Cas hnub no.....

Subject: Cas hnub no..... Tue Jul 10, 2012 1:17 am

First topic message reminder :

Cas hnub no kuv tuaj tsis muaj neeg li nev...

Subject: Re: Cas hnub no..... Sun Sep 09, 2012 5:46 am

Kuv leej niam yog tus pub mis
Thiaj yuav nco mus ib txhiab ib txhis
Kuv niam yog tus hlub tshaj
Pom dheev nws twb nyob tau siab kaj
Kuv niam yog lub kaus roos thaum tshav kub
Kuv niam thiaj yog tus tus muag nrho rau kuv nws txoj kev hlub
Yus niam ces yeej yuav nco tiam dhau tiam
Ntshe zoo tam tej me kab ib hnub yus yuav ua yus niam yus txiv
Txog yus lub caij nyoog yus ua hauj lwm tiav yus mam lawv qab seb puas rov sib ntsib ntxiv...Xwb tiag hmoob e...

Subject: Re: Cas hnub no..... Sun Sep 09, 2012 2:17 pm

Kuv niam yog tus tu kuv loj vim nws yog tus mus khwv los rau kuv noj
kuv niam yog tus tiv nag tiv tshav yog muaj kuv niam es kuv thiaj li tau hnav
kuv niam yog lub ntuj tshav ntawm ntuj no txawm nws nyob qhov twg los kuv yeej nco
Kuv niam yog lub hli lub hnub txawm nws nyob qhov twg los kuv yeej hlub

Subject: Re: Cas hnub no..... Mon Sep 10, 2012 4:35 am

Kuv niam yog tus muab kuv txoj sia
Nws lo lus qhub kuv tseem xav hnov nws rov hais qhia
Kuv niam yog tus muab txoj sia cawm
Nws txawm yuav laus li cas los kuv yeej xav qawm

Kuv niam twb laus tas nho
Los kuv tseem niaj hnub nco
Yog thaum tsis pom kuv niam nyob
Kuv twb tsis pom qab tsa ncauj txob

Kuv niam hlub kuv tshaj li
Kuv thov kom kuv niam tsuas muaj txoj kev kaj siab luag ntxhi
Kuv niam yog ib leej niam zoo tshaj plaws lub me qab ntuj
Nws thiaj yog kuv lub chaw cawm siav zais kuv tus me ntsuj

Kuv niam thiaj pab pub zaub mov rau kuv noj kom loj hlob
Muab dej thiab tshuaj rau noj cawm kom kuv tsis muaj mob
Kuv niam ces yog kuv tais mov cawm sia
Kuv niam e muaj koj yug kuv thiaj muaj txoj sia loj
Kuv yeej nco ntsoov tias kuv muaj hmoo heev kuv thiaj tseem muaj koj

Subject: Re: Cas hnub no..... Mon Sep 10, 2012 8:12 pm

Nyob zoo os Nkaujhnubqub thiab 8tos8nco,

Tuaj pom neb sau sau pajhuam rau neb leej niam
Kuv rov nco nco kuv niam kawg li
Nrog neb sau ib qho me me seb lub siab puas kaj thiab

Thaum tseem muaj niam nyob
Niam zoo yam lub kaus roos tag nrog peb txhua tus
Mus txog twb ces lub ntsej muag thiab plhus twb tshiab khiv
Twb xav nrog luag zej luag zos tham luag hawv hiv

Nim no niam ncaim lawm
Yam lub tsev nkoj hlo mus qhov twg los qaij duj de li yuav ntog
Mus pom luag tham luag tsheej zaj los lub siab mob ntsaj
tuaj hnov nej txog nej niam txoj kev hlub ces chim chim lub siab tshaj

Subject: Re: Cas hnub no..... Mon Sep 10, 2012 11:09 pm

Nyob zoo niam laus nkaujhmoob thiab niam hluas Butterflylover
Kuv niaj hnub tuaj tos neb hauv no xwb os...Nco neb mog
Nkaujhmoob yog koj tsis tuaj li es kuv thiaj li nrog tijlaug 8tos8nco seev niam li neb thiab los mas.

» ib hnub zoo ib hnub phem los mam tsis txhob lem
» Nkauj Hnub Qub
» Kuv Sab Ntuj Hnub No
» xav txog hnub wb sib tso
» HNUB CAIV