thaj chaw mloog nkauj

8tos8nco,

Zoo siab heev uas koj tus ua npawg tseem tuaj tsham kuv thiab mog. Hmongheaven yog ib lub chaw zoo heev thiab cov neeg tuaj rau hauv no los kuj txawj hais lus heev li thiab. Lub chaw no yav pem suab yuav yog hmoob ib qhov chaw tuaj dau tes laug sib hawm, pauv tswm yim, nrhiav kev phooj ywg thiab lwm yam. Kuv yeej ntseeg tau li koj tus ua npawg hais thiab mas cov hluas txheej nim no ces cov txawj sau ntawv hmoob yog cov tsawm lawm tsis tas hais yuav sau ntawv hmoob os lus hmoob xwb twb hais tsis tau lawm.

Hais txog hauv Ehmongmusic kuv tsis tau mus li thiab vim caij nyoog tsis tshua muaj ntau os npawg. Koj tus ua npawg yeej coj tau zoo kawg li lawm os yog peb cov hmoob lam coj tau li koj tus ua npawg coj ib nrab ces zoo heev li tiag. Cov feem coob ces yeej siv luag lwm haiv neeg cov lus ntau lawm xwb txawm yus tsev neeg sib tham kiag xwb los tseem seev luag lus ib ib li koj tau hais thiab. Txawm li cas los yus yuav tau txhob tseg hais lus hmoob ntawm yus tus kheej xwb ces yog ib qho zoo lawm.

Ywjsuab,

Zoo siab rau koj cov lus kawg li os. Peb tej zos site ua si laug hnub nov ces peb yeej tsim los rau sawv daws tuaj rag txuj ces qhov peb ua tau ces yog zoo li nov xwb. Kuv mus saib nplog cov web sites nyob rau theem saum lub topic kuv tso nplog cov keyboards mas nplog yeej mus deb dua peb Hmoob lawm ntau npaug kawg li vim nplog nyiam sau ntawv nplog.

Thaum twg peb muaj sij hawm txaus yuav txhawb neeg public lawm ces peb mam li mus pab peb cov nom tswv Hmoob tsim cov chaw sau lus rau public kom yog tej chaws zoo duav nov rau sawv daws tuaj sib ntsib los tau. Hos lub sij hawm nov ces peb tseem tuaj xyaum ua txhua yam rau kwv tij Hmoob seb puas muaj neeg nyiam tuaj saib ua ntej xwb. Yog li ntawm peb thiaj lam ua li ua tau cia rau hauv cab sab zoo li lub pas dej es peb tsuas tuaj toov pas dej tau tso ntses rau hauv lub pas dej seb puas muaj neeg nyiam tuaj zov pas dej laug hnub.

Txhais tau tias qhov tseeb yog peb mus rau public ntiag tug tiag tiag lawm mas peb yuav tau muaj cov neeg mus nrhiav xov xwm thiab cov neeg los tuav hauj lwm ces peb mus saib kev lom zem lub zos twg nyob rau lub teb chaws twg los peb yeej udpate tau lub sij hawm ntawm tam sim ib yam li TV los rau sawv daws saib los tau. Qhov ntawm ces yeej tseem nyob deb kawg li vim nov ces yog peb tseem sim xwb.

Li tej lus kuv tham nov tsuas yog tham kom muaj lus nyeem xwb es ua tsaug ntau os.

8tos8nco,

Txawm nplog mus tau deb dua peb hmoob lawm los tsis ua li cas mog vim nplog yeej yog cov neeg uas xub txawm los nyob nram nroog dua peb hmoob. Peb hmoob twb muaj cov tub txawj ntxhais ntse li nej uas pib tau li luag lawm thiab qhov no twb yog peb ib kauj ruam lawm mog.

Tam sim no twb muaj cov tub txawj ntxhai ntse cov uas tseem hmov tshua txog hmoob li nej uas maj mam los pib zuj zus mus lawm ces ntseeg hais tias tsis ntev lawm xwb peb hmoob yeej yuav muaj cov tso rau public li luag lwm haiv neeg lawm thiab.

