koj tsis nco kuv

Subject: koj tsis nco kuv Wed May 02, 2012 8:07 am

First topic message reminder :

kuv tseem nco thaum i
wb hais lus luag ntxhi
koj tawb kuv kuv tawb koj
wb sib hlub zoo tam zoj
me noog diab kaum lauj
koj tias kuv yog tus zoo nkauj
koj hlub kuv ib txhis no
kuv xwb yog koj tus nco
cab niaj hnub no tshav ntuj nrig
koj mus muaj cuab yig
koj tsis nco qab kuv lawm tiag
Koj puas hnov kuv tseem nco koj lub ntiag
koj twb tias hlub tiag tiag tsis dag
cas koj cia kuv mob siab lwj tag
koj twb tsis noog kuv xov
koj twb tsis paub kuv lub siab ntxhov
vim koj cov lus tsis muaj tseeb
kom thiaj muab kuv tso koj muab kuv xyeeb
kuv thiaj nyob tsis muaj tug
koj mas luag nyuj nyav siab kaj lug
hais txog mas kuv siab lwj qas dhi
xav zoj tias yog ntxov paub tsis txhob nrog koj ntxhi

Subject: Re: koj tsis nco kuv Wed Oct 24, 2012 3:40 pm

Tsam koj ncauj npliag siab lam seev
Yog kuv deev tsam koj siab mob
Puas zoo txob koj tiag li
Kuv luag ntxhi los nyob tos
Koj lus mos zoo qab zib...
Tos koj dib hais tuaj ntxiv...
Tam cov chiv rau ywg cov paj
Twb xav saj koj lawm xwb tiag

YwjSuab wrote:: kuv ncauj hais tseeb nplooj siab seev tiag
kuv thiaj hais tawm tuaj nruab siab kiag
ncauj yeej tsis txhais siab yeej tsis ciav
thiaj xav ua kob tshuaj cawm koj siav
yog yuav dag ces yeej yuav tsis kam hlub
txawm zaum ob los thiaj yuav ua koj tus khub
thaum koj ntog tsis tsav los yeej yuav rub
mam li ua lub kaus roos koj tus duab hnub
lub ncauj hais tiag lub hlwb xav tseeb
koj thiaj li nyob rau nruab siab txhua feeb

Subject: Re: koj tsis nco kuv Thu Oct 25, 2012 6:12 am

nkaujhnubqub wrote:: Tsam koj ncauj npliag siab lam seev
Yog kuv deev tsam koj siab mob
Puas zoo txob koj tiag li
Kuv luag ntxhi los nyob tos
Koj lus mos zoo qab zib...
Tos koj dib hais tuaj ntxiv...
Tam cov chiv rau ywg cov paj
Twb xav saj koj lawm xwb tiag

lub ncauj yeej npliag siab yeej deev
thiaj tuaj seev puas laib hnub qub
ua kuv khub nyob mus ncig ntuj
ua dav yuj mus ncig ntiaj nrag
koj kuv ntag seev lus qab zib
wb yuav pib nyob hmoob ceeb tsheej
kom tsim meej ntawm txoj kev tshua
txhob lam phua kuv hlwb noj nawb

Subject: Re: koj tsis nco kuv Thu Oct 25, 2012 6:15 am

8tos8nco wrote:: Nkaujhnubqub thiab Ywjsuab,

Neb txawj sau lus seev paj haum ces rau rau siab tuaj sau vim peb xav nyeem neb tej lus tshua rau cab sab kawg li os.

Nov tsuas yog cov lus qhuas xwb es neb mam li sau ntxiv lawm yav nram ib yam li saum pib ntxiv mus.

8tos8nco,

Zoo siab uas koj tseem tuaj tso nkauj rau peb mloog thiab nawb.
Koj yuav tau tuaj sau paj huam rau peb tau nyeem thiab os.
Nkaujhnubqub thiaj li yuav ntsais rau wb pom laiv.

Subject: Re: koj tsis nco kuv Thu Oct 25, 2012 6:26 am

koj lub hlwb kuv nqhis diam
kuv yeej nyiam xav cia koj mam qhib
kuv cia koj pib kuv tsis phua nawb
kuv tsuas tawb seb koj puas hlub tiag
tos seb koj puas npliag nrog koj nplooj siab xwb
kuv tsis muaj hlwb li laiv leej nus hmoob...
mus ncig thoob lub ntuj ceeb tsheej yog koj hlub meej ces kuv yeej kam
thiab maj mam lawv koj qab dua
yog hlub tshua tiag tsis ntxias kuv cuab dab
mam ua koj nyab nrog koj nyob ib txhis...
txhob ntshai maum tshis nawb me leej nus ntxim tawb aww...

Subject: Re: koj tsis nco kuv Thu Oct 25, 2012 6:31 am

zoo li 8Tos8nco ntshai kuv nws tsis kam sau li os... cia seb nkaujnajtshia puas tuaj nrog peb sawv daws sau kom sov forum xwb lauj... zoo li nws txawj heev li na

» Tsis ntev pej xeem yuav tsis muaj av ua noj
» Tsis muaj neeg tuaj nrog kuv nyob ces kuv tsis xav nyob li os lawv
» YOG TSIS PAUB NO TSIS NCO
» Tsis hlub los tsis ua cas
» tos tsis tau