv nyob os..
Subject: Re: Cas yuav kho siab ua luaj li.. Wed Jul 28, 2010 2:30 pm
Hahahahahaha.......nej tham nrog niam nrog txiv nyob es peb tuaj poob rau lub teb chaws vam meej es ib ya cav taws los tsis tau pab niam pab txiv kwv li. Yuav mus qhov twg los caij tsheb xwb es thaum me tub me ntxhais loj tiav niam tiav txiv tag lawv nim tawm tsev mus ua lawv neej nyob tsev ntsa iab lawm xwb es cov me laus ces twb kawg mus nyob tsev laus lawm xwb es puas yuav muaj ib hnub cov luag tig rov qab mus nrog cov laus nyob ua ke li peb Hmoob lub neej thaum ub lawm ne yom.
Nej txawj txawj nthuav txhua yam tuaj rau peb kawm ces tham tuaj qhia peb sawv daws paub tias ib hnub koj xav li cas nyob rau hauv lub neej. Xav paub thaum koj sawv los koj xav txog dab tsi xwb, thaum koj mus kev koj xav txog leej twg, thiab thaum koj yuav pw ua li koj nco leej twg tshaj? Hahahahahahaha....kuv ces yog nco nco nej sawv daws cov sub tham laug hnub es yog tsis tuaj hauv nov tag mam li mus pw ces lub siab tsis kheev li os. Xyov cas peb ua neeg nyob es yuav muaj txoj niag kev sib nco zoo li ntawm rau yus kom muaj kev khuam siab lau cov phooj ywg.