~KUV HLUB KOJ~

Vuag! Ntsuj Plig, cas nws yuav seev tau kho siab ua luaj li os. Sim neej no, leej twg los yeej xav kom zoo li qhov nws hais lo no xwb tiag. Yog tias muaj tseeb li nws hais no xwb ntshe yuav tsis muaj kev nyuajsiab li, ntshe yuav nyob tau huvsi nrog lub ntuj ntsuab, ncig txog qhov twg los tej me huab cua thiab tej me nroj ntsuag ntshe yuav tawg paj paug rau tej me kab noog thiab Npauj Npaim ya los tsaws haus zib uake xwb tiag.

Kheev lam tig tau lub ntiajteb no los tuav txoj kev hlub uas peb txhua tug ntshaw no cia kom yog ib sab ntuj uas muaj kev kajsiab thiab zoosiab tshaj plaws li xwb os.

Zoosiab uas tau ntsib nws hauv no li os mog, me Ntsuj Plig.

Kuv xav kom lub sijhawm tsis txhob txawj tig. Lub hnub tsis txawj poob. Cia lub sijhawm tuav wb cia. cia kuv puag koj rau kuv xub ntiag. Koj khawm kuv rau koj lub cev. Koj ntsia kuv ob lub qhov muag. Kuv ntsia koj lub ntsej muag luag. Koj seev tuaj rau kuv pob ntseg. Kuv qw tuaj rau koj ib sab pob ntseg. 2 lub suab seev hu nkauj nrov pes leeg rau nkawv 2 nplooj siab mloog. "Kuv hlub koj" yog dabtsi ne...? Leej tib neeg thiaj ntshaw thiab xav kom tuav tau lub sijhawm es lub sijhawm cia yog nkawd li 4ever.

Ntsuj_Plig wrote:

Npauj Npaim......

Yog tias ua tau cia kuv ua huab nws ua cua, kuv ua tus dej cia nws ua tus ntses cia wb yuav nyob ua ke kom tsis muaj hnub ncaim os. Cas yuav ua tsis tau nws zoo nkaus lub lwg dej uas poob saum daim nplooj mus rau hauv av lawm txawm yuav khawb tag nrho thaj av ntawv rov los lim los yeej tsis pom lub lwg dej uas dawb thiab ci ntsa iab ntawd li lawm os.

Yog muab xav li no cia kuv mam puag nws hauv npau suav txhua hmo thiab mam nco nws hauv nruab dab ntub txhua hnub os....Kuv tus neeg zoo. Cia muaj ib hnub twg txoj hmoo los txog kuv mam caij nees huab cua caum seb puas cuag nws os.

Angels
" border="0" alt=""/>

Wsmmm..., Ntsuj Plig, yog tias ua tau, cia koj ua Tub Nujzoo es kuv mam ua koj tus me Nkauj Ntxoo. Wb mam caij koj tus me txiv nees huabcua no mus ncig ntuj xwb tiag. Tabsis vim ua tsis tau li ntawd ces ntshe yuav khaws koj cov me lus qabzib no zais tseg rau nruab siab mus ib txhis li xwb os.

Ntsuj Plig txawm tias lub lwg dej ntawd poob mus ntxaum av lawm los thaj av ntawd yeej tseem zoo thiab noo li qub uas koj ib txwm hlub os mog. Vim txojkev hlub nyob nruab nrog ntawm kuv lub siab ces tseem tos ntsoov koj xwb thiab mog.

Hahahahaa, lam seev lus uasi kom phim koj xwb, oiy...., zoo li twb tsis phim kiag li es thov txhob xav licas mog.