Cas Koj Tseg Kuv

Cas Koj Tseg Kuv
sau los ntawm:
Nkaujhnubqub


Puas yog kuv cov mov tsis muaj qab mib
koj thiaj tseg ncua tsis tuaj dib
Puas yog kuv tej lus tsis muaj kuab
Koj thiaj tseg ncua tsis xav tuaj npuab
Puas yog kuv lub suab qab tsis xws koj lub siab
Koj thiaj tseg ncua tsis tuaj hnia kuv tus ntxhiab
Puas yog kuv tus pa tsis xws koj tus pa
Koj thiaj nrog luag leej lwm tus ya
Me phooj ywg cas koj mus ntsiag moo to
Kuv ces koj lam dag lam hais xwb koj twb tsis nco
Yog koj tsis tuaj lub siab tsis ruaj
Ntshe kuv yuav tseg thaj me chaw no tsis txhob tuaj
Yog koj mus muaj tus nrog koj ua si
Ntshe kuv yuav tseg kiag thaj chaw no tsis txhob tuaj li
Vim tu siab tuaj los tsis muaj koj nrog ua si
Nplooj siab tsis puab nplooj ntsws li
Vim kua muag poob ntuj nthav xwb
Tuaj txog thaj chaw no ua yus puas hlwb
Koj txawm yuav tsis nco kuv los tsis ua as mog
Mus lwm lub chaw nrog lwm tus tsuav koj kaj siab log

Nyobzoo tus me neeg 8tos8nco
Twb vim koj kuv thiaj tsis xav tso
Vim koj tej lus hais deev lub siab
Yog tsis tau hnov siab tsis kiab

Vim koj tej lus mos lus muag
Hnub no kuv thiaj rov tuaj dua
Vim koj tej lus hlub lus nco ne
Hnub no kuv thiaj rov los koj lub tsev

Heheehehe, ntev ua luaj lawm
kuv twb tsis pom koj tawm
kuv ces lam tau lam seev lus uasi
Koj tuaj pom ces txhob cem txhob chim mog.

Kuv lam tso dag nrog koj me me xwb
tuaj pom kuv tej lus txhob cia mob koj hlwb
cia muaj sijhawm kuv mam tuaj nrog nej uasi
seb puas tseem piv tau li yav thaum i mog.

Cas koj tseg kuv nyob ib leeg
Kuv tsis paub neeg tsis tau tham
Thiaj maj mam zaum tos koj
Siab tsis loj me zuj zus lawm
Koj tsis los cawm kuv txoj sia
Kuv tuaj qhia rau koj paub
Kuv tuaj saub tos koj niaj hnub
Koj puas tseem hlub kuv lawm os
Koj puas tos kuv li yav thaum i
Koj luag ntxhi kuv luag nyav tiag
Wb siab npliag sib tawb mus saib dej
Kuv nco nej tsis paub xaus li os lawv
Kuv me plawv ces twb ntoj tsis tshua nrawm
Nco koj dhau lawm na me phooj ywg
Koj nyob qhov twg tuaj hnia kuv ib pas seb
Peb thaj teb yav thaud tau luag tseg
Kuv tsis tau veg tseem nyob zov
Hav mos txhov twb siab dhau neeg lawm
Rov tuaj wb cawm thaj me teb kom du
Ntim pob me su pub kuv noj thiab
Kuv qhuav siab kawg nkaus li os
Kuv zaum nov tos koj rov los xwb mog
Yog koj nco txog ces rov tuaj dua
Tus kuv tshua tshaj plaws aw...

Npauj npaim aw...., koj mus qhov twg lawm os?

Kuv hlub koj thiab nco koj mog es yog koj tuaj no sau ntawv qhia kuv os

Nkaujhnubqub, koj tsis tuaj ces Npauj Npaim thiaj li ploj lawm es koj yuav tau rov tuaj nrog peb sib caum saum nruab ntug thiab zoo siab koj tuaj lawm os.