Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Kuv tsis tau tuaj lawm koj sau tau ntau kawg li thiab tso duab zoo heev li lawm os cia kuv mam los wb sib tuav tes mus saib paj hnub qub nraug ua kab yog muaj siab tiag kuv mam tos koj mus ua kuv niam ib leeg nyab cia kuv mam tuav koj tes wb mus saib paj hnub qub tawg ua rauv yog muaj siab tiag los tuav kiag kuv tes mus ua koj txiv ib leeg vauv os...mog.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Hahahahaaa, Ntsuj Plig, txhob lam sim Npauj Npaim lub siab, Tsam ces Npauj Npaim hais tiag tuaj ces koj ho yuav nrhiav kev khiav, Txhob lam hais lus zoo zoo sim Npauj Npaim siab kom dhau, Tsam ces Npauj Npaim hais tiag tuaj ces koj ho yuav tso tes plau os.
Npauj Npaim ces tsuas thwj lus puv ncauj es lam tau lam sau, Vim rooj teb no pluag hluasnraug ua luaj tham tus twg los twb tsis tau, Npauj Npaim ces tsuas thwj lus puv ncauj ces lam tau lam sau uasi, Vim rooj teb no twb tsis muaj hluasnraug xav tuaj nrog peb hais lus ntxhi,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Neeg lub siab cas thaum zoo mas nim zoo zoo ua luaj, Tabsis thaum phem mas phem tsim kom yus poob kua muag, Neeg lub siab cas thaum zoo mas nim zoo tsis txawj tag, Tabsis thaum phem mas phem tsim kom ti nkaus txha,
Neeg lub siab cas thaum zoo mas nim ua zoo rau yus tag li, Tabsis thaum phem mas phem tsim kom yus tau kev ti, Neeg lub siab cas thaum zoo mas nim ua zoo rau yus tsis xaus, Tabsis thaum phem mas phem tsim kom ti nkaus lub hauv paus,
Neeg lub siab cas thaum zoo mas nim zoo zoo xav nrog ua phoojywg, Tabsis thaum phem tuaj lawm mas phem tshaj yeej tsis paub yus yog leejtwg, Neeg lub siab cas thaum zoo mas nim zoo zoo xav nrog yus txhua hnub, Tabsis thaum phem tuaj lawm mas phem tshaj yeej tsis muaj lub siab hlub,
Neeg lub siab cas thaum zoo mas nim zoo zoo pub yus tau txhua yam, Tabsis thaum phem tuaj lawm mas phem tsim kom yus lub neej plam, Neeg lub siab cas thaum zoo mas nim zoo zoo pub yus noj yus hnav, Tabsis thaum phem tuaj lawm mas phem tsim kom yus muaj mob hnyav,
Neeg lub siab cas thaum zoo mas nim zoo txhij zoo txhua txhua, Tabsis thaum phem tuaj lawm mas yeej phem tsim kom ua tau rau yus tuag, Neeg lub siab cas thaum zoo mas nim zoo txhij zoo txhua yam tag li os, Tabsis thaum phem tuaj lawm mas yeej phem tsim kom yus txoj sia tu nrho,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA