~KUV NCO KOJ~

Subject: ~KUV NCO KOJ~ Fri Feb 26, 2010 2:31 pm

First topic message reminder :

Uacas kuv yuav nco koj ua luaj..., lub ncauj tsis hais los lub siab twb quaj,
Vim nco koj dhau..., lub ncauj tsis hais los lub siab twb mob txaus,
Nco koj tshaj li os, tus neeg kuv hlub, koj puas tseem nyob li qub?
Yog muaj ib hnub koj ncig yeev tuaj txog ntawm thaj chaw no,
Kom koj paub tias kuv muab zaj nkauj no tso rau koj mloog tias kuv nco koj no mog,

Subject: Re: ~KUV NCO KOJ~ Fri Apr 22, 2011 9:44 pm

Kuv ces kawg tuaj hais nyob zoo xwb vim muaj nej coob leej tuaj ua si es kuv thiaj li lom zem xwb.

Subject: Re: ~KUV NCO KOJ~ Tue May 03, 2011 9:00 am

Nyobzoo Nujqiam,

Zoo siab koj tseem tuaj ncig txog hauv kuv lub tsev no thiab
Vam tias koj thiab koj cov phoojywg yuav nyob tau kajsiab
Hos kuv ces mus nyob ib leeg tsaus ntuj nti
Xav txog tseem nco txog nej txhua tug kawg li

Subject: Re: ~KUV NCO KOJ~ Fri Jun 29, 2012 3:16 pm

Hnub no kuv nco nco ib tug neeg
Tus ntawd yog tus kuv ib txwm ntseeg
Hnub no kuv rov qab los nrhiav tus neeg ntawd
Vim nws yog tus kuv ib txwm hlub puag thaud lawm

Hnub no kuv nco nco ib tug neeg zoo
Tus ntawd yog tus thaum ub nrog kuv nroo
Nws niaj hnub tuaj nyob thaj chaw no tos kuv kev
Kuv tuaj thaum twg nws los hais nyobzoo tuav kuv tes

Hnub no kuv nco nws kuv thiaj tuaj nrhiav
Kuv tuaj txog tsis muaj nws ua kuv kho kho siab
Vim nws twb tso kuv tseg los ntev heev ntau niaj lawm
Hnub no kuv rov tuaj ncig txog twg los yeej tsis pom nws tawm

Txawm li ntawd los cia kuv mam de nplooj tshuam nws kev
Yog thaum twg nws rov qab ncig los txog wb lub tsev
Tejzaum nws yuav nco kuv me me thiab
Thov kom nws nyob tau kaj siab

Subject: Re: ~KUV NCO KOJ~ Sat Jun 30, 2012 1:38 am

Npauj Npaim,

Zoo siab ntsib koj ncig rov los txog peb lub zos Hmongheaven thiab os. Koj mas cas yuav txawj seev tau tej lus paj huam zoo ua luaj li es xav kom yog seev rau kuv ntshe kuv yuav zoo siab twj ywm tag li xwb.......hahahahahahahahaha.

Subject: Re: ~KUV NCO KOJ~ Mon Jul 02, 2012 9:42 am

Nyobzoo lawv tej me hlub tus me 8tos8nco
Kuv los yeej zoo siab uas tau ntsib nws hauv no
Kuv tej lus seev ces yog seev rau ibtug neeg thaum ub
Thaum ub uas kuv xub tuaj txog nws nrog kuv seev kev hlub

Vim nws kuv thiaj niaj hnub tuaj nyob thaj chaw no tos
Twb yog vim nws kuv lub siab thiaj mob kev kev nco
Zaum no ces nws ncaim kuv mus lawm tsis tuaj
Kuv thiaj seev me me nrog lub siab quaj

Vim nco nws heev kuv thiaj rov qab tuaj seev
Tabsis xyov nws puas paub txog thiab puas ras xeev
Txawm licas los hnub no koj twb tuaj ntsib kuv nyob hauv no
Thov koj pab mus qhia rau nws tias kuv tseem hlub thiab tseem nco

Nws no os mog, tus me neeg zoo.