Tsis tuag kev hlub yuav tuag kev nco

Subject: Tsis tuag kev hlub yuav tuag kev nco Tue Mar 13, 2012 6:44 am

First topic message reminder :

Hnov mob kuv taub hau tuaj
Zoo li muaj tus kab Mobhlub
Yam dej kub nchuav hlab kuv
Thiaj mam thuv seev lus cia
Kuv txoj sia yuav tu twb tiag
Koj lolus npliag uas kuv nqhis
Ua kuv xis mus poob deb
Cas tsis feb los cawm ntxiv
Kuv ua phiv koj qhov twg
Yam lub lwg hnub ziab ntau
Yuav yaj tau ua huab cua
Kuv thiaj tshua koj ua luaj
Koj tsis tuaj ntshe yuav ntog
Yuav yaj mog tus kuv hlub
Tsis txhob ua lub siab me
Los nyob ze kuv ib sab
Muab txhais npab puag kuv kiag
Mov dej txiag pab pub kuv
Kom siab puv nrog koj nyob
Vim kuv mob yuav tuag nco
Kev hlub tso tsis tau koj
Siab tsis loj nco koj xwb
Thiaj mob hlwb yuav vwm tiag
Thov puag kiag kom siab kaj me me ma me hlub e...

Subject: Re: Tsis tuag kev hlub yuav tuag kev nco Mon Mar 19, 2012 1:40 am

8tos8nco wrote:: Hehehehehe.....txawj li cas los siv li ntawm mas.

kuv twb tsis muaj lub kaw lus hauv kuv lub pc na, koj muab lub twg los kaw nab? qhia kuv siv thiab seb yom

Subject: Re: Tsis tuag kev hlub yuav tuag kev nco Mon May 14, 2012 5:53 am

Yog hlub kom tso tseg
Hlub los veg zoo li no
Tsuas ua kev nco kev mob siab
Tam lub phiab tsis xav cug dej
Tsis xav koom zej nyob koom zos
Lo lus mos yus tsuas tau ib pliag
Lub xub ntiag twb tsis tau ntev
Ua nws sev twb tsis muaj hnub
Yam thooj kub yus tsis tau
Lam nyob dhau caij nyoog xwb
Tsua cia hlwb puas tsuaj
Yog tsis muaj txoj kev sib tau
Ces tseg kev haub kev ntxias
Cia nyias mus raws nyias siab mog
Thiaj li yog txoj kev hlub phooj ywg zoo..
Sib ncaim los thiaj xav nug moo mas me hmoob e...

Subject: Re: Tsis tuag kev hlub yuav tuag kev nco Mon May 14, 2012 6:04 am

Me hlub, wb sib hlub tag npaum no
Yuav ua cas tso koj mus rau luag
Kuv lub kua muag nrog tawv to xwb
Kuv lub hlwb ces tsis paub xav li
Kuv siab quaj dhi tsis pom qab hais
Yog koj cais kuv ntshe kawg tuag
Lub suab luag koj yuav tsis hnov lawm
Txoj hmoov tsis sawm wb tsis tau ua ke
Los koj lub npe kuv yeej khaws cia
Mam rov hais qhia txheej lwm tiam
Tias kuv tus nyiam nws yog koj tiag
Koj lub xub ntiag kuv thiaj li ntshaw heev
Kuv thiaj seev txog hnub ploj
Vim hlub koj tshaj ntiaj teb neeg
Tus kuv ntseeg yog koj xwb os
Thiaj tseem tos koj nrog lub suab ncia
Kev hlub tso cia mas mob tshaj plaw os hmoob aw...!

Subject: Re: Tsis tuag kev hlub yuav tuag kev nco Thu May 24, 2012 2:22 am

Nkaujxis,

Hehehehehe.....kuv xav nyeem koj cov lus paj huam mas dai siab tshaj plaws li os.

Subject: Re: Tsis tuag kev hlub yuav tuag kev nco Thu May 24, 2012 4:18 am

Tus neeg kuv hlub tshaj
Lub ntuj kaj kuv tos ntsoov
Tim txoj hmoov thiaj tsis tau koj
Thiaj zoo tam zoj menoog poob zoo
Thiaj tsis muaj hmoo los muaj txoj kev hlub
Raug av txhub kuv nplooj siab lwj
Mam cia cwj kom tiam tshiab dua
Tus kuv hlub tshua cas nco koj tag npaum
Hlub ces yog txhaum thiaj tsis hais tau
Lub siab npau los hloov tsis laib li
Kuv thiaj nyob tsaus nti tsis muaj suab luag
Thiaj tsis cuag koj raws siab xav mog...

» Xav Hlub Tsis Xav Yuav
» Tsis ntev pej xeem yuav tsis muaj av ua noj
» Hlub Txog Hnub Tuag
» kuv tsis paub sov yuav xav li cas
» Koj Tsis Tuaj Ces Lub Chaw Yuav Nphob Mus