Subject: Tseem Hmoob-Meskas Thu May 18, 2017 7:13 am
Koj nyob lub teb chaws Meskas, tab sis mas yuav thaum twg koj thiaj li yoog thiab zoo tau li ib tug tseem Hmoob-Meskas?
Ib Tug Tseem Hmoob-Meskas Zoo Nov:
koj yog ib tug neeg citizem tseem Hmoob-Meskas.
koj muaj tus kheej lub neej (private life) yog koj liĀ thiab tsis muaj lwm tus neeg yuam cai koj lub neej tau li cas.
koj yug nyob lub teb chaws Meskas thiab tau kawm tus ntawv abc loj hlob tiav niam tiav txiv ua lub neej xws luag.
koj nrog luag ua hauj lwm them se thawm niaj thawm xyoo kom txog rau thaum koj laus lawm koj yeej muaj nqis zoo rau lub teb chaws Misliskas zoo li ib tug pej xeem Meskas vim koj yog ib tug tseem Hmoob-Meskas.
koj lub siab lub ntsws, tus neeg lub xeeb ceem, tus neeg tus yam ntxwv, tus neeg tus cwj pwm, thiab koj tej roj ntsha hlub tshua pej xeem Meskas, hlub lub teb chaws Misliskas, thiab koj yoog tau zoo li ib tug neeg Meskas vim koj yog ib tug tseem Hmoob-Meskas.
koj hais lus paub siab paub qis, tsis khav theeb, saib taus tus pluag mus txog rau tus npluaj nuj zoo li ib tug neeg Meskas vim koj yog ib tug tseem Hmoob-Meskas.
koj txawj nrhiav kev vam meej los pab thiab hlub tshua koj lub zej lub zos kom nrog luag muaj neej ua zoo li ib tug neeg Meskas vim koj yog ib tug tseem Hmoob-Meskas.
koj noj zaub noj mov li ib tug neeg Meskas noj, koj hais lus ncaws hau li ib tug neeg Meskas hais lus, koj mus kev zoo li ib tug neeg Meskas mus kev, koj luag zoo li ib tug neeg Meskas luag, thiab koj txawj xav li ib tug neeg Meskas siab zoo vim koj yog ib tug tseem Hmoob-Meskas.
koj tsis yog neeg nrhiav plaub nrhiav ntug mus rau lwm lub teb chaws coj los ua nrhab lo Hmoob-Meskas taub hau kom peb Hmoob-Meskas tseem zoo li ib co neeg qus vim koj yog ib tug neeg tseem Hmoob-Meskas.
koj nyob lub zos twg koj ntsia tej roj ntsuag, hav zoov, thiab teb chaws cas zoo li yog koj lub ntiaj teb koj ib txhis nyob thiab coj noj coj ua lawm xwb vim koj txawm yuav mus vacation rau sab ntuj twg los koj yeej nco koj lub zej lub zos nyob Meskas teb tshaj plaws vim koj yog ib tug tseem Hmoob-Meskas qhia tau hais tias txiv cuam tsis rov mus lub qub zoov nuj xiab lawm tiag.
True or false nyob rau cov nqe lus los lawm sau nov cia koj mam li tuaj soj ntsuam rau koj tus kheej xwb es thov koj tus tau tuaj nrog nyeem peb tej lus ho ua siab ntev mog.