Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Nqa mus tau ma. Nqa mus khaw cia ib hnub twg tsis muaj kuv lawm koj thiaj pom laiv Lub neej luv luv tsis muaj pes tsawg xyoo Tsis paub xyov lub neej yuav xaus mus li cas Yog txoj sia ntev ces peb yuav tau tuaj sib ntsib ntev ntev Yog txoj sia luv ces ib pliag li ib ntsias muag ib tug ploj lawm zuj zus xwb os
nkaujhnubqub wrote:
kuv nqa neb cov paj huam mus khaws cia hauv kuv lub tsev lawm thiab os vim kuv nco nco neb li ]
nkaujhmoob cas nco neb ua luaj li Nco neb puas tau thaum i Peb lom zem kawg li tiag Peb sib tawb sib sau lus npliag Ua lom vab vab tsis muaj neeg nyiam Thiaj muaj tus ua loj ua lug tsiam Lam tau nyob sib ze Ntshe kuv yuav tuaj nrog neb sib zov ua ke yuav kaj kuv lub siab na kuv ob tus niam laus Ntshe yuav nco nco neb txog hnub kuv nkag tsis taus
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Koj nyiam txoj pajhuam twg los nqa mus khaws cia rau hauv koj lub ntuj mas nawd. Tej lus peb tham no ces ib hnub muaj lawm ib zaj lus tham es thiaj tham tsis paub tag, yog tsis khaws ces tham tag ces tag mus lawm yeej tsis ncoqab li tabsis yog muab sau cia thiab khaws cia ces thiaj muaj nyob xwb os.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Kuv lub siab txawm xav ntsib koj npaum licas Los koj yeej tsis lees paub kuv li nas Txawm ib hnub kuv yuav tuaj tos koj kaum zaus los Koj yeej tsis xav txog thiab tsis tawm tuaj soj
Wb txoj kev hlub zoo npaum no lawm tiag Cia kuv muab coj los ua twb zoo sau khaws cia Ib hnub tom lub ntsis cia lwm tus mam muab los ua dabneeg qhia Hnub ntawd yog koj tseem muaj txojsia seb koj puas yuav mob lub siab
Yog koj tsis mob lub siab ces koj muab wb kev hlub faus lawm Vim li koj thiaj tsis nco kuv koj thiaj li tsis tawm Los cia kuv mam muab wb kev hlub khaws rau hauv no Ib hnub yog koj nco kuv ntshe yuav ua koj lub kua muag los
Home 
Calendar
