cia nyias mus nyias

Ua cas koj yuav tso nkauj kho siab ua luaj li ne,
Thaum kuv pom dheev ua kuv lub siab mob khis rhe,

Ntshe yog koj lub siab nyob tsis kaj lawm pod
Vim hnub no kuv lub siab los kuj ntxov ntxov

Kuv thiaj tuaj ncig nrhiav seb puas pom koj na
Ua li koj nyob licas lawm siab puas kaj

Me niamhluas, los kuv puag txhob tu siab lawm mog,
Txawm licas los twb tseem muaj kuv nyob ntawm no
Kuv yuav so nws teev kua muag tsis pub ntws tawm los
Thiab kuv yuav nyob nrog nraim nws tsis pub nws nco

Me niamhluas, nws yuav tau tseg txoj kev seev thiab
Yog nws pheej seev ces nws yuav kho kho lub siab
Kheev lam nyob ze cia wb uake mus ncig tom kiab
Los yog yuav coj nws mus ncig saib Hmoob Ntuj Tshiab

Me niamhluas, tus ntxim hlub thiab ntxim tshua
Kuv lub siab yeej tsis kheev nws poob lub kuamuag
Yog nyob ze kuv yuav pab kom nws muaj txhij txhua
Yuav tsis pub nws lub siab mob thiab ntshaw luag

Me niamhluas, vim wb ib leeg nyob ib sab ntuj deb
Ntau zaug nws thov thiab hu los kuv tsis nco teb
Es nws txhob xav licas rau nws niamlaus thiab mog
Nco ntsoov tias nws thiaj yog tus kuv niaj hnub nco