~PAJ HUAM NTHUAV KEV HLUB~

Subject: ~PAJ HUAM NTHUAV KEV HLUB~ Tue Feb 02, 2010 3:30 pm

First topic message reminder :

"Paj Huam Nthuav Kev Hlub"

Kuv Tuaj Nrhiav Koj

Hnub no lub ntuj huv si nrog rau tus me duab tshav ntuj ci,
Kuv tuaj ncig ntawm wb tej qub chaw ua si los tsis pom koj nyob qhov twg li,
Hnub no lub ntuj ntsuab xiab nrog rau tus me duab tshav ntuj ci ntsa tshiab,
Kuv tuaj ncig ib hnub tsis ntsib koj cas yuav kho kho kuv lub siab

Kuv tus me neeg zoo, koj dua twg lawm cia li tawm los rau kuv pom
Kuv lub siab quaj dhi rau txoj kev hlub twb yog vim koj ib leeg xwb os,
Ua li koj puas tseem nyob rau ntawm thaj chaw no?
Thov tawm los rau kuv pom ib zaug ntxiv tsis txhob cia kuv nco nco koj li no os mog,

Guest

nyob zoo os niam laus Lubpajzoo kuv nyob fabkis tuaj os
mam ntsib koj tag kis os

Subject: Re: ~PAJ HUAM NTHUAV KEV HLUB~ Thu Feb 04, 2010 4:16 pm

Nyobzoo rau koj os, me niamhluas

Koj tuaj nrhiav tau kuv lawm lod? Tuaj lawm no ces kavtsij los nrog kuv tu lub tsev no kom tshiabkhiv nyob tos txais qhua os nawd.

Guest

Me vivncaus Npaujnpaim
Nws muaj tis ya
Nws yuav ya yuj li yees
tuaj nyob rau tej chaw kho siab mus nuam yaj
Nws nim tseg nws viv ncaus NkaujYi nyob hav zoov nuj dub

Me vivncaus Npaujnpaim
Nws muaj tis es nws txawj ya
nws yuav ya li ntshi
tsaw kiag rau thaj chaw tshiab tshaj
Nws nim tseg nws viv ncaus NkaujYi nyob nrom ntsi rau tom qab

Niamlaus Npuajnpaim kuv twb tsis txawj sau pajhuam es....kuv tuaj hais nyob zoo rau koj na hahaha

Subject: Re: ~PAJ HUAM NTHUAV KEV HLUB~ Thu Feb 04, 2010 5:10 pm

Me niamhluas NkaujYi, me vivncaus, tus neeg txawj xav,
Npauj Npaim tsis tau tseg nws ibleeg nyob rau tomqab,
Me niamhluas NkaujYi, tus me lus mos,
Nws tuaj txog lawm los, Npauj Npaim tseem nyob ntawm no tos,
Kavtsij tuaj wb sib caum tham uasi laug hnub,
Npauj Npaim yeej tseem nyobzoo li qub,
Yog koj tsis tuaj saib Npauj Npaim ces yeej tsis lomzem,
Ciali tuaj wb sib caum mus ncig tebchaws Hmongheaven uake..., os mog, kuv me niamhluas....e...,

Guest

Kuv tuaj nqa txoj kev viv ncaus nyob ib txhis
Tsis pub kuv ob tus me niam laus nqhis
Leej twg li kev hlub ntawm lub siab
Kuv nqa txoj kev viv ncaus tuaj cuag
Neb nrog peb nyob mus ib txhiab
Ntsis pub kom neb muaj ntshaw luag
Peb txoj kev sib hlub li viv ncaus
Thov kom tsuas muaj nyob laus
Kuv lub siab kaj nrig
Thaum kuv tuaj txog hauv no tuaj ncig
Koj tej vaj tsev txhua nrho
Kuv thiaj li zoo siab hlo

Kuv nco koj os thiab niam laus nkauj yi os.

» chaw sau paj huam hlub "Txoj kev hlub yog wb"
» Lus Paj Huam
» sau paj huam ua si
» Lus Sij Huam
» KUV COV PAJ HUAM