tsis muaj niam txiv hlub txog ib cim peb caug

seev tu siab
Ah....! Txoj ib cim peb caug lawm
Tsis pom kuv niam kuv txiv tawm
Tsis hnov ib kob xov tooj nrov
Kuv nyob li no es siab twb tsis sov
Niam thiab txiv neb nyob rau sab ntuj twg
Neb yog huab yog cua yaj ua dej ua lwg
Neb puas hnov Nkaujntsuag nos nco
Neb ua dab tsi puas pom neb ntxhais nro
Cas ib xyoo ntuj zeeg yuav dhau tiag
Nkaujntsuag nos tseem nco neb xub ntiag
Niaj hnub tseem tos neb lo lus hu npe
Tseem nco nco kom neb nrog kuv nyob ua ke
Cas luag muaj txiv muaj niam
Es kuv yuav tsis muaj neb tas kuv tiam
Pom luag muaj txheeb muaj ze
Kuv nco neb los twb tsis muaj neb li ne
Thaum txog caij luag noj tsiab
Luag muaj txiv hu plig rau xyoo tshiab
Kuv ces ib tsuas de tes nruj nrho xwb
Yam tus neeg tsis muaj siab tsis muaj hlwb
Neb nyob qhov twg yuav los hais ib los
Cas kuv tseem tos neb niaj hnub niaj hmo os...

lam sau li no rau peb nyeem os

Wb cov lus twb cog khaws cia
Tias txoj sia wb koom ua ke
Koj lub npe muab cog rau kuv
Nkauj hmoob puv thoob qab ntuj khwb
Los kuv xwb tus koj yuav hlub
Yuav ua khub nrog kuv mus li
Yuav hlub ntxhi kuv ib leeg tshaj
Thaum ntuj kaj txog ntuj tsaus
Yuav nyob laus ntawm kuv ib sab
Cia koj npab rau kuv pw ib leeg
Txoj kev ntseeg tias koj ncaj ncees
Yuav tais nrees kuv lub nruab hlwb
Koj kuv twb tau cog lus thaum i
Wb sib khi los txheej dhau txheej
Kev hlub meej thiaj rov tshwm dua
Tus hlub tshua tseem tos koj li qub
Yuav sib hlub ib txhis tsis sib nrug

Lam sau ua si