Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 3 Post-610

Guest

YwjSuab wrote:: Nkauj Sawv Lig hmoov koj yeej ib muaj
Yam li lub hnub uas ib txwm tawm tuaj
Nws tsis yog koj ua npau suav mog
Nws yeej yog koj thiab kuv lub caij nyoog rov txog

Nkauj Sawv Lig hmoov ntawm koj yeej muaj tiag
Zoo yam li kob cua tuaj lawm ntxuj ntxiag
Nws tsis yog dab neej tus npau suav nawb
Nws yog tiag los ntawm koj thiab kuv txoj kev tshawb

Thaj chaw no zoo tshiab npaum koj lub ntsej muag
Rov pib dua los tsuav muaj lawm koj lub suab luag
Ntshai tsam zaj neej neeg rais mus ua kab mob
Nplooj siab yuav mob cuag yam li tus pos cob

kuv mi nraug ywjsuab,
kuv paub tias kev hlub... rov pib ces yuav rov huam tus mob
vim tias koj kuv paub kev hlub yuav tsis nyob
los lam tuaj nrog kuv pw tuam hnub ua si
seb nws puas yuav tauv tau kuv lub kua muag si

kuv mi nraug ywjsuab,
kuv paub tias kev hlub... rov pib ces yuav rov huam lub qub nqaij
los lam tuaj nrog kuv seev kom dhau kuv txoj kev taij
lam tuaj nrog kuv zaum wb lub qub rooj ib zaug ntxiv
seb puas yuav daws tau khob mi dej uas wb tau muab hliv.

Subject: Re: Wb Lub Tsev Pheeb Suab Wed Apr 11, 2012 2:24 pm

Ywjsuab,

Zoo siab rau koj cov lus os. Sawvlig neb yog ob tug txawj seev paj huam es cia neb seev rau nyeem ntshe yuav lom zem heev rau thaj chaw nov kawg lis.

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab