Tham lus : txog txoj kev hlub

First topic message reminder :

Koj niam koj txiv txoj kev hlub koj ho hlub li cas nab?
Koj puas nco qab tau thiab, tuaj tham rau peb kawm thiab os

Kuv pom kuv niam txoj kev hlub kuv mas kuv yeej hlub tsis tau kuv niam pauj thiajb pauj tsis tau nws tej txiaj ntsim kiag li na

Hauv kuv lub siab kuv tias hlub kuv niam heev no tab sis
kuv tseem xav tias hlub tsis txaus kom nws zoo siab li thiab ... lwm zaus mam piav ntxi vos na

nkaujhnubqub wrote:

kuv niam a... cas koj hlub kuv ua luaj
Kuv xav txog koj txoj kev hlub mas kuv quaj quaj
Kuv niam a, koj nim ua me kab me noog cawm
Koj nim hlub kuv tshaj txhua yam li lawm
Thaum peb ob peb leeg coob coob
Koj ib leeg nim muab ib sab ua niam ib sab ua txiv qhoob
Ua me nas me noog khiav khawv khuav
Peb nim nyob rau koj tu koj tshaib nqhi tam tus puav
Dai taw nim muab nruab hnub ua hmo ntuj
Zov zov peb loj mus tiav niam tiav txiv los ruam twb tsis nrog luag paub txuj
Thiaj pab tsis tau koj mog kuv niam
Tos kuv quaj los kuv ruam dhau lawm
Koj zam txim pub koj me nkauj ntxawm os mog

Me niamhluas,

Ua cas hnub no ncig los pom koj seev tau tu siab ua luaj
Ua rau kuv lub siab mob lub kua muag tawm plaws tuaj
Los ncig txog pom koj seev txog kev hlub ntawm leej niam
Ua rau kuv lub siab mob mob lub plawv dhia dhia
Kuv thiaj yuavtsum tau nkag los nrog koj tham ib pliag
Vim koj seev tau kho kho kuv lub me siab li nas me niam hluas
Koj tsis txhob quaj quaj kuv siab tsis kheev li
Kuv tsuas xav kom koj lub siab nyob tau luag ntxhi
Kuv tuaj pom koj los kuv thiaj kaj lub siab nrog koj uasi mog.

Nco koj os..., me niamhluas...,

Niam laus Npaujnpaim a, tos kuv seev quaj seev quaj
Vim yog kuv niam yug tau kuv hmoov tsis muaj
Yug poob nthav yog ib tus me ntxhais xwb
Thiab tsis paub tab thiaj ua neej txhoj puab khib dwb
Kuv niam yug poob nthav kuv niam hmoov tsis zoo
Cas yog tau kuv yog niag ntxhais qhua es kuv thiaj nroo
Vim kuv hlub kuv niam los kuv lub siab xav tau tej niag plab
Los muab nthuav tsis tau tawm ces cia li nqos rov qab
Lub niag siab qhwv qhwv quav kawg li
Txawm hlub kuv niam npaum twg los qhia tsis tau tias nws rau kuv muaj nuj nqi
Thiaj tuaj seev quaj seev quaj rau neeg nyeem xwb mog
Nws tsis txhob txhawj txog
nco nws thiab os kuv niam laus siab dawb siab zoo tshaj e...

niam txoj kev hlub yog lub qab ntuj tsha
niam txoj kev khwv thiaj li ua kab ua noog ya
niam txoj kev hlub yog kev saib
niam txoj kev cawm thiaj tsis pub tshaib
niam yeej yog tus muaj nqis
niam thiaj cia niam cov me nyuam noj mis

Kuv txiv ces tuag tseg kuv thaum kuv tseem me me
kuv niam ces twb maj maj mus ua nyab tshiab lawm
nws tseg kuv rau kuv yawm thaum kuv tsem me me quav
los kuv yawm twb tsi xav yuav kuv vim kuv tseem tsau txawj pab
kuv yawm thiaj muab kuv cab mus rau lwm tus
kuv thiaj nug hais tias nws yog leej twg na kuv yawm
nws yog koj txiv ntxawm koj nrog nws nyob
kuv loj hlob tsi poj nuv niam kev hlub
ua ib leej tub lub neej ntsuag nos
tsis tsim nyog keg li os lawv.