Lub neej toj siab ib txwm yog kuv lub neej uas khuam siab thiab nco ntsoov tsis ploj mus ib txhis. Kuv tseem nco tau hnub uas kuv thiab kuv tus phooj ywg tuaj nrog koj thiab koj tus phooj ywg dob nplej. Hnub ntawd muab xam tau tias yog wb txoj kev sib hlub uas tsis ploj hauv nruab siab mus tag tiam no. Vim kuv txoj kev tso dag thiaj tau ua rau koj chim, kuv tseem nco thaum koj chim kuv los ntxias koj lub kawm ev. Kuv saib mas koj zoo tau ntxim hlub tshaj txhua zaus, cas hnub no koj ho dua twg lawm os? Kheev lam muab lub sij hawm tig tau rov qab cia muab hnub no rov mus ua hnub ntawd ib zaug ntxiv, kuv mam puag koj rau hauv xub ntiag kom ntev ntev os mog...
Last edited by Ntsuj_Plig on Tue Dec 12, 2017 11:59 am; edited 13 times in total
Subject: Re: Hmoob Lub Neej Sun Sep 22, 2013 6:32 pm
Ntsuj-Plig,
Hmoob lub neej thaum ub qhov kuv nco tau ces txhaus ntxhaus ntshai xwb es kuv thiaj tsis xav nco txog. Yog yug los nyob lub caij li nej no nyaj yuav lom zem thiab xav txog thaum twg lub kua muag yuav poob thiab ne. Vim seb tej duab ma tej toj roob hav ma zoo nkauj heev yog lub sijhawm ntawv yus loj thiab txawj ua hluas nkauj ntse yuav lom zem heev yom. Tos nej nim tham tau tu tu siab thiab kho siab khuv xwb. Muaj sijhawm no tuaj piav nej lub neej ua hluas nkauj hluas nraug tiv rau peb seb txawv li cas. Cas kuv lub neej ua hluas nkauj yuav sai thiab tsis muaj ib qho lom zem li ma...hahahhahaa.
Subject: Re: Hmoob Lub Neej Sun Sep 29, 2013 8:18 pm
Wow! Ntsuj_Plig,
Koj zaj kev hlub nyob toj siab ma zoo tiag li os. Kav tsij tuaj piav ntxiv siab Yim Laj yuav tso Nkauj Ntxoo mus los Yim Laj tuaj yuav Nkauj Ntxoo lawm nawb...xav paub koj zaj dab neeg toj saib kom tag na................nej cov teb thaum ub puas zoo li daim duab video no nab Tsuj_Plig?
- Yim Laj teb tias Nkauj Ntxoo kuv yeej hlub thiab nco koj kawg mas tab sis kuv yeej tsis muaj peev xwm yuav cheem tau koj nrog kuv nyob vim tias lawv twb tuaj nqis tsev hais koj lawm. Thaum ntawd Yim Laj thiab Nkauj Ntxoo nkawd txawm cia li sawv thiab rov qab taug lub laj roob uas yog hav zoov nuj txeeg me suab kab noog quaj kho siab zim mus ntxiv.
- Lub sij hawm Nkawd mus txog rau Roob Cuam Kau tab tom yog lub caij uas hnub ntseg heev. Nkawd thiaj tau mus yees duab ua si nram ib thaj teb npleg uas nplej tab tom dauv tw qaib thiab tej me qos ntoo tab tom txij neeg. Lub caij tshav kub nkawd kuj mus zaum ua si nkauj tshav ntuj hauv tej hav qos ntoo.
- Ib pliag ntshi tsis nco saib muaj 2 tug tub hluas kwv phom nrog ncig txawm cia tuaj tshwm plaws. "Ntawd yog tus hmoob uas tuaj hais Nkauj Ntxoo", tab sis Yim Laj thiab Nkauj Ntxoo nkawd los kuj rau siab ntso yees duab tsis quav ntsej txog leej twg. Thaum kawg ob tug tub hluas ntawd nyob tsis taus kuj cia li rov qab lawm yam txaj muag ntsuav.
Subject: Re: Hmoob Lub Neej Sun Oct 13, 2013 5:57 pm
Tsuj_Plig,
Yog li ces Nkauj Ntxoo thiab Yim Laj nkawv kuj tsis sib tau li lov? cas yuav tu siab ua laj li os....puas tau tag thiab cas kuv xav mloog seb nkawv puas sib tau na....kuv twb pib los kua muag lawm hov yog nkawv tsis sib tau na.....