TOJ SIAB CHAW NCO

Subject: TOJ SIAB CHAW NCO Sun Jun 30, 2013 10:22 am

----+++000 TOJSIAB CHAW NCO 000+++---

- Muaj ib hnub nyob hauv xyoo 2008 lub sij hawm tshav ntuj los kub cua los tsis tuaj Ntsuj Plig tab tom zaum hauv ib tug qab ntoos nyeem ib phau ntawv muaj npe tias " Roob Cuam Kau Lub Neej Ib Vuag Dua ". Lub sij hawm Ntsuj Plig tseem tab tom nyeem txog Yim Laj, Paj Huab thiab Nkauj Ntxoo lawv lub neej ua nkauj ua nraug nyob Roob Cua Kau zoo tam li tus duab tshav ntuj los ziab ib vuag xwb twb dhau mus lawm. Ua ke ntawd txawm muaj ib co neeg tham zom zaws tuaj mus kav kiab, Ntsuj Plig txawm nres thiab mloog seb lawv tham dab tsi. Ntsuj Plig txawm hnov lawv tham tias mus ua si tom zos tojsiab mas muaj neeg tuaj nqaum paj nqaum nruas coob kawg li, muaj qee zaus tseem rov tau mus ntsib yus tej qub hluas nkauj los sis qub hluas nraug uas twb tau sib ncaim los ntev lawm thiab.

- Tom qab Ntsuj Plig hnov li no ua rau nws tig rov mus xav txog Nkauj Ntxoo tej lus uas sau nyob hauv phau ntawv dab neeg "ROOB CUAM KAU LUB NEEJ IB VUAG DUA" Nkauj Ntxoo tau sau ib tsab ntawv tseg thiab muaj ib nqes nram qab uas yuav kawg nws sau hais rau Yim Laj tias " Kuv thov ncaim koj mus lawm os mog Yim Laj tus kuv hlub, txij no mus kuv tsuas ntsib koj nyob hauv npau suav lawm xwb mog." Thaum Ntsuj Plig rov los xav txog Nkauj Ntxoo tsab ntawv uas muaj ntsiab lus tias "Tsab Ntawv Tu Moo" nws thiaj xav tias "Ab...., Yog li cia kuv lam mus ncig tim lawv zos tojsiab seb ho puas yuav ntsib Nkauj Ntxoo ib zaug dua ne.

- Hnub tom qab sawv ntxov tsees Ntsuj Plig sawv los ntxua muag tag txawm nkaus hlo lub raj nplaim thiab rau khau zoj zeeg mus ncig rau zos tojsiab. Lub sij hawm nws mus txog rau zos tojsiab ua cas ntsia qhov twg los tsis pom neeg li tab sis tsuas hnov tej suab tham seev yees, hu nkauj, thiab hais kwv txhiaj ua rau kho siab zim. Lub sij hawm ntawd Ntsuj Plig xam ncig lees ib muag rau ib cheeb tsam ze ntawm nws los kuj tsis pom dab tsi, nws xav zoj tias "Ab......Tej laus ib txwm hais tias poj ntxoog thiab dab no ntshe yog li no ntag lau" ua rau Ntsuj Plig plaub hau xob vog nws thiaj tig loo rov qab. Ua ke ntawd txawm muaj ib lub suab poj niam hu tias "Ntsuj Plig koj tuaj thiab los?" Ntsuj Plig xam ncig lees tsis pom dab tsi, nws thiaj teb tias " Koj yog leej twg thiab koj nyob qhov twg cas koj lam hu kuv lub npe". Tus ntxhais ntawd txawm teb ntua tias "Ntsuj Plig kuv yog tsis yog dab thiab tsis yog poj ntxoog os txhob ntshai ma". Ua rau Ntsuj Plig thiaj tig hlo rov los thiab hais ntxiv tias yog koj tsis yog poj ntxoog cas kuv ho tsis pom koj ma". Tus ntxhais ntawd thiaj teb tias "Ntsuj Plig koj yuav ua cas pom kuv na vim koj yog ntsuj plig koj tsis muaj lub cev tab sis kuv yog tib neeg muaj lub cev wb ib leeg nyob ib sab ntuj koj tsuas hnov kuv lub suab xwb mas".

- Txij ntawd los Ntsuj Plig txawm xav tias "Ab......Cas nws hais lus zoo nkaus li Nkauj Ntxoo tiag ne" ua rau Ntsuj Plig lub ncauj tsis hais los lub siab xav twb ywm tias "Nkauj Ntxoo yeej hais tseg lawm tias nws tsuas ntsib kuv rau hauv npau suav lawm xwb no ntshe yog nws lawm tiag pob". Suav txij ntawd los Ntsuj Plig thiaj niaj hnub tuaj nrog nws tham nyob rau zos Tojsiab tsis tu ncua, txawm yog tias yuav tsis pom tus neeg hnov lub suab xwb los Ntsuj Plig yeej txaus siab vim xav tias yog muaj ib hnub txoj hmoov txog Ntsuj Plig yuav tau ntsib nws xwb.

Subject: Re: TOJ SIAB CHAW NCO Sun Jun 30, 2013 11:35 am

Ntsuj_Plig,

Zoo siab rau koj tuaj sau dab neeg Hmoob rau peb tau nyeem laug hnub yuav yog ib yam zoo heev rau yav neej pem suab vim koj txawj sau tau lus Hmoob ntxaws kawg li es koj mam tuaj sau ntxiv nawb.

Nyob rau hauv daim clip nov ces kuv tsuas khwv yees mus nrhiav seb puas muaj tej zaj yeeb yaj kiab seev txog toj siab chaw nco xwb. Tab sis, zoo li tej chaw hauv tseem tsis tau zoo li toj siab chaw nco tiag tiag vim lub teb chaws nplog zoo li tseem nyob rau theem qis zog lawm ces tsis zoo li nyob Toj siab tiag tiag tam kuv xav.

Subject: Re: TOJ SIAB CHAW NCO Sun Jun 30, 2013 11:41 am

8tos8nco,

Ua tsaug koj los pab nyeem os, cia muaj caij kuv mam tuaj sau ntxiv nawb. Koj daim slide no los
yeej zoo lawm thiab mas.

Ua tsaug os.

» lub chaw npliag siab
» KUV LUB CHAW MLOOG NKAUJ Vim kho siab
» Pojniam vs Txivneej
» Hnub no mloog nkauj tsi kho siab li...Nws tu siab xwb...
» Nyob zoo "Chaw qis"