....Hmongheaven, koj puas pom kuv Niam los txog ntawm no?....

Butterflylover,

Nws txhob tu tu siab vim tib neeg txawj yug los thiab txawj plhis ces txawm nws niam mus dua toj dua dawm lawm los tseem tshuav nws tus me ntxhais Butterflylover yog nws tus ntsuj plig tseem ua lub me neej saub seev yees nyob ntiaj teb es nws thiaj li xav zoj so nws lub me kua muag ces muab lub siab hluas ntxhis hais lus rau nws tej me nyuam kom lawv tsis txhob xav tau tias cas lawv niam yuav kua muag ntws tag li xwb os.

Yog koj muaj koj niam tej daim duab yav thaum hluas koj xav coj tuaj tso rau hauv nov ces koj niam daim duab yeej yuav nyob hauv nov mus tag li rau koj nej hnub tuaj saib thiab nco nws os. Yog koj nqa tuaj ces mam li muab tso rau saum theem main title topic los tau.

Yog koj xav upload duab hauv nov ces thaum koj qhib newpost los yog replypost ces koj nias rau qhov, "Host a image" ces koj mam li browse mus rau hauv koj lub pc ces dhau ntawm koj mam li nias rau qhov, "Host it" ces ob peb ntsais muag xwb koj yuav pom cov kab lins tawm los ces koj xub xub copy cov kab links cia tag tso koj mam li nias rau qhov, "Upload" ces koj yeej tau koj daim duab los tso rau hauv nov lawm mas.

NkaujHmoob,

NkaujHmoob, nrog neb tu siab tias neb niam laus laus ces nws tau ncaim neb mus lawm los tseem tshuav neb niam ob tug me ntxhais tseem ua lub neej nyob ces ua ib siab txhob seev lawm es yog neb xav tso neb niam qho daim duab rau hauv nov los tau kawg mas ces thaum twg neb nco nco neb niam ces mam tuaj saib ib pliag ces zoo li tseem sib ntsib li qub tag li xwb. Yog tso ces mam li muab kho rau saum theem title topic ces qhib page tshiab los yeej pom tag li.

Niam laus Nkaujhmoob,
Nco nco Niam lub suab, nco nco niam los lus.
Nim xav tias ua ib siab tsi txhob nco los ham yam nco.
Twb xav tsi txhob seev los lub ncauj twb seev tag.
Thiaj xav tias tuaj no saib puas pom Niam tuaj zaum hauv no tos koj thiab kuv.
Mus tsi txog Heaven, pom hauv no xwb thiab li yog. Lam tuaj zaum no zov saib Niam puas Los mus dhua.

Tuaj zov ntau 4-5 hnub no los tsi pom los qhov twg los li.
Thiaj li tau tsa ncauj noog saib puas muaj twg pom.
Los nim xav tsi raws xav. Hauv no ces lam tuaj hu nrog huab nrog cua xwb.
Yog lam yog tiag ces kuv twb hu qhia koj tias kuv nrhiav tau Niam lawm eee.

NkaujHmoob wrote:

Niamhluas Butterflylover,

Koj nim tuaj nrhiav nrhiav niam txog lub Heaven nov lov?

Kheev lam lub Heaven no yog lub niam mus nyob
Cia wb tuaj nrog nws nyob ces wb twb tsis nco thiab tsis txob
Thaum twg wb nco ces wb mam tuaj cuag tuaj tham

Kheev lam lub Heaven no yog niam lus zos
Ces wb twb tuaj pom tuaj saib tau
Thaum twg wb nco ces wb mam tuaj saib tuaj xyuas tuaj tsham
Cas nim tsis zoo li lub siab xav nim ua rau wb lub siab mob poob ntuj ntav