Nyob zoo Ywjsuab,

Koj cov lus hais yog kawg li os. Qhov kuv tham thiab xav tsis yog tham txog Nplog thiab Hmoob lub neej li cas. Tej zaum kuv tham tau yuav kev lawm xwb. Qhov kuv hais mas yog kuv tham txog technology hauv cab sab mas zoo li Nplog mus deb dua peb Hmoob lawm xwb vim peb Hmoob mas peb cov neeg yug los tshiab tsis hais lus Hmoob thiab sau ntawv Hmoob lawm ces qhov peb poob qab mas yog li ntawm xwb. Tab sis, yog peb mus nrhiav peb Hmoob thiab Nplog cov lus hauv cab sab ces yeej muaj yuav luag sib npaug lawm thiab mas tam kuv xav xwb.

Hos hais txog kev vam meej mas peb cov tub thiab ntxhais tuaj yug rau lub teb chaws vam meej lawm ces lawv yeej hloov mus deb heev li lawm ces yuav muab peb lub neej thiab nplog lub los siv piv tsis tau lawm vim yog li koj hais tias,

Ywjsuab wrote:

Txawm nplog mus tau deb dua peb hmoob lawm los tsis ua li cas mog vim nplog yeej yog cov neeg uas xub txawm los nyob nram nroog dua peb hmoob. Peb hmoob twb muaj cov tub txawj ntxhais ntse li nej uas pib tau li luag lawm thiab qhov no twb yog peb ib kauj ruam lawm mog.

Tam sim no twb muaj cov tub txawj ntxhai ntse cov uas tseem hmov tshua txog hmoob li nej uas maj mam los pib zuj zus mus lawm ces ntseeg hais tias tsis ntev lawm xwb peb hmoob yeej yuav muaj cov tso rau public li luag lwm haiv neeg lawm thiab.

Lawm ces peb Hmoob yuav tsis muab peb lub neej mus piv rau nplog lub lawm.

Qhov kuv tham ces zoo li nov xwb Koj mus saib ob kab links kuv nrhiav tau nov seb Nplog thiab Hmoob muaj li cas xwb. Piv xam li kuv yuav mus nrhiav lo lus, "Hlub" seb Nplog thiab Hmoob muaj sib txawv li cas rau koj saib...

ຮັກ ces Nplog muaj li nov, http://www.google.com/search?q=%E0%BA%AE%E0%BA%B1%E0%BA%81&ie=utf-8&oe=utf-8&aq=t&rls=org.mozilla:en-US:official&client=firefox-a&source=hp&channel=np

hlub ces Hmoob muaj nov, http://www.google.com/search?q=hlub&ie=utf-8&oe=utf-8&aq=t&rls=org.mozilla:en-US:official&client=firefox-a&source=hp&channel=np

Zoo siab uas koj tseem tso tau Dr. Shoua Yang ib daim video rau peb saib hauv peb Hmoob Ceeb Tsheej nov thiab os.

Dr. Shoua Yang yog peb Hmoob ib tug tub Hmoob Political Science tseem pib tham txog nws lub tswv yim thiab kev paub txog txhua yam hauv nom tswv qav ntau tsav ntau yam. Tab sis, nws tseem hluas ces tseem yuav ntev mam li muaj nws tej keeb kwm Hmoob tshwm tau thiab pom tau li nws txoj kev xav rau yav neej pem suab ces lub sij hawm nov yeej yog nws lub caij lub nyoog los txhawb Hmoob lawm mas. Hos yuav hais txog yav tag los ces peb Hmoob yuav muab nws piv tsis tau li tej laus ib txhis coj vim cov laus neeg ces lawv tsis txawj ntaub txawj ntawv ces lawv nyob lawv ib theem uas yog lawv lub ntiaj teb thiab lub zeem muag paub txog xwb. Yog li ntawm, lub neej tom ntej tej zaum peb yuav muaj cov neeg kawm qib siab ib yam li Dr. Shoua Yang los tham txog lawv lub zeem muag rau sawv daws kawm thiab soj ntsuam mus rau yav neej pem suab mas txhua yam yeej zoo rau peb Hmoob kawg li vim tej kev saib neeg ces yog xav txog neeg lub neej feem ntau hos cov neeg saib companies ces yuav yog tham txog nyias yam hauj lwm seb yuav peem li cas thiaj li nrog luag muaj tau nyiaj txiag tsheej txhab.