Kuam Tooj Lis

Los peb mloog Kuam Tooj piav txog Yaj Soob Lwj (Niam Ntawv) tej lus seb
nej ho xav li cas??

Kuam Tooj Lis #2_Soob Lwj Yaj li lus fajlem 1 Kuam Tooj Lis #2_Soob Lwj Yaj li lus fajlem 2 Kuam Tooj Lis #2_Soob Lwj Yaj li lus fajlem 3

Ntsuj_Plig,

Zoo siab koj tso Kuam Tooj piav txog Yaj Soob Lwj (Niam Ntawv) rau peb mloog os.

Tab sis, kuv tsis muaj qhov confidence txog tej lus nov vim kuv yog me nyuam yaus xwb kuv yuav tsis paub txog thiab yog hais tias cov lus tus piav zaj dab neeg ntawm yog piav tom qab xyoo 1975 lawm ces tej ntawm tsis yog GVP hauj lwm paub txog pob vim tias tsov nrog nyob sab Nyab Laj teb, Khaj Meem teb, thiab teb chaws Los Tsuas mas tsuas yog lawv ua rog sib tawm tsam txog fab kev caim koos sam thiab ywj pheej vim thaum ub muaj Fabkis yog cov tseem tuav sab Indochina ces tom qab tog qab Fabkis swb nrog Nyab Laj qaum teb ces Fabkis cia li swb tag nrho sab ntuj Indochina ces thiaj li muaj Tsoom Fwv Americans mus muab Nyab Laj lub teb chaws txiav ua ob ya es cia tog Nyab Laj qab teb rau Meskas saib hos tog Nyab Laj Qaum Teb ces cia rau tog koom sam saib xwb raws li tej laus qhia thiab nyeem muaj nyob rau ntaub ntawv es kuv thiaj tham li nov xwb.

Hos Yaj Soob Lwj mas kuv ho tsis tau paub txog lub sij hawm ntawm seb lawv puas nrog leej twg tuav teb chaws thiab muaj tej yam keeb kwm tshwm rau sab ntuj tim ub ua ntej xyoo 1975 es luag neeg ntiaj teb puas nrog paub txog li cas xwb lau.

Kuv mas tseem xav paub txog GVP zaj dab neeg seb thaum ub tej laus nyob sab ntuj tim ub es lawv ua rog loj li cas thiab nyob noj li cas mas kuv xav kom muaj cov neeg piav dab neeg Hmoob VP rau peb tau nyeem mas yuav yog ib qho tseeb dua.  Tab sis, kuv tsis nyiam cov dab neeg es peb mus estimate tsov rog thiab kam teb chaws xwb mas ntshe yog neeg lam tham kom zoo siab xwb vim lub sij hawm nov sab ntuj hnub tuaj qab teb hauv sab Asia tsis muaj tsov rog los tau 38 xyoo lawm mas yeej yog cov neeg tim muaj yeej loj kawg siab li lawm ces cov neeg laus twb mus dua dawm tag hos lawv cov hluas twb yug los ua niam ua txiv thiab lawv twb txawj los ua tswv teb chaws tag lawm zuj zus ces kawg peb yuav rov mus sib hlub lawm nyob sab ntuj tim lawm xwb zoo dua.

Peb Hmoob ces kawg dab neeg nco tau xwb hos yuav kom sau tau muaj nyob rau ntaub ntawv ces yuav yog txheej Hmoob tom qab Txiv Plig twb tuaj qhia ntawv Hmoob rau Hmoob tag lawm mas ntshe thiaj li muaj cov txawj sau dab neeg Hmoob rau ntaub ntawv tseg xwb tam kuv xav vim hais tias tab txawm yog GVP cov tub rog kiag los peb tsuas tau CIA tej duab saib lawm xwb hos peb Hmoob cov tub rog ces lawv txawm yuav mus ua rog 365 X 15 = 4575 hnub tauj 15 lub xyoo los twb tsis muaj ib daim nyuag duab zoo saib coj los qhia rau sawv daws kom paub tau hais tias peb cov tub rog zoo li cas thiab coob npaum li cas mas yeej yog peb Hmoob ces tsuas lam ua rog pab Nplog thiab Meskas tuav txoj sia kom txhob raug luag lwm haiv neeg caij tsuj peb xwb.

Yog muab xav los mus kuj yog ib qho zoo heev tias muaj GVP los coj Hmoob ib zaug nrog luag kawm tuav riam phom mos txwv ces peb Hmoob twb paub nrog luag tua phom txhua yam ib yam li luag lwm haiv neeg cov muaj teb chaws lawm ces peb cov me nyuam Hmoob yug los txheej nim nov thiaj li ntshe dua cov laus thaum ub lawm ntau ntau npaug vim cov me nyuam Hmoob twb tau tuaj nrog luag neeg ntiaj teb nyob muaj vaj huam sib luag lawm ces zoo kawg li os.......hahahahahahahaha.

8tos8nco,

Kuv los yeej xav ib yam li koj hais thiab mas, tej lus saub no kuv yeej tsis thuam thiab tab sis nws zoo nkaus li kev twv power ball xwb. Twv pluag tag nyuag qhuav raug ib zaug los haj tseem twb raug tsis tag kom tau nyiaj thiab tsuas yog chwv tus puav nyuag xwb mas.

Hos yog yuav piv txog GVP mas luag hais li luag ua kiag thiab luag ua tau rau Hmoob thiab neeg ntiaj teb pom kiag tias luag yog tus muaj peev xwm tiag. Peb yuav muab dab tsi coj los pauv tsis tau GVP tus txiaj ntsim lawm os.

Ntsuj_plig,

Yog li koj hais mas vim tias peb cov neeg hais dab neeg Hmoob mas tsis muaj ntaub ntawv ua pov thawj ces lawv tsuas yog ib co neeg cim xeeb zoo es thaum lawv mus hnov lwm tus laus neeg tham ces lawv mam li khaws cia rau nruab siab thiab lawv mam li tham rau lwm tus ntxiv mus kom zaj dab neeg tseem nyob nkaus xwb.

Hahahahahaha.....dab neeg los kuv yeej ntseeg thiab yog hais tias zaj dab neeg twb xub tawm ua ntej 1975 kaw cia tseg lawm mas thiaj li yog muaj li saub nyeem tau Meskas lub hlwb. Yog hais tias zaj dab neeg mam li tshwm sim tshiab es tsuas hais tias yav ntuj puag thaum ub xwb ces qhov ntawm yus los yuav tsis paub ntseeg li cas tau.

Hos dab neeg Nuj Nplhaib thiab Ntxawm mas tej laus yeej piav thaum lawv yuav mus pw es ntxias me nyuam yaus tsaug zog tej ces yog leej twg loj tuaj kawm tau ces thiaj li txawj mus ua Nuj Nplhaib nrhiav Ntxawm tam kuv xav vim hais tias sab ntum tim ub mas tej laus nyob hav zoo hav tsuag xwb ces lawv yeej piav cov dab neeg txaus ntshais.

Hos GVP mas nws ua rog pab luag cov neej tswv neeg ntiaj teb ces luag kom nws ua ces luag tuaj tom qab txhawb zog tsis muaj limit ces nws mus ua rog mas zoo li saib hauv video ces yawg hlob yeej tsis tag nqa phom ntawm tes li vim luag tsuas ntsia saum ntuj seb kaj huab los yog tshav ntuj nkaus xwb ces thaum twg muaj rog qhov twg ces xob nthe (jet fighter flying over head) tag li xwb raws li tej laus piav.