Looj Ceeb Thaum Ub Looj Ceeb Nim Nov Tseem Nco Tau

Koj yeej nkag siab zoo lawm mas vim hais tias lub ntiaj teb nov mas technology tseem ua tsis tau li siab xav ces lawv ua raws li qhov lawv lub peev xwm txhais neeg cov lus tau mus raws li tej lo lus txhais lus xwb ces yeej yog li koj hais lawm.  Tab sis, yog tus paub lus As Kiv thiab lus Hmoob ces sau li cas los yeej paub tag nrho.......hahahahahahaha.

Hais txog lub nroog Looj Ceeb ces yog luag neeg txawv teb chaws tuaj khawb kub nram qab Looj Ceeb xwb ces luag tsis kho lub tshav dav hlau Looj Ceeb rau peb cov Hmoob thiab pub thawj ho tau khawb kub los ntawm Hmoob-Meskas tej nyiaj txiag nqa tuaj mus siv rau lub nroog Vees Cas, Luang Prabang, Luang Nam Tha, Xeev Khuam, Sam Neau, Nyab Laj teb, thiab Suav teb xwb ces cov neeg nco nco Looj Ceeb kawg tsuas ua me npauj npaim hnav tiab taim thiab ua me noog hummingbird txawj ya tsis txawj tsaws los saib lub teb chaws Nplog los lawv twb mus tsis txog lawv tej chaw nco li ces lawv yuav pub tsis tau ib qho kub los yog zib ntab rau cov Hmoob thiab pub thawj tseem zov lub Looj Ceeb kom nrog luag muaj siab rau lawv lub neej li lau.  Tsis tag li ntawm los cov niag nom tswv Nplog tsuas cia lawv cov tub rog khaub khaub hlab thiab kwv cov niag phom qub qub zov Looj Ceeb xwb hos tsis tso tej koos tub ceev xwm hnav ris tsho kom cob cob xub ntxiag zov Looj Ceeb es thiaj li tsim nyog lub teb chaws Nplog muaj nuj nqis rau cov neeg tseem nyob hauv lub nroog Looj Ceeb.

Yog muaj hnub nom tswv Nplog siab zoo thiab thim xav lawv txoj kev ua rog ces Hmoob ntiaj teb yuav rov los mus noj peb caug hauv lub nroog Looj Ceeb thiab ncaws pob kom lom lom zem ces lawv yuav nqa nyiaj txiag los mus siv rau lub nroog Looj Ceeb kom zoo tshaj plaws lwm lub nroog.

Luag cov teb chaws vam meej mas nom tswv yuav tsum ua nom tswv tes dej num kom tiav rau pej xeem thiaj li muaj taus kev vam meej ib yam li lub nroog looj Ceeb ntawm mas nom tswv yuav tsum tuaj kho lub tshav dav hlau kom zoo npaum li lub tshav dav hlau Wattay nyob Vees Cas, muaj tsev tos qhua, muaj kev tsheb hauv lub nroog Looj Ceeb puas yas kom rub nciab, thiab ib puag ncig tej toj roob ntawm lub nroog Looj Ceeb los yauv tsum kom muaj kev tsheb puas yas dub nciab tib si rau neeg tuaj saib lub nroog Looj Ceeb mas thiaj li yog nom tswv paub txog kev vam meej rau pej xeem taug hos tej tsev zoo zoo nkauj ntsa iab tim tej es tsis muaj ib txoj kev tsheb zoo taug li ces lam ua tos qhua los tsis muaj neeg tuaj pw vim Hmoob-Meskas xav rov mus saib lub nroog Looj Ceeb mas tsis yog lawv xav mus hauv av mus ces yuav noj sij hawm tsheej hnub mam li mus txog ces neeg lim lim tsis xav mus saib dab tsi li vim lawv twb xav ya kiag hauv dav hlau mus saum nruab ntug mus tsaws kiag rau hauv lub nroog Looj Ceeb kom zoo li yav ntuj thaum ub ces Nplog yeej muaj chaw khwv nyiaj kawg.  Tab sis, Nplog lub zeem muag tseem yog mus khawb kub nyob qab Looj Ceeb xwb ces ntshe yuav tsis ua npau suav txog khawb kub saum nruab ntug li los puam chawj vim cov niag thaub laus twb mus tag lawm ces ntshe yuav tsis muaj neeg xav rov mus saib lub nroog Looj Ceeb lawm los muaj.