paj huam ncaim

yuav hlub koj npaum cas
los sim neej no ntshe ua mob tas
xav tias los koj puag mus li
los twb tsis hnov koj lub suab ntxhi

ntshe kuv yuav tsis rov los lawm
ua hlo ib siab tsis rov tawm
koj tsis txhob nrhiav kuv ntxiv lawm os
cia kuv nco koj mam rov los nyob tos

Zaum no yog tau mus ntshe tsis rov
xav tias ntshe yuav mob lub siab tsis sov
los puam chawm mog tus kuv nco tshua
cia siab mam yaj ya ntshi li daim nplooj qhua

ncaim koj ntshe kuv yuav nco heev
yog tsis muaj koj ntshe yuav seev
yog tsis pom koj ib muag
ntshe qhov ncauj yuav tsuag tsuag

Yog koj ncaim kuv mus….. tso kev nco rau kuv

Ntse yuav ua cas uv …. tsis pom koj tuaj lawm
yuav tsis muaj siab ncig tawm….. nyob ntsaus ntso li dav
Nco koj lub suab hluag nyav…..nyob nruab siab tsis ploj
Puas yuav muaj hnub koj…..tig rov qab los
Ntse kuv yuav tos tos… tag kev cia siab
Mob mob lub siab… tsis pom koj tuaj
Nthai koj siab tsis ruaj ….yuav plam koj mus
Nco lo lus …koj hais qab zib
Zoo thib ib….. yeej yog koj lawm
Me nkauj ntxhawm….. cas tsis tig los
Ntse yuav tos tos……. koj tag sim neej
Pes tsawg txheej los yuav nco ntsoov koj os nkauj ntxawm.

Me leej nus ntxim siab....Kuv xav tias tsis tuaj
Los nco koj ua luaj...kuv xav tias ua ib siab
Los koj tus ntxhiab ... kuv tseg tsis taus li
Nco koj tej lus ntxhi... nco koj lo lus hlub
Nco koj niaj hnub...Nco koj niaj hmo
Ntshe yuav tsis tso .... yuav tsis ncaim koj
Yuav rov los zoj....tos koj li yav dhau los
Nqa koj tej lus mos.... los hais rau kuv pob ntseg
Koj tsis txhob veg... nyob nrog kuv ua ke
Yog koj rov los ntshe... kuv yuav rov tawm
Yog koj hlub me Nkaujntxawm... thiab koj tseem nco tshua
Mam rov pib dua... wb kev sib hlub
Li yav thaum ub... mog leej nus zoo nraug
Los yog koj xav kom kuv qaug... rau koj los lus qab zib
Los koj lam dib...kom kuv rov los xwb.......