Hais Nyob Zoo
Kuv nce hlo----txog ntua tim toj
kuv saib zoj----pom nej chav no
thiaj nkaus hlo---tus cab cwj mem
kos nrov rhem---txaij cuag qaib raub
Qhia nej paub---tias kuv tuaj lawm
tuaj nyiag kawm---nej tej lus ntse
tuaj kos npe-------tos dib hluas nkauj
npaj nyas xauj---Hmoob tej ntxhais dawb
Zam txim nawb---txawm nej muaj tug
kuv lam nug-------faj seeb ua ntej
yog tias nej------leej twg tseem seem
tub qig teem---li kuv thov dib
Lus qab zib---kuv tsis txawj hais
xyov hmoob ntxhais---puas yuav kam tham
cia maj mam-----dib seb puas tau
nej txhob npau---kuv yeej hais meej
Tej laj txheej---lus nom lus tswv
dab qhuav twv---li kuv tsis paub
tsuas lam haub---qw dog qw dig
txhob poob plig---nawb mog cov muam
Txawm nej thuam---los thov txhob ntxub
thov nej qhub---yog tias hais txhaum
kuv mam zaum---tsaws mloog nej piav
yuav tsis khiav---yuav mloog nej lus
Txuas ntxiv mus---yog kev tu siab
kuv tuaj tshiab---nej twb ploj lawm
nej dua dawm---nej twb dua toj
kuv xam zoj---2013
Nej dhau deb---ib xyoos ntuj zeeg
tsis muaj neeg---tuaj lub zos no
kuv lam so---nej tej chaw nyob
uas twb nphob---nroj tsuag twb hlav
Ntsaum nab qav---dhia quaj ntshoo nrooj
khob qhov rooj---tsis muaj twg teb
tsev nrib pleb---cua tshuab yuav vau
los lam qhau---cev pw ib ntus
Yog muaj tus---tuaj tsham pom txog
ces txawm yog---kuv dab pob tawb
tus phem ncawb---los so ntawm no
thov nej ho---teb rau nws thiab
Seb lub siab---ho puas yuav kaj
yuav thov tshaj---txog kuv chaw nyob
txiv nraug Yob---nyob deb tuaj heev
nyob pem Xeev---lub nroog Xeev Khuam
Puag xam luam---teb chaws moos mauj
zos npab nauj---nas thoob nas pes
bro Nraug Ntses---wb nyob ua ke
nej txheeb npe---txhob hnov qab kuv
Mam sib thuv---yog nej tuaj yeem
kuv lub xeem---yog xeem hmoob dawb
dab pob tawb---yog kuv lub npe
lub cev me---teem taub plim pliaj
Tsis muaj nyiaj---vim khaws cua nab
tsis muaj nyab---thiaj kho kho qis
thiaj ua plis---tuaj zov cooj qaib
daws kev tshaib---xwb tiag cov phooj ywg hmoob!!!!!!